sic32 იმკ-ის ინტერპრეტაცია 32

sic32.pdf
View Download

იმკ 32

 

იმკ-ის ინტერპრეტაცია 32

 

არამატერიალური აქტივები  ვებგვერდების დანახარჯები

 

წყაროები


ფასს 3  `საწარმოთა გაერთიანება~.

 

ბასს 1  ,,ფინანსური ანგარიშგებების წარდგენა’’ (შესწორებული 2007 წელს).

 

ბასს 2  ,,სასაქონლო-მატერიალური ფასეულობები’’ (შესწორებული 2003 წელს).

 

ბასს 11  ,,სამშენებლო კონტრაქტები’’ .

 

ბასს 16  ,,ძირითადი საშუალებები’’ (შესწორებული 2003 წელს).

 

ბასს 17  ,,იჯარა’’ (შესწორებული 2003 წელს).

 

ბასს 36  ,,აქტივების გაუფასურება’’  (შესწორებული 2004 წელს).

 

ბასს 38  `არამატერიალური აქტივები~ (შესწორებული 2004 წელს).

 

 

 

განსახილველი საკითხი

 

 

1.         საწარმომ შეიძლება საკუთარი ხარჯები გასწიოს თავისი ვებგვერდის შექმნისა და ექსპლუატაცისთვის და შიდა ან გარე მოხმარების მიზნებისთვის. გარე მოხმარებისთვის შექ-მნილი ვებგვერდი შესაძლოა გამოყენებულ იქნეს სხვადასხვა მიზნებისათვის, როგორიცაა საწარმოს საკუთარი პროდუქციისა და მომსახურების რეკლამა და სტიმულირება, ელექ-ტრონული მომსახურების უზრუნველყოფა და პროდუქციისა და მომსახურების გაყიდვა. შიდა მოხმარებისთვის შექმნილი ვებგვერდი შესაძლოა გამოყენებულ იქნეს კომპანიის პოლიტი-კისა და მომხმარებელთა დეტალების შენახვისათვის და შესაბამისი ინფორმაციის მოსაძიებ-ლად.

 

2.         ვებგვერდის დამუშავების/შექმნის დონეები შეიძლება შემდეგნაირად აღიწეროს:

 

)         დაგეგმვა  შეიცავს ეკონომიკური მიზანშეწონილობის კვლევის ჩატარებას, მიზნებისა და სპეციფიკაციების განსაზღვრას, ალტერნატიული და შერჩეული უპირატესობების შეფა-სებას;

 

)         სისტემისა და ინფრასტრუქტურის დამუშავება  მოიცავს შიდა სახელის მოპოვებას, აპა-რატურული და ოპერაციული უზრუნველყოფის შეძენასა და დამუშავებას, დამუშავებული სისტემების დაინსტალირებასა და სტრესულ ტესტირებას;

 

)         გრაფიკული დიზაინის დამუშავება  მოიცავს ვებგვერდის წარმოდგენის დიზაინს;

 

)        შინაარსის განვითარება  შეიცავს ვებგვერდის წარმოებას, შესყიდვას, გრაფიკული ან ტექსტური ინფორმაციის მომზადებასა და გადატვირთვას მისი განვითარების დასრულე-ბამდე.

 

3.         მაშინ, როდესაც მთავრდება ვებგვერდის განვითარება, იწყება ოპერაციული ეტაპი. ამ ეტა-პის განმავლობაში, საწარმო ახდენს ვებგვერდის სისტემების, ინფრასტრუქტურის, გრაფიკუ-ლი დიზაინისა და შინაარსის მომსახურებასა და გაფართოებას.

 

4.         საწარმოს მიერ თავისი ვებგვერდის განვითარებისა და ოპერირებისათვის და შიდა ან გარე მოხმარების მიზნებისათვის საკუთარი ხარჯების აღრიცხვისას წარმოიქმნება შემდეგი სა-კითხები:

 

)         არის თუ არა იგი შიდა წარმოშობის არამატერიალური აქტივი, რომელიც განხილულია ბასს 38-ში; და

 

)         ასეთი დანახარჯის შესაბამისი სააღრიცხვო მეთოდი.

 

 

 

იმკ 32

 

5.         ეს ინტერპრეტაცია არ გამოიყენება ვებგვერდის შესყიდვის, განვითარებისა და აპარატურუ-ლი უზრუნველყოფის დანახარჯებისთვის (მაგ ვებსერვერები, ეტაპების სერვერები, პროდუქ-ციის სერვერები და ინტერნეტის დამაკავშირებლები). ასეთი დანახარჯი აისახება ბასს 16-ის შესაბამისად. ამის გარდა, როდესაც საწარმო დანახარჯს გასწევს იმ ინტერნეტის პროვაი-დერზე, რომლის საკუთრებაშიც იმყოფება საწარმოს ვებგვერდი, მაშინ ბასს 1.88-ისა და სტრუქტურული საფუძვლების1 მიხედვით დანახარჯი აღიარდება ხარჯად მომსახურების მი-ღებისას.

 

6.         ბასს 38 არ გამოიყენება იმ არამატერიალური აქტივებისათვის, რომელთაც საწარმო ინარ-ჩუნებს გაყიდვის მიზნებისათვის ჩვეულებრივი საქმიანობის დროს (იხ ბასს 2 და ბასს 11) ან იჯარა, რომელიც იმყოფებიან ბასს 17-ის ფარგლებში. შესაბამისად, ეს ინტერპრეტაცია არ გამოიყენება ვებგვერდის (ან მისი ოპერაციული უზრუნველყოფის) განვითარებისა და ოპე-რირების დანახარჯისთვის, როდესაც იგი უნდა მიეყიდოს სხვა საწარმოს. როდესაც ვებ-გვერდი ქირავდება ჩვეულებრივი იჯარის მეშვეობით, მოიჯარე იყენებს ამ ინტერპრეტაცი-ას. როდესაც ვებგვერდი ქირავდება ფინანსური იჯარის მეშვეობით, მოიჯარე იყენებს ამ ინ-ტერპრეტაციას იჯარით გაცემული აქტივის თავდაპირველი აღიარების შემდეგ.

 

 

კონსენსუსი

 

 

7.         საწარმოს საკუთარი ვებგვერდი, რომელიც წარმოიქმნება განვითარებიდან და გამოიყენება შიდა ან გარე მოხმარებისათვის წარმოადგენს შიდა წარმოშობის არამატერიალურ აქტივს და განიხილება ბასს 38-ში.

 

8.         განვითარებიდან წარმოქმნილი ვებგვერდი არამატერიალურ აქტივად უნდა აღიარდეს მხო-ლოდ და მხოლოდ მაშინ, როდესაც ბასს 38.21-ში აღწერილი ძირითადი მოთხოვნების გარდა, საწარმომ უნდა დააკმაყოფილოს ბასს 38.57-ის მოთხოვნებიც. განსაკუთრებით, საწარმოს უნდა შეეძლოს იმ მოთხოვნის დაკმაყოფილება, როდესაც მან უნდა აჩვენოს, თუ როგორ მოხერხდება ვებგვერდიდან შესაძლო სამომავლო ეკონომიკური სარგებლების ამოღება ბასს 38.57()- მიხედვით, მაგალითად, როდესაც ვებგვერდს შეუძლია შემოსავლების წარ-მოქმნა ისეთი პირდაპირი შემოსავლებიდან, როგორიცაა შეკვეთების წარმოდგენა. საწარ-მოს არ შეუძლია იმის დემონსტრირება, თუ როგორ შეძლებს მხოლოდ საკუთარი პროდუქ-ციის ან მომსახურების რეკლამის ან სტიმულირებისათვის განვითარებული ვებგვერდი შე-საძლო სამომავლო ეკონომიკური სარგებლების წარმოქმნას და, შესაბამისად, ყველა დანა-ხარჯი ასეთი ვებ-გვერდის განვითარებისათვის უნდა აღიარდეს ხარჯად გაწევის მომენტში.

 

9.         საწარმოს საკუთარი ვებგვერდის განვითარებისა და ოპერირებისათვის გაწეული ნებისმიე-რი შიდა დანახარჯი უნდა აღირიცხოს ბასს 38-ის მიხედვით. ყოველი საქმიანობის ბუნება, რომლისთვისაც გაწეულ იქნა დანახარჯი (მაგ თანამშრომელთა სწავლება და ვებგვერდის მომსახურება) და ვებგვერდის განვითარების ან განვითარების შემდგომი ეტაპი უნდა შეფა-სდეს შესატყვისი სააღრიცხვო მეთოდის განსასაზღვრავად (დამატებითი მითითებები მოცე-მულია ამ ინტერპრეტაციაზე დართულ საილუსტრაციო მაგალითში). მაგალითად:

 

)         დაგეგმვის ეტაპი ბასს 38.54-56-ის კვლევის ეტაპის ანალოგიურია. ამ ეტაპზე მომხდარი დანახარჯი აღიარებულ იქნება ხარჯად გაწევის მომენტში;`

 

)         სისტემისა და ინფრასტრუქტურის განვითარების ეტაპი, გრაფიკული დიზაინისა და შინა-არსის განვითარების ეტაპი იმ დროს, როდესაც შინაარსი ვითარდება იმ მიზნებისათვის, რომლებიც განსხვავდება საწარმოს საკუთარი პროდუქციისა და მომსახურების რეკლა-მისა და სტიმულირებისგან, ბუნებით ანალოგიურია ბასს 38.57-.64-ის განვითარების ფაზი-სა. ამ ეტაპებზე მომხდარი დანახარჯი წინამდებარე ინტერპრეტაციის მე-8 პუნქტის მი-ხედვით ჩართულ უნდა იქნეს არამატერიალურ აქტივად აღიარებულ ვებ-გვერდის ხარ-ჯში, როდესაც დანახარჯი შეიძლება პირდაპირ მიეწეროს ვებ-გვერდს და აუცილებელია მისი შექმნის, წარმოების ან მომზადებისას, რათა მას შეეძლოს მოქმედება ხელმძღვანე-ლობის მიზნების შესაბამისად. მაგალითად, დანახარჯი შინაარსის შექმნაზე ან შეძენაზე

 

 

1.         მინიშნებაში `სტრუქტურული საფუძვლები~ იგულისხმება ბასსკ-ის მიერ 2001 წელს გამოცემული  `ფინანსური ანგარიშგების მომზადებისა და წარდგენის სტრუქტურული საფუძვლები~. 2010 წლის სექტემბერში ბასსს-მა სტრუქტურული საფუძვლები ჩაანაცვლა `ფინანსური ანგარიშგების კონცეპტუალური საფუძვლებით~.

 

 

 

 

იმკ 32

 

(გარდა იმ შინაარსისა, რომელიც რეკლამასა და სტიმულირებას უწევს საწარმოს საკუ-თარ პროდუქციასა და მომსახურებას) სპეციალურად ვებგვერდისთვის, ან დანახარჯი, რომელიც შესაძლებელს ხდის ვებგვერდის შინაარსის მოხმარებას (მაგ კვლავწარმოე-ბისთვის საჭირო ლიცენზიის შენატანი), შეტანილ უნდა იქნეს განვითარების დანახარჯში, როდესაც ეს პირობა დაკმაყოფილებულია. თუმცა ბასს 38.71-ის მიხედვით, დანახარჯი არამატერიალურ ნივთზე, რომელიც ადრინდელ ფინანსურ ანგარიშგებებში თავდაპირვე-ლად ხარჯად იქნა აღიარებული, არ შეიძლება მოგვიანებით აღიარდეს, როგორც არამა-ტერიალური აქტივის დანახარჯის ნაწილი (მაგ., თუ საავტორო უფლების დანახარჯები მთლიანად იყო ამორტიზებული და მისი შინაარსი შემდგომ წამოდგენილ იქნა ვებ-გვერ-დზე);

 

)         შინაარსის განვითარების ეტაპზე მომხდარი დანახარჯი, როდესაც იგი ვითარდებოდა საწარმოს საკუთარი პროდუქტებისა და მომსახურების რეკლამისა და სტიმულირების-თვის, (მაგ პროდუქტების ციფრული ფოტოგრაფიები), ბასს 38.69()- მიხედვით უნდა აღი-არდეს ხარჯად გაწევის მომენტში. მაგალითად, საწარმოს საკუთარი პროდუქციის ციფ-რული ფოტოგრაფიების გადაღებისა და მათი წარმოჩენის გასაუმჯობესებელი პროფესი-ონალური მომსახურების დანახარჯი უნდა აღიარდეს ხარჯად, ვინაიდან ეს მომსახურე-ბა მიიღება პროცესის დროს და არა როდესაც ციფრული ფოტოგრაფიები წარმოდგინდე-ბა ვებ-გვერდზე.

 

)        ოპერაციული ეტაპი იწყება, როდესაც მთავრდება ვებგვერდის განვითარება. ამ ეტაპზე მომხდარი დანახარჯი უნდა აღიარდეს ხარჯად გაწევის მომენტში, გარდა, როცა იგი აკ-მაყოფილებს ბასს 38.18-ის აღიარების კრიტერიუმს.

 

10.       ვებგვერდი, რომელიც აღიარებულ იქნა, როგორც არამატერიალური აქტივი ამ ინტერპრეტა-ციის მე-8 პუნქტის მიხედვით, უნდა აღიარდეს თავდაპირველი აღიარების შემდეგ ბასს 38.72-

 

.87-ის მოთხოვნების მიხედვით. ვებგვერდის სასარგებლო ეკონომიკური მომსახურების ვადა მოკლე უნდა იყოს.

 

კონსენსუსის თარიღი

 

 

2001 წლის მაისი.

 

ძალაში შესვლის თარიღი

 

 

ეს ინტერპრეტაცია ძალაშია 2002 წლის 25 მარტს. ამ ინტერპრეტაციის მიღების ეფექტები უნდა აღი-რიცხებოდეს 1998 წელს გამოცემული ბასს 38-ის გადასვლის მოთხოვნების გამოყენებით. ამიტომ, როცა ვებ-გვერდი არ აკმაყოფილებს არამატერიალურ აქტივად აღიარების კრიტერიუმს, მაგრამ ადრე აღიარებული იყო აქტივად, მაშინ უნდა მოხდეს მისი აქტივიდან ჩამოწერა ამ ინტერპრეტაცი-ის ძალაში შესვლის თარიღისათვის. როდესაც ვებგვერდი არსებობს და მისი განვითარებისთვის გა-წეული დანახარჯი აკმაყოფილებს არამატერიალურ აქტივად აღიარების კრიტერიუმს, მაგრამ ადრე არ იყო აღიარებული აქტივად, მაშინ უნდა მოხდეს არამატერიალური აქტივის აღიარება ამ ინტერ-პრეტაციის ძალაში შესვლის თარიღისთვის. როდესაც ვებ-გვერდი არსებობს და მისი განვითარების-თვის გაწეული დანახარჯი აკმაყოფილებს არამატერიალურ აქტივად აღიარების კრიტერიუმს, მაგ-რამ ადრე აღიარებული იყო აქტივად, მაშინ თავდაპირველად აღიარებული ღირებულება ითვლება მართებულად.

 

 

 

ბასს 1-მა  `ფინანსური ანგარიშგების წარდგენა~  (შესწორებული 2007 წელს) შეცვალა ფასს-ში გამოყენებული ტერმინოლოგია. გარდა ამისა, განაპირობა მე-5 პუნქტის შეცვლა. საწარმომ ზემოაღნიშნული ცვლილებები უნდა გამოიყენოს 2009 წლის 1 იანვარს ან მის შემდგომ დაწყებული წლიური პერიოდებისათვის. თუ საწარმო ბასს 1- (შესწორებული 2007 წელს) უფრო ადრინდელი პერიოდისთვის გამოიყენებს, ამავე პერიოდისთვის უნდა გამოიყენოს ეს ცვლილებებიც.