∞ მუხლი 037. გადასახადის გადამხდელის წარმომადგენელი / Article 37 - Taxpayer’s representative

1. გადასახადის გადამხდელს უფლება აქვს, საგადასახადო ურთიერთობებში მონაწილეობა მიიღოს თავისი კანონიერი ან უფლებამოსილი წარმომადგენლის მეშვეობით. საგადასახადო ურთიერთობებში გადასახადის გადამხდელის პირადად მონაწილეობა არ ართმევს მას უფლებას, ჰყავდეს წარმომადგენელი, ისევე, როგორც წარმომადგენლის მონაწილეობა არ ართმევს მას უფლებას, პირადად მიიღოს მონაწილეობა აღნიშნულ ურთიერთობებში.
2. საწარმოს/ორგანიზაციის კანონიერ წარმომადგენლებად ითვლებიან მისი ორგანოები ან/და საქართველოს საკანონმდებლო აქტებითა და ამ საწარმოს/ორგანიზაციის სადამფუძნებლო დოკუმენტებით უფლებამოსილი სხვა პირები. ფიზიკური პირის კანონიერ წარმომადგენლად ითვლება პირი, რომელიც ამ კოდექსისა და საქართველოს სხვა საკანონმდებლო აქტების საფუძველზე ახორციელებს შესაბამის უფლებამოსილებას.
3. გადასახადის გადამხდელის კანონიერი წარმომადგენლის ქმედება, რომელიც დაკავშირებულია საგადასახადო ურთიერთობებში ზემოაღნიშნული პირის მონაწილეობასთან, ითვლება თვით ამ პირის ქმედებად.
4. გადასახადის გადამხდელის უფლებამოსილ წარმომადგენლად ითვლება პირი, რომელიც ზემოაღნიშნული პირის რწმუნებით უფლებამოსილია წარმოადგინოს მისი ინტერესები საგადასახადო ორგანოებთან ან/და საგადასახადო ურთიერთობების სხვა მონაწილეებთან ურთიერთობებში, აგრეთვე სასამართლოში.
5. საწარმოს/ორგანიზაციის უფლებამოსილი წარმომადგენელი მოქმედებს ამ საწარმოს/ორგანიზაციის მიერ გაცემული მინდობილობის საფუძველზე, ხოლო ფიზიკური პირის უფლებამოსილი წარმომადგენელი – ამ ფიზიკური პირის მიერ გაცემული და სანოტარო წესით დადასტურებული მინდობილობის ან საქართველოს სამოქალაქო კოდექსით მინდობილობასთან გათანაბრებული სხვა დოკუმენტის საფუძველზე, ასეთი მინდობილობით ან სხვა დოკუმენტით განსაზღვრული უფლებამოსილების ფარგლებში.

1. A taxpayer may participate in tax matters through its legal or authorised representative. Personal participation of a taxpayer in tax matters shall not deprive it of the right to have a representative, nor shall the participation of the representative deprive it of the right to personally participate in the said relations.

2. Legal representatives of an enterprise/organisation shall be its bodies and/or other authorised persons under the legislative acts of Georgia or foundation documents of the enterprise/organisation. A legal representative of a natural person shall be the person who exercises relevant rights under this Code and other legislative acts of Georgia.

3. An action of a taxpayer’s legal representative, in particular the participation of the representative in tax matters, shall be deemed the action of the taxpayer.

4. A taxpayer’s legal representative shall be a person who is authorised by the taxpayer to represent its interests before tax authorities and/or in dealings with other participants of tax matters or in court.

5. An authorised representative of an enterprise/organisation shall act under a power of attorney granted by that enterprise/organisation, and the authorised representative of a natural person shall act under a notarised power of attorney granted by that natural person or under any other document deemed equal to a power of attorney under the Civil Code of Georgia, within the scope of such power of attorney or other document.