☼ მუხლი 002. საქართველოს საგადასახადო კანონმდებლობა / Article 2 - Tax legislation of Georgia

1. საქართველოს საგადასახადო კანონმდებლობა შედგება საქართველოს კონსტიტუციის, საერთაშორისო ხელშეკრულებებისა და შეთანხმებების, ამ კოდექსის და მათ შესაბამისად მიღებული კანონქვემდებარე ნორმატიული აქტებისაგან.
2. გადასახადებით დაბეგვრისათვის გამოიყენება საგადასახადო ვალდებულების წარმოშობის დღისათვის მოქმედი საქართველოს საგადასახადო კანონმდებლობა.
3. საქართველოს მთავრობა, საქართველოს ფინანსთა მინისტრი ამ კოდექსის აღსრულების მიზნით იღებს/გამოსცემს კანონქვემდებარე ნორმატიულ აქტებს.
4. (ამოღებულია - 26.12.2013, №1886).
5. საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირის – შემოსავლების სამსახურის (შემდგომში – შემოსავლების სამსახური) უფროსი საქართველოს საგადასახადო კანონმდებლობის აღსრულების მიზნით გამოსცემს ბრძანებებს, შიდა ინსტრუქციებსა და მეთოდურ მითითებებს საგადასახადო ორგანოების მიერ საქართველოს საგადასახადო კანონმდებლობის გამოყენების თაობაზე.
6. საგადასახადო ურთიერთობების რეგულირებისას ამ კოდექსში გამოყენებული საქართველოს კანონმდებლობის ტერმინები და ცნებები გამოიყენება იმ მნიშვნელობით, რა მნიშვნელობაც მათ აქვთ შესაბამის კანონმდებლობაში, თუ ამ კოდექსით სხვა რამ არ არის გათვალისწინებული.
7. გადასახადით დაბეგვრასთან დაკავშირებულ საკითხზე საქართველოს პარლამენტის მიერ რატიფიცირებულ და ძალაში შესულ საერთაშორისო ხელშეკრულებას აქვს უპირატესი იურიდიული ძალა ამ კოდექსის მიმართ.

1. The tax legislation of Georgia comprises the Constitution of Georgia, international treaties and agreements, this Code and subordinate normative acts adopted in compliance with them.

2. The tax legislation of Georgia in effect at the moment when tax liability arises shall be used for taxation.

3. The Government of Georgia or the Minister for Finance of Georgia shall adopt/issue subordinate normative acts for enforcing this Code.

4. (Deleted - No 1886, 26.12.2013)

5. To enforce the tax legislation of Georgia, the head of the Legal Entity under Public Law (LEPL) within the Ministry of Finance of Georgia - the Revenue Service (‘the Revenue Service’) shall issue orders, internal instructions and guidelines on application of the tax legislation of Georgia by tax authorities.

6. When regulating tax matters, the terms and concepts of the legislation of Georgia used in this Code shall have the same meanings as they have in the respective legislation, unless otherwise provided for by this Code.

7. Any international tax-related treaty that has been ratified by the Parliament of Georgia and that has entered into force shall prevail over this Code.