ifrs 05 ფინანსური ანგარიშგების საერთაშორისო სტანდარტი 5

ifrs05.pdf
View Download
ფასს 5

ფინანსური ანგარიშგების საერთაშორისო სტანდარტი 5

გასაყიდად გამიზნული გრძელვადიანი აქტივები და შეწყვეტილი ოპერაციები



მიზანი


1. წინამდებარე ფასს-ი მიზნად ისახავს გასაყიდად გამიზნული აქტივების ბუღალტრული აღ-რიცხვის წესის განსაზღვრას და შეწყვეტილი ოპერაციების შესახებ ფინანსური ანგარიშგე-ბის მომზადებასა და წარდგენას. კერძოდ, ფასს მოითხოვს:

ა) აქტივები, რომელიც პასუხობს კრიტერიუმებს, რომლის მიხედვითაც შესაძლოა მათი კლასიფიცირება, როგორც გასაყიდად გამიზნული, უნდა ფასდებოდეს საბალანსო ღირე-ბულებასა და რეალურ ღირებულებას (გაყიდვის დანახარჯების გამოკლების შემდეგ) შორის უმცირესი ღირებულებით; და


ბ) აქტივები, რომელიც პასუხობს კრიტერიუმებს, რომლის მიხედვითაც შესაძლოა მათი კლასიფიცირება, როგორც გასაყიდად გამიზნული, ცალკე უნდა იყოს წარმოდგენილი ფინანსური მდგომარეობის ანგარიშგებაში, ხოლო შეწყვეტილი ოპერაციების შედეგები კი ცალკე სრული შემოსავლის ანგარიშგებაში.

მოქმედების სფერო


2. მოცემული ფასს-ის კლასიფიკაციისა და ფინანსური ანგარიშგების წარდგენის წესები ვრცელ-დება ყველა აღიარებულ გრძელვადიან აქტივზე1 და საწარმოს ყველა გამსვლელ ჯგუფზე. ფასს-ის შეფასების მოთხოვნები ეხება ყველა აღიარებულ გრძელვადიან აქტივსა და გამსვლელ ჯგუფს (როგორც მე-4 პუნქტშია მოცემული), გარდა მე-5 პუნქტში ჩამოთვლილი აქტივებისა, რომელთა შეფასება გაგრძელდება ამ პუნტში მითითებული სტანდარტის შესაბა-მისად.


3. ბასს 1-ის `ფინანსური ანგარიშგების წარდგენა” მიხედვით გრძელვადიან აქტივებად კლასიფიცირებული აქტივების კლასიფიკაციის შეცვლა მიმდინარე აქტივებად არ შეიძლება, სანამ ისინი არ დააკმაყოფილებს ამ ფასს-ის კრიტერიუმებს მათი კლასიფიცირებისათვის, როგორც გასაყიდად გამიზნული. აქტივების ჯგუფი, რომელსაც საწარმო, როგორც წესი, გრძელვადიან აქტივად განიხილავს და შეძენილია მხოლოდ და მხოლოდ ისევ გაყიდვის მიზ-ნით, კლასიფიცირებული არ უნდა იყოს როგორც მიმდინარე, გარდა იმ შემთხვევებისა, რო-დესაც ისინი პასუხობს წინამდებარე ფასს-ის კრიტერიუმებს, რომლის მიხედვით მათი კლა-სიფიცირება შეიძლება, როგორც გასაყიდად გამიზნული.


4. ზოგჯერ საწარმო ლიკვიდაციის პროცესში ერთი გარიგებით უშვებს მთლიანად აქტივების ჯგუფს, რომელსაც შესაძლოა თან ახლდეს პირდაპირ დაკავშირებული ვალდებულებებიც. ასეთი გამსვლელი ჯგუფი შესაძლოა მთლიანად ან ნაწილობრივ შედგებოდეს ფულადი სახ-სრების წარმომქმნელი ერთეულის ან ერთეულებისაგან2. ამ ჯგუფში შესაძლოა შედიოდეს საწარმოს ნებისმიერი აქტივი ან ვალდებულება, მათ შორის მიმდინარე აქტივები, მიმდინა-რე ვალდებულებები და ისეთი აქტივებიც, რომლებიც მოცემული ფასს-ის შეფასების მოთხოვ-



1. იმ აქტივებისათვის, რომლებიც კლასიფიცირებული იყო ლიკვიდობის მიხედვით, გრძლევადიანი აქტივი ისეთი აქ-ტივია, რომელიც მოიცავს თანხას, რომლის ამოღება მოხდება ბალანსის შედგენის თარიღიდან 12 თვის შემდეგ. ასეთი აქტივების კლასიფიცირება მოცემულია მე-3 პუნქტში.

2. თუმცა, თუ ამ აქტივებიდან ან აქტივების ჯგუფიდან მოსალოდნელი ფულადი ნაკადი უშუალოდ გაყიდვიდან გა-მომდინარეობს და არა გრძელვადიანი გამოყენებიდან, ისინი სხვა აქტივებიდან მისაღებ ფულად სახსრებზე ნაკ-ლებად ხდება დამოკიდებული და გამსვლელი ჯგუფი, რომელიც ფულადი სახსრების წარმომქმნელი ერთეულის ნაწილი იყო, ხდება ფულადი სახსრების წარმომქმნელი დამოუკიდებელი ერთეული.
 



 
ფასს 5 მდ

ნებიდან ამოღებულია მე-5 პუნქტის მიხედვით. თუ გრძელვადიანი აქტივი, რომელიც ამ ფასს-ის შეფასების მოთხოვნებს ექვემდებარება, გამსვლელი ჯგუფის ნაწილია, მაშინ ფასს-ის შეფასების წესები ვრცელდება მთლიანად გამსვლელ ჯგუფზე და ამიტომ ჯგუფის შეფასება ხდება საბალან-სო ღირებულებასა და გაყიდვის დანახარჯებით შემცირებულ რეალურ ღირებულებას შორის უმცირესი ღირებულებით. გამსვლელ ჯგუფში შემავალი ინდივიდუალური აქტივებისა და ვალდე-ბულებების შეფასების წესები მოცემულია მე-18, მე-19 და 23-ე პუნქტებში.

5. წინამდებარე ფასს-ის შეფასების წესები1 არ ვრცელდება იმ აქტივებზე, რომლებიც შედის ქვემოთ ჩამოთვლილი სტანდარტების მოქმედების სფეროში, როგორც ინდივიდუალური აქ-ტივი ან გამსვლელი ჯგუფის ნაწილი:

ა) გადავადებული საგადასახადო აქტივები (ბასს 12 `მოგებიდან გადასახადები”);

ბ) დაქირავებულ მომუშავეთა გასამრჯელოებიდან წარმოქმნილი აქტივები (ბასს 19 `დაქირავებულ მომუშავეთა გასამრჯელოები”);

გ) ფინანსური აქტივები, რომლებიც განეკუთვნება ფასს 9-ის `ფინანსური ინსტრუმენტები” მოქმედების სფეროს;

დ) გრძელვადიანი აქტივები, რომლის ბუღალტრული აღრიცხვა ხდება რეალური ღირებუ-ლების მოდელის მიხედვით, ბასს 40-ის `საინვესტიციო ქონება” შესაბამისად;

ე) გრძელვადიანი აქტივები, რომლებიც შეფასებულია რეალურ ღირებულებას გამოკლებუ-ლი სავარაუდო გაყიდვის დანახარჯების თანხით, ბასს 41-ის `სოფლის მეურნეობა” მიხედვით;


ვ) ხელშეკრულებით მინიჭებული უფლებები სადაზღვევო ხელშეკრულებების ფარგლებში, როგორც ეს განსაზღვრულია ფასს 4-ში `სადაზღვევო ხელშეკრულებები”.

5ა. წინამდებარე ფასს-ის კლასიფიკაციის, წარდგენისა და შეფასების მოთხოვნები, რომლებიც ეხება გასაყიდად გამიზნულად კლასიფიცირებულ გრძელვადიან აქტივს (ან გამსვლელ ჯგუფს), ასევე ეხება იმ გრძელვადიან აქტივს (ან გამსვლელ ჯგუფს), რომელიც კლასიფიცირებულია, როგორც გასანაწილებელი მესაკუთრეებზე, რომლებიც მოქმედებენ აქციონერის სტატუსით.


5ბ. ამ ფასს-ში განსაზღვრულია მოთხოვნები განმარტებით შენიშვნებში გასაშუქებელი ინფორმაციისთვის, რომელიც ეხება გასაყიდად გამიზნულად კლასიფიცირებულ გრძელვა-დიან აქტივებს (ან გამსვლელ ჯგუფს), ან შეწყვეტილ ოპერაციებს. ამგვარი აქტივების (ან გამსვლელი ჯგუფის) მიმართ არ გამოიყენება სხვა ფასს-ების მოთხოვნები, იმ შემთხვევის გარდა, როდესაც სხვა ფასს-ები მოითხოვს:

ა) სპეციფიკური ინფორმაციის გაშუქებას გასაყიდად გამიზნულად კლასიფიცირებული გრძელვადიანი აქტივების (ან გამსვლელი ჯგუფის), ან შეწყვეტილი ოპერაციების შესახებ; ან


ბ) განმარტებით შენიშვნებში ინფორმაციის გაშუქებას გამსვლელი ჯგუფის შემადგენელი ისეთი აქტივებისა და ვალდებულებების შეფასების შესახებ, რომელსაც არ ეხება ფასს 5-ით გათვალისწინებული შეფასების მოთხოვნა და ამგვარი ინფორმაციის განმარტება უკვე მოცემული არ არის ფინანსური ანგარიშგების სხვა შენიშვნებში.

ბასს 1-ის საერთო მოთხოვნებთან, კერძოდ, მე-15 და 125-ე პუნქტების მოთხოვნებთან შესაბამისობის მისაღწევად შეიძლება აუცილებელი იყოს დამატებით სხვა ინფორმაციის გაშუქებაც გასაყიდად გამიზნულად კლასიფიცირებული გრძელვადიანი აქტივების (ან გამსვლელი ჯგუფის), ან შეწყვეტილი ოპერაციების შესახებ.






1. გარდა მე-18 და მე-19 პუნქტებისა, რომლებიც მოითხოვს განსახილველი აქტივების შეფასებას სხვა სათანადო
ფასს-ის შესაბამისად.
 



 
ფასს 5 მდ

კლასიფიკაცია გასაყიდად გამიზნული გრძელვადიანი აქტივები (ან გამსვლელი ჯგუფები)


6. საწარმო გრძელვადიან აქტივს (ან გამსვლელ ჯგუფს) მიანიჭებს გასაყიდად გამიზნულის კლასიფიკაციას, თუ მისი საბალანსო ღირებულება ანაზღაურდება გაყიდვის გარიგებით და არა მისი გამოყენების გაგრძელებით.

7. ამისათვის, შესაძლებელი უნდა იყოს აქტივის (ან გამსვლელი ჯგუფის) დაუყოვნებელი გა-ყიდვა არსებულ მდგომარეობაში, მხოლოდ ასეთი აქტივების (ან გამსვლელი ჯგუფების) გა-ყიდვის ჩვეულებრივი პირობებით და მისი გაყიდვა დიდი ალბათობით მოსალოდნელი უნდა იყოს.


8. იმისათვის, რომ გაყიდვა დიდად მოსალოდნელი იყოს, ხელმძღვანელობის შესაბამისი დონე აქტივის (ან გამსვლელი ჯგუფის) გაყიდვის გეგმას მხარს უნდა უჭერდეს და შემუშავებული უნდა იყოს მყიდველის მოძებნისა და გეგმის ბოლომდე მიყვანის აქტიური პროგრამა. ამასთან, უნდა მოხდეს აქტივის (ან გამსვლელი ჯგუფის) აქტიურ გაყიდვაზე მიმართული მარკეტინგი, იმ ფასად, რომელიც შეესაბამება მის მიმდინარე რეალურ ღირებულებას. გარ-და ამისა, ამ გაყიდვის აღიარება დასრულებულ გაყიდვად შესაძლებელი უნდა იყოს კლასი-ფიცირების დღიდან ერთი წლის განმავლობაში, გარდა იმ შემთხვევებისა, რომლებიც დაშვე-ბულია მე-9 პუნქტში, ხოლო გეგმის დასრულებისათვის საჭირო ღონისძიებები იმის დასტურს უნდა იძლეოდეს, რომ გეგმის მნიშვნელოვანი ცვლილება ან გეგმის გაუქმება მოსალოდნე-ლი არ არის. აქციონერთა მიერ ამ გეგმის დამტკიცების ალბათობა (თუ მოითხოვება მოცემული იურისდიქციით) უნდა განიხილებოდეს ხელმძღვანელობის მიერ გასაკეთებელი იმ შეფასების ნაწილად, არის თუ არა გაყიდვა დიდად მოსალოდნელი.


8ა. თუ საწარმოს გაყიდვის გეგმა ითვალისწინებს შვილობილ საწარმოზე კონტროლის დაკარგვას, მან შვილობილი საწარმოს ყველა აქტივსა და ვალდებულებას უნდა მიანიჭოს გასაყიდად გამიზნულის კლასიფიკაცია, როდესაც დაკმაყოფილებული იქნება 6-8 პუნქტებით განსაზღვრული კრიტერიუმები, იმის მიუხედავად, საწარმო შეინარჩუნებს თუ არა მაკონტროლებელ წილს ყოფილ შვილობილ საწარმოში გაყიდვის შემდეგ.

9. მოვლენებმა ან გარემომ შესაძლოა განაპირობოს გაყიდვის პერიოდის ერთ წელზე მეტხანს გაგრძელება. გაყიდვის დასრულებისათვის საჭირო პერიოდის გაგრძელება ხელს არ უშლის აქტივის (ან გამსვლელი ჯგუფის) გასაყიდად გამიზნულად კლასიფიცირებას, თუ დაგვიანება გამოწვეული იყო ისეთი მოვლენებით ან გარემოებებით, რომლებიც საწარმოს კონტროლის ფარგლებს სცილდებოდა და არსებობს საკმარისი მტკიცებულება იმისა, რომ საწარმო კვლა-ვაც მხარს უჭერს აქტივის (ან გამსვლელი ჯგუფის) გაყიდვის გეგმას. ეს ის შემთხვევაა, რო-დესაც დანართ ბ-ში მოცემული კრიტერიუმები დაკმაყოფილებულია.

10. გაყიდვის გარიგება მოიცავს ერთი გრძელვადიანი აქტივის მეორეზე გაცვლას, როდესაც გაცვლას ბასს-16-ის `ძირითადი საშუალებები~ მიხედვით კომერციული შინაარსი აქვს.

11. როდესაც საწარმო იძენს გრძელვადიან აქტივს (ან გამსვლელ ჯგუფს) კონკრეტულად შემ-დგომი გაყიდვის მიზნით, გრძელვადიან აქტივს შეძენის დღესვე მხოლოდ მაშინ უნდა მიენი-ჭოს კლასიფიკაცია გასაყიდად გამიზნული, თუ მე-8 პუნქტში მოცემული ერთი წლის პირო-ბა შესრულებულია (მე-9 პუნქტით დაშვებული შემთხვევების გარდა) და დიდად მოსალოდნელია, რომ მე-7 და მე-8 პუნქტებში მოცემული სხვა კრიტერიუმები, რომლებიც დაკმაყოფილებული არ არის იმ დღეს, დაკმაყოფილდება შეძენის მომენტიდან უმოკლეს ვა-დაში (ჩვეულებრივ სამ თვეში).


12. თუ მე-7 და მე-8 პუნქტებში მოცემული კრიტერიუმები დაკმაყოფილდა საანგარიშგებო პერიოდის დამთავრების შემდეგ, საწარმომ ფინანსური ანგარიშგების შედგენის დროს არ უნდა მოახდინოს გრძელვადიანი აქტივის (ან გამსვლელი ჯგუფის) კლასიფიცირება, რო-გორც გასაყიდად გამიზნული. თუმცა, როდესაც ამ კრიტერიუმების დაკმაყოფილება მოხდება საანგარიშგებო პერიოდის დამთავრების შემდეგ, მაგრამ ფინანსური ანგარიშგების გამო-
 




 
ფასს 5 მდ

საცემად დამტკიცებამდე, საწარმო პუნქტ 41 (ა), (ბ) და (დ)-ში განსაზღვრულ ინფორმაციას გააშუქებს შენიშვნების სახით.

12ა. გრძელვადიანი აქტივი (ან გამსვლელი ჯგუფი) მაშინ კლასიფიცირდება როგორც მესაკუთ-რეებზე გასანაწილებელი, როდესაც საწარმო იღებს აქტივის (ან გამსვლელი ჯგუფის) მესაკუთრეებზე განაწილების ვალდებულებას. ასეთ შემთხვევაში, აქტივები ხელმისაწვდომი უნდა იყოს დაუყოვნებლივ განაწილებისთვის მის არსებულ მდგომარეობაში და განაწილება მაღალი ალბათობით უნდა იყოს მოსალოდნელი. განაწილება მაღალი ალბათობით არის მოსალოდნელი, თუ განაწილების განსახორციელებლად საწყისი ნაბიჯები გადადგმულია და განაწილების დამთავრება მოსალოდნელია კლასიფიკაციის მინიჭების თარიღიდან ერთი წლის ფარგლებში. განაწილების განსახორციელებლად საჭირო ქმედებები იმაზე უნდა უნდა მიუთითებდეს, რომ მოსალოდნელი არ არის მნიშვნელოვანი ცვლილებები განაწილებაში, ან განაწილების გაუქმება. აქციონერთა მიერ განაწილების დამტკიცების ალბათობა გათვალისწინებულ უნდა იქნეს იმის დადგენისას, განაწილება არის თუ არა მოსალოდნელი მაღალი ალბათობით.


გასაუქმებელი გრძელვადიანი აქტივები

13. საწარმომ არ უნდა მოახდინოს გასაუქმებელი გრძელვადიანი აქტივის (ან გამსვლელი ჯგუ-ფის) კლასიფიცირება, როგორც გასაყიდად გამიზნული. ამის მიზეზია ის, რომ მისი ძირითადი ღირებულების ამოღება, უმთავრესად, გრძელვადიანი მოხმარებიდან იქნება შესაძლებელი. თუმცა, თუ გასაუქმებელი გამსვლელი ჯგუფი 32 (ა)-(გ) პუნქტის კრიტერიუმებს პასუხობს, სა-წარმომ შედეგები და გამსვლელი ჯგუფის ფულადი ნაკადები უნდა წარადგინოს, როგორც შეწყვეტილი ოპერაციები 33-ე და 34-ე პუნქტების მიხედვით, იმ თარიღიდან, როდესაც მისი გამოყენება შეწყდა. გასაუქმებელი გრძელვადიანი აქტივები (ან გამსვლელი ჯგუფები) მოი-ცავს გრძელვადიან აქტივებს (ან გამსვლელ ჯგუფებს), რომელიც გამოყენებული იქნება მა-თი ეკონომიკური მომსახურების ვადის ბოლომდე და გრძელვადიან აქტივებს (ან გამსვლელ ჯგუფებს), რომელიც დაიხურება და არ გაიყიდება.


14. ისეთი გრძელვადიანი აქტივები, რომლებიც დროებით იყო ამოღებული გამოყენებიდან, სა-წარმომ არ უნდა აღრიცხოს როგორც გაუქმებული.

გრძელვადიანი აქტივების (ან გამსვლელი ჯგუფების) შეფასება, რომლებიც კლასიფიცირებულია როგორც გასაყიდად გამიზნული


გრძელვადიანი აქტივის (ან გამსვლელი ჯგუფის) შეფასება

15. საწარმო გასაყიდად გამიზნულად კლასიფიცირებულ აქტივს (ან გამსვლელ ჯგუფს) შეაფა-სებს მის საბალანსო ღირებულებასა და გაყიდვის დანახარჯებით შემცირებულ რეალურ ღი-რებულებას შორის უმცირესი ღირებულებით.

15ა. საწარმო გრძელვადიან აქტივს (ან გამსვლელ ჯგუფს), რომელიც კლასიფიცირებულია, როგორც მესაკუთრეებზე გასანაწილებელი, შეაფასებს მის საბალანსო ღირებულებასა და განაწილებისთვის საჭირო დანახარჯებით შემცირებულ რეალურ ღირებულებას შორის უმ-ცირესი ღირებულებით. 1

16. თუ ახლადშეძენილი აქტივი (ან გამსვლელი ჯგუფი) პასუხობს გასაყიდად გამიზნულად კლა-სიფიცირების კრიტერიუმებს (იხ. პუნქტი 11), მე-15 პუნქტის გამოყენება გამოიწვევს თავდა-პირველი აღიარების დროს აქტივის (ან გამსვლელი ჯგუფის) შეფასებას უმცირესი ღირებუ-ლებით, მის საბალანსო ღირებულებასა (რომელიც ექნებოდა, თუU ასეთი კლასიფიცირება არ მოხდებოდაა (მაგალითად, თვითღირებულება) და რეალურ ღირებულებას (გაყიდვის და-ნახარჯების გამოკლების შემდეგ) შორის. ამგვარად, თუ აქტივი (ან გამსვლელი ჯგუფი) შე-




1.   განაწილებისთვის  საჭირო  დანახარჯები  არის  დამატებითი  დანახარჯები,  რომლებიც  უშუალოდ  არის დაკავშირებული აქტივის განწილებასთან, ფინანსური დანახარჯებისა და მოგების გადასახადის გამოკლებით.
 



 
ფასს 5 მდ

ძენილი იყო როგორც საწარმოთა გაერთიანების ნაწილი, იგი უნდა შეფასდეს რეალური ღი-რებულებით, გაყიდვის დანახარჯების გამოკლებით.

17. როდესაც გაყიდვა მოსალოდნელია ერთი წლის შემდეგ, საწარმო გაყიდვის დანახარჯებს შეაფასებს დისკონტირებული ღირებულებით. ნებისმიერი ზრდა გაყიდვის დანახარჯების დისკონტირებულ ღირებულებაში, რომელიც გამოწვეულია დროის ფაქტორით, წარდგენილი იქნება მოგებისა და ზარალის ანგარიშგებაში როგორც ფინანსური დანახარჯი.

18. უშუალოდ იმის წინ, სანამ აქტივი (ან გამსვლელი ჯგუფი) თავდაპირველად კლასიფიცირდე-ბა როგორც გასაყიდად გამიზნული, აქტივის (ან ჯგუფის ყველა აქტივისა და ვალდებულების) საბალანსო ღირებულება უნდა შეფასდეს შესაბამისი ფასს-ის მიხედვით.

19. გამსვლელი ჯგუფის შემდგომი გადაფასებისას, იმ აქტივებისა და ვალდებულებების საბალან-სო ღირებულება, რომელიც არ შედის ამ ფასს-ის შეფასების მოთხოვნების ფარგლებში, მაგ-რამ შესული იყო გამსვლელ ჯგუფში, რომელიც კლასიფიცირებული იყო, როგორც გასაყი-დად გამიზნული, ხელახლა უნდა შეფასდეს შესაბამისი ფასს-ის მიხედვით მანამ, სანამ გამსვლელი ჯგუფის რეალური ღირებულება (გაყიდვის დანახარჯების გამოკლებით) ხელახ-ლა შეფასდება.


გაუფასურების ზარალისა და მისი ანულირების აღიარება

20. საწარმო აღიარებს გაუფასურების ზარალს აქტივის (ან გამსვლელი ჯგუფის) ყოველი თავ-დაპირველი ან შემდგომი ჩამოწერის დროს გაყიდვის დანახარჯებით შემცირებულ რეალურ ღირებულებამდე, იმ მოცულობით, რომელიც აღიარებული არ იყო მე-19 პუნქტის მიხედვით.

21. აქტივის გაყიდვის დანახარჯებით შემცირებული რეალური ღირებულების შემდგომი ზრდის შედეგად საწარმომ უნდა აღიაროს შემოსულობა, მაგრამ არა უმეტეს ჯამური გაუფასურე-ბის ზარალისა, რომელიც აღიარებული იყო ან ამ ფასს-ის შესაბამისად, ან ადრე ბასს 36-ის `აქტივების გაუფასურება", მიხედვით.

22. გამსვლელი ჯგუფის გაყიდვის დანახარჯებით შემცირებული რეალური ღირებულების ნების-მიერი ზრდის შემთხვევაში, საწარმომ უნდა აღიაროს შემოსულობა, ამ ფასს-ის შეფასების მოთხოვნების ფარგლებში მყოფი გრძელვადიანი აქტივებისათვის:

ა) იმ მოცულობით, რაც აღიარებული არ იყო  მე-19 პუნქტის მიხედვით, მაგრამ

ბ) არა უმეტეს ჯამური გაუფასურების ზარალისა, რომელიც უკვე იყო აღიარებული ან ამ ფასს-ის მიხედვით, ან ბასს 36-ის მიხედვით.

23. გაუფასურების ზარალი (ან შემდგომი შემოსულობაა), რომელიც აღიარებული იყო გამსვლელი ჯგუფისათვის, შეამცირებს (ან გაზრდის) ჯგუფში შემავალი იმ გრძელვადიანი აქტივის საბალანსო ღირებულებას, რომელიც წინამდებარე ფასს-ის შეფასების მოთხოვნების ფარგლებშია, ბასს 36-ის (გადასინჯული 2004 წელს) 104-ე (ა) და (ბ) პუნქტისა და 122-ე პუნ-ქტის გამოყენებით.

24. შემოსულობა ან ზარალი, რომელიც ადრე არ იყო აღიარებული გრძელვადიანი აქტივის (ან გამსვლელი ჯგუფის) გაყიდვის დღისათვის, უნდა აღიარდეს აღიარების შეწყვეტის დღეს. აღიარების შეწყვეტასთან დაკავშირებული მოთხოვნები მოცემულია:

ა) ბასს 16-ის (გადასინჯული 2003 წელს) 67-72-ე პუნქტებში, რომელიც ეხება ძირითად სა-შუალებებს, და

ბ) ბასს 38-ის `არამატერიალური აქტივები" (გადასინჯული 2004 წელს), 112-117-ე პუნ-ქტებში, რომელიც ეხება არამატერიალურ აქტივებს.

25. საწარმო ცვეთას არ დაარიცხავს გრძელვადიან აქტივს, სანამ იგი კლასიფიცირებულია, რო-გორც გასაყიდად გამიზნული, ან სანამ იგი გასაყიდად გამიზნულად კლასიფიცირებული გამსვლელი ჯგუფის ნაწილია. პროცენტისა და სხვა ხარჯების აღიარება, რომელიც მიეკუთ-ვნება გასაყიდად გამიზნულად კლასიფიცირებული გამსვლელი ჯგუფის ვალდებულებებს, უნ-და გაგრძელდეს.
 






 
ფასს 5 მდ

გაყიდვის გეგმის შეცვლა

26. თუ საწარმოს აქტივი (ან გამსვლელი ჯგუფი) კლასიფიცირებული აქვს, როგორც გასაყიდად გამიზნული, მაგრამ მე-7_9 პუნქტებში მოცემული კრეტერიუმები უკვე აღარ არის დაკმაყო-ფილებული, საწარმომ უნდა შეწყვიტოს აქტივის (გამსვლელი ჯგუფის) კლასიფიცირება, რო-გორც გასაყიდად გამიზნული.

27. გრძელვადიანი აქტივი (ან გამსვლელი ჯგუფი), რომელსაც შეუწყდა კლასიფიკაცია, როგორც გასაყიდად გამიზნული (ან ამოირიცხა გასაყიდად გამიზნულად კლასიფიცირებული გამ-სვლელი ჯგუფის შემადგენლობიდან), საწარმომ უნდა შეაფასოს შემდეგ ორ სიდიდეს შორის უმცირესით:

ა) მისი საბალანსო ღირებულება, სანამ აქტივი (ან გამსვლელი ჯგუფი) კლასიფიცირებული იქნებოდა, როგორც გასაყიდად გამიზნული, რომელსაც გამოაკლდება ცვეთა, ამორტიზა-ცია ან გადაფასება, რომელიც აღიარებული იქნებოდა, თუ აქტივი (ან გამსვლელი ჯგუ-ფი) გასაყიდად გამიზნულად არ იქნებოდა კლასიფიცირებული; და

ბ) შემდგომში არგაყიდვის გადაწყვეტილების მიღების დღეს არსებული ანაზღაურებადი ღირებულება1.

28. საწარმომ გრძელვადიანი აქტივის (რომელიც აღარ არის კლასიფიცირებული, როგორც გა-საყიდად გამიზნული) საბალანსო ღირებულების ნებისმიერი სავალდებულო კორექტირების თანხა უნდა დაუმატოს განგრძობითი ოპერაციებიდან მიღებულ მოგებას ან ზარალს2 იმ პე-რიოდში, როდესაც მე-7_9 პუნქტების კრიტერიუმები აღარ არის დაკმაყოფილებული. შესაბამისად უნდა გაკორექტირდეს ყველა მომდევნო პერიოდის ფინანსური ანგარიშგება, რომელიც მოჰყვება აქტივის გასაყადიდ გამიზნულად კლასიფიცირების პერიოდს, თუ გამსვლელი ჯგუფი, ან გრძელვადიანი აქტივი, რომელიც აღარ კლასიფიცირდება გასაყიდად გამიზნულად, არის შვილობილი საწარმო, ერთობლივი ოპერაცია, ერთობლივი საწარმო, მეკავშირე საწარმო, ან ერთობლივ, ან მეკავშირე საწარმოში ფლობილი წილის ნაწილი. საწარმომ კორექტირების თანხა სრული შემოსავლის ანგარიშგებაში უნდა წარადგინოს იმავე სათაურით, რომელიც გამოიყენება 37-ე პუნქტის მიხედვით აღიარებული შემოსულო-ბის ან ზარალის წარსადგენად, თუ ასეთი იყო.


29. თუ საწარმოს ცალკეული აქტივი ან ვალდებულება გამოაქვს გასაყიდად გამიზნულად კლა-სიფიცირებული ჯგუფიდან, გამსვლელ ჯგუფში დარჩენილი გასაყიდი აქტივები და ვალდებუ-ლებები მხოლოდ იმ შემთხვევაში შეფასდება კვლავ როგორც ჯგუფი, თუ ჯგუფი აკმაყოფი-ლებს მე_7-9 პუნქტების კრიტერიუმებს. ამის საპირისპიროდ, ჯგუფის დარჩენილი გრძელვა-დიანი აქტივები, რომელიც ინდივიდუალურად აკმაყოფილებს გასაყიდად გამიზნულად კლა-სიფიცირების კრიტერიუმებს, უნდა შეფასდეს ინდივიდუალურად, მათ საბალანსო ღირებულე-ბასა და გაყიდვის დანახარჯებით შემცირებული რეალური ღირებულებას შორის უმცირესი თანხით ამ დღეს. 26-ე პუნქტის შესაბამისად, უნდა შეწყდეს ნებისმიერი გრძელვადიანი აქტი-ვის კლასიფიცირება, როგორც გასაყიდად გამიზნული, რომელიც ამ კრიტერიუმებს არ აკმა-ყოფილებს.



1. თუ გრძელვადიანი აქტივი არის ფულადი სახსრების წარმომქმნელი ერთეულის ნაწილი, მისი ანაზღაურებადი ღირებულება ტოლია მისი საბალანსო ღირებულების, რომლის აღიარება მოხდებოდა ამ ფულადი სახსრების წარმომქმნელ ერთეულთან დაკავშირებული გაუფასურების ზარალის გადანაწილების შემდეგ, ბასს 36 –ის შესა-ბამისად.

2. გარდა იმ შემთხვევისა, როდესაც აქტივი წარმოადგენს ძირითად საშუალებას ან არამატერიალურ აქტივს, რო-მელიც გადაფასებული იყო ბასს 16-ის ან ბასს 38-ის შესაბამისად მანამ, სანამ მიენიჭებოდა კლასიფიკაცია გასა-ყიდად გამიზნული. ასეთ შემთხვევაში ცვლილება უნდა აისახოს, როგორც გადაფასებული ღირებულების ზრდა ან შემცირება.
 




 
ფასს 5 მდ


წარდგენა და განმარტებითი შენიშვნები


30. საწარმომ ფინანსურ ანგარიშგებაში ისეთი ინფორმაცია უნდა გააშუქოს, რომელიც ფინანსუ-რი ანგარიშგების მომხმარებლებს შეწყვეტილი ოპერაციებისა და გრძელვადიანი აქტივების (ან გამსვლელი ჯგუფების) გასვლის ფინანსური შედეგების შეფასების საშუალებას მისცემს.

შეწყვეტილი ოპერაციების წარდგენა

31. საწარმოს კომპონენტი მოიცავს ისეთ ოპერაციებსა და ფულად ნაკადებს, რომელთა ნათ-ლად გამიჯვნა, ოპერაციულად და ფინანსური ანგარიშგების მიზნებისათვის, შესაძლებელია საწარმოს დანარჩენი ნაწილისაგან. სხვა სიტყვებით რომ ვთქვათ, საწარმოს კომპონენტი გამოყენების პერიოდში უნდა ყოფილიყო ფულადი სახსრების წარმომქმნელი ერთეული, ან ფულადი სახსრების წარმომქმნელი ერთეულების ჯგუფი.

32. შეწყვეტილი ოპერაცია არის საწარმოს კომპონენტი, რომელიც გაიყიდა ან კლასიფიცირებუ-ლია, როგორც გასაყიდად გამიზნული და:

ა) წარმოადგენს საწარმოს განცალკევებულ ძირითად საქმიანობას ან ოპერაციების გეოგ-რაფიულ არეალს;

ბ) არის განცალკევებული ძირითადი საქმიანობის ან ოპერაციების გეოგრაფიული არეალის გაყიდვის ერთიანი კოორდინირებული გეგმის ნაწილი; ან

გ) არის კონკრეტულად შემდგომი გაყიდვის მიზნით შეძენილი შვილობილი საწარმო.

33. საწარმომ უნდა გახსნას:

ა) სრული შემოსავლის ანგარიშგებაში ერთიანი თანხა, რომელიც შედგება შემდეგი სიდი-დეების ჯამისაგან:

(ი) შეწყვეტილი ოპერაციების შედეგად მიღებული შემოსულობა ან ზარალი დაბეგვრის შემდეგ; და

(იი) დაბეგვრის შემდგომი შემოსულობა ან ზარალი, რომელიც აღიარებულია გაყიდვის დანახარჯებით შემცირებული რეალური ღირებულების შეფასებასთან დაკავშირე-ბით, ან შეწყვეტილი ოპერაციების შემადგენელი აქტივების ან გამსვლელი ჯგუფ(ებ)ის გასვლასთან დაკავშირებით; და

ბ) (ა) პუნქტით განსაზღვრული მთლიანი თანხის ანალიზი, შემდეგი ელემენტების მიხედვით:

(ი) შეწყვეტილი ოპერაციებიდან გამომდინარე ამონაგები, ხარჯები და დაბეგვრამდე-ლი მოგება ან ზარალი;

(იი) შესაბამისი მოგებიდან გადასახადის ხარჯი ბასს 12-ის 81(თ) პუნქტის მიხედვით;

(იიი) შემოსულობა ან ზარალი, რომელიც აღიარებულია გაყიდვის დანახარჯებით შემცირებული რეალური ღირებულების შეფასებასთან, ან შეწყვეტილი ოპერაციების შემადგენელი აქტივების ან გამსვლელი ჯგუფ(ებ)ის გასვლასთან დაკავშირებით; და

(ივ) შესაბამისი მოგებიდან გადასახადის ხარჯი ბასს 12-ის 81(თ) პუნქტის მიხედვით.

ანალიზის წარდგენა შეიძლება შენიშვნებში ან სრული შემოსავლის ანგარიშგებაში, კერძოდ შეწყვეტილი ოპერაციების განყოფილებაში, ანუ განგრძობითი ოპერაციებისაგან განცალკე-ვებით. გამსვლელი ჯგუფები, რომლებიც წარმოდგენილია ახლადშეძენილი შვილობილი სა-წარმოებით და პასუხობს კრიტერიუმებს, რომლის მიხედვით მისი კლასიფიცირება შეძენის-თანავე მოხდება როგორც გასაყიდად გამიზნული (იხ. მე-11 პუნქტი), ანალიზს არ საჭიროებს;

გ) წმინდა ფულადი ნაკადები, რომელიც განეკუთვნება შეწყვეტილი ოპერაციებიდან გა-მომდინარე საოპერაციო, საინვესტიციო და საფინანსო საქმიანობას. ეს ინფორმაცია
 



 
ფასს 5 მდ

შეიძლება აისახოს ან შენიშვნებში, ან უშუალოდ ფინანსურ ანგარიშგებაში. გამსვლელი ჯგუფები, რომელიც წარმოდგენილია ახლადშეძენილი შვილობილი სა-წარმოებით, რომლებიც პასუხობს კრიტერიუმებს, რომლის მიხედვით მისი კლასიფი-ცირება შეძენისთანავე მოხდება როგორც გასაყიდად გამიზნული (იხ. მე-11 პუნქტი), ამგვარი ინფორმაციის ახსნას არ საჭიროებს.

დ) სათავო საწარმოს მესაკუთრეებზე მისაკუთვნებელი შემოსავალი, რომელიც მიიღება განგრძობითი ოპერაციებიდან და შეწყვეტილი ოპერაციებიდან. ეს ინფორმაცია შეიძლება აისახოს ან შენიშვნებში, ან უშუალოდ სრული შემოსავლის ანგარიშ-გებაში.


33ა. თუ საწარმო მოგებისა და ზარალის ელემენტებს წარადგენს განცალკევებულ ანგარიშგე-ბაში, როგორც აღწერილია ბასს 1-ის (შესწორებული 2011 წელს) 10ა პუნქტში, მან ამავე ანგარიშგებაში უნდა წარმოადგინოს განყოფილება, რომელსაც ეწოდება შეწყვეტილი ოპერაციები.


34. საწარმომ ხელახლა უნდა წარმოადგინოს 33-ე პუნქტით გათვალისწინებული ინფორმაცია, რომლებიც მოცემული იყო წინა პერიოდების ფინანსურ ანგარიშგებებში ისე, რომ მოიცვას საანგარიშგებო პერიოდის დამთავრებამდე შეწყვეტილი ყველა ოპერაცია, რომელიც შეეხე-ბა წარდგენის უკანასკნელ პერიოდს.

35. მიმდინარე პერიოდში მომხდარი ცვლილებები იმ თანხებში, რომელიც ადრე წარდგენილი იყო შეწყვეტილ ოპერაციებში და პირდაპირ კავშირშია შეწყვეტილი ოპერაციის გასვლას-თან წინა პერიოდში, ცალკე უნდა იყოს კლასიფიცირებული შეწყვეტილ ოპერაციებში; უნდა განიმარტოს ცვლილებების ბუნება და მოცულობა. გარემოებების მაგალითები, როდესაც შე-საძლებელია ასეთი ცვლილებების წარმოქმნა:


ა) შეწყვეტილი იოპერაციის გადაცემის გარიგების პირობებიდან წარმოშობილი გაურკვევ-ლობების გადაწყვეტა, როგორიცაა შესყიდვის ფასის ცვლილებებისა და მყიდველთან ზარალის კომპენსირების საკითხების გადაწყვეტა;

ბ) გაურკვევლობების გადაწყვეტა, რომელიც გამომდინარეობს და პირდაპირ დაკავშირებუ-ლია კომპონენტის ოპერაციებთან მის გადაცემამდე, როგორიცაა გარემოს დაცვისა და პროდუქციის გარანტიასთან დაკავშირებული ვალდებულებები, რომელიც გამყიდველის პასუხისმგებლობის ქვეშ რჩება;

გ) დაქირავებულ მომუშავეთა გასამრჯელოების პროგრამით გათვალისწინებული ვალდე-ბულებების აღსრულება, იმ პირობით, რომ ეს აღსრულება უშუალოდ დაკავშირებული იყო გადაცემის გარიგებასთან.

36. თუ საწარმო წყვეტს კომპონენტის კლასიფიცირებას, როგორც გასაყიდად გამიზნული, შეიც-ვლება ადრე 33_35-ე პუნქტების მიხედვით შეწყვეტილ ოპერაციებში წარდგენილი კომპონენ-ტის ოპერაციების შედეგების კლასიფიკაციაც და ჩაირთვება განგრძობითი ოპერაციებიდან წარმოქმნილ მოგებაში, ყველა წარდგენილ პერიოდში. წინა პერიოდებში შესული თანხების შესახებ მიცემული იქნება განმარტება, რომ თანხები ხელახლა იყოს წარმოდგენილი.

36ა. საწარმომ, რომლის გაყიდვის გეგმა შვილობილ საწარმოზე კონტროლის დაკარგვას ითვალისწინებს, უნდა გაამჟღავნოს 33-36 პუნქტებით მოთხოვნილი ინფორმაცია, როდესაც შვილობილი საწარმო წარმოადგენს გამსვლელ ჯგუფს, რომელიც აკმაყოფილებს შეწყვე-ტილი ოპერაციის განმარტებას 32-ე პუნქტის შესაბამისად.

განგრძობითი ოპერაციებიდან გამომდინარე შემოსულობა ან ზარალი

37. გასაყიდად გამიზნულად კლასიფიცირებული გრძელვადიანი აქტივის (ან გამსვლელი ჯგუ-ფის) ხელახალი შეფასებიდან გამომდინარე, ნებისმიერი შემოსულობა ან ზარალი, რომელიც არ პასუხობს შეწყვეტილი ოპერაციის განმარტებას, აისახება მოგებისა და ზარალის ანგა-რიშგებაში, როგორც განგრძობითი ოპერაციების მოგება ან ზარალი.
 



 
ფასს 5 მდ

გასაყიდად გამიზნულად კლასიფიცირებული გრძელვადიანი აქტივის ან გამსვლელი ჯგუფის წარდგენა

38. საწარმომ გასაყიდად გამიზნულად კლასიფიცირებული გრძელვადიანი აქტივი ან გასაყიდად გამიზნულად კლასიფიცირებული გამსვლელი ჯგუფის აქტივები ფინანსური მდგომარეობის ანგარიშგებაში სხვა აქტივებისაგან განცალკევებულად უნდა წარადგინოს. სხვა ვალდებუ-ლებებისაგან განცალკევებით უნდა იყოს წარდგენილი ფინანსური მდგომარეობის ანგარიშგებაში გასაყიდად გამიზნულად კლასიფიცირებული გამსვლელი ჯგუფის ვალდებუ-ლებებიც. არ შეიძლება ამ აქტივებისა და ვალდებულებების ურთიერთგადაფარვა და ერთი თანხის სახით წარდგენა. გასაყიდად გამიზნულად კლასიფიცირებული აქტივებისა და ვალდე-ბულებების ძირითადი კატეგორიები ცალკე უნდა აისახოს ან უშუალოდ ფინანსური მდგომარეობის ანგარიშგებაში, ან შენიშვნებში, გარდა 39-ე პუნქტით დაშვებული შემთხვე-ვებისა. საწარმომ ცალკე უნდა წარადგინოს ნებისმიერი მთლიანი შემოსავალი ან ზარალი, რომელიც აღიარებული იყო სხვა სრულ შემოსავალში გასაყიდად გამიზნულად კლასიფიცი-რებულ გრძელვადიან აქტივთან (ან გამსვლელ ჯგუფთან) დაკავშირებით.


39. თუU გამსვლელი ჯგუფი არის ახლადშეძენილი შვილობილი კომპანია, რომელიც პასუხობს შეძენისთანავე გასაყიდად გამიზნულად კლასიფიცირების კრიტერიუმებს (იხ. 11 პუნქტი), სა-ჭირო არ არის აქტივებისა და ვალდებულებების ძირითადი კატეგორიების ახსნა.

40. საწარმო არ მოახდენს წინა პერიოდების ფინანსური მდგომარეობის ანგარიშგებაში გასაყი-დად გამიზნულად კლასიფიცირებული გრძელვადიანი აქტივების ან გამსვლელი ჯგუფების აქტივებისა და ვალდებულებების თანხების ხელახალ კლასიფიცირებას ან ხელახალ წარ-მოდგენას, უკანასკნელი პერიოდის ფინანსური მდგომარეობის ანგარიშგების კლასიფიკაცი-ის ასახვის მიზნით.


დამატებითი განმარტებები

41. საწარმომ განმარტებით შენიშვნებში უნდა ახსნას შემდეგი ინფორმაცია იმ პერიოდში, რო-მელშიც გრძელვადიანი აქტივის (ან გამსვლელი ჯგუფის) გასაყიდად გამიზნულად კლასიფი-ცირება ან გაყიდვა მოხდა:

ა) გრძელვადიანი აქტივის (ან გამსვლელი ჯგუფის) აღწერა;

ბ) გაყიდვის მონაცემებისა და გარემოებების, ან მოსალოდნელ ლიკვიდაციაზე მიმანიშნებე-ლი გარემოებების, აგრეთვე ლიკვიდაციის მოსალოდნელი ვადებისა და ტიპის აღწერა;

გ) 20_22-ე პუნქტების მიხედვით აღიარებული შემოსულობა ან ზარალი, ხოლო თუ ეს თან-ხები არ იქნება ცალკე წარმოდგენილი სრული შემოსავლის ანგარიშგებაში, მაშინ სრული შემოსავლის ანგარიშგების იმ პუნქტზე მითითება, რომელიც მოიცავს ამ შემოსუ-ლობას ან ზარალს;

დ) საანგარიშგებო სეგმენტი, რომელშიც წარდგენილია მოცემული გრძელვადიანი აქტივი (ან გამსვლელი ჯგუფი) ფასს 8-ის `საოპერაციო სეგმენტები”მიხედვით, თუ ასეთი არსებობს.


42. თუ საწარმო იყენებს 26-ე ან 29-ე პუნქტის დებულებებს, მან იმ პერიოდში, როდესაც გრძელვადიანი აქტივის (ან გამსვლელი ჯგუფის) გაყიდვის გეგმის შეცვლის შესახებ მიღებუ-ლი იყო გადაწყვეტილება, შენიშვნებში უნდა აღწეროს ის ფაქტები და გარემოებები, რამაც ეს გადაწყვეტილება გამოიწვია, ასევე ამ გადაწყვეტილების გავლენა მოცემული ან სხვა წი-ნა წარდგენილი პერიოდის ოპერაციების შედეგებზე.

გარდამავალი დებულებები


43. მოცემული ფასს გავრცელდება გრძელვადიან აქტივებზე (ან გამსვლელ ჯგუფებზე), რომლე-ბიც პასუხობს გასაყიდად გამიზნულად კლასიფიცირების კრიტერიუმებს, ასევე ოპერაციებზე, რომლებიც პასუხობს შეწყვეტილ ოპერაციად კლასიფიცირების კრიტერიუმებს, ამ ფასს-ის ძალაში შესვლის თარიღის შემდეგ. ნებისმიერ საწარმოს შეუძლია გამოიყენოს წინამდება-
 



 
ფასს 5 მდ

რე ფასს-ის მოთხოვნები ყველა გრძელვადიანი აქტივის (ან გამსვლელი ჯგუფის) მიმართ, რომელიც პასუხობს გასაყიდად გამიზნულად კლასიფიცირების კრიტერიუმებს და ოპერაციე-ბისათვის, რომლებიც პასუხობს შეწყვეტილ ოპერაციად კლასიფიცირების კრიტერიუმებს ნე-ბისმიერი დღიდან ამ ფასს-ის ძალაში შესვლამდე, იმ პირობით, თუ შეფასებები და სხვა ინ-ფორმაცია, რომელიც საჭიროა ამ ფასს-ის გამოყენებისათვის, მოპოვებული იყო იმ დროს, როდესაც ეს კრიტერიუმები პირველად დაკმაყოფილდა.


ძალაში შესვლის თარიღი


44. საწარმო მოცემულ ფასს-ს გამოიყენებს წლიური პერიოდებისათვის, რომელიც იწყება 2005 წლის 1 იანვარს ან მის შემდეგ. სასურველია უფრო ადრე გამოყენებაც. თუ საწარმო ამ ფასს-ს გამოიყენებს 2005 წლის 1 იანვრამდე დაწყებული წლიური პერიოდისათვის, მან ამის შესახებ უნდა განაცხადოს შენიშვნებში.

44ა. ბასს 1-მა `ფინანსური ანგარიშგების წარდგენა~ (შესწორებლი 2007 წელს) განაპირობა ფასს-ში გამოყენებული ტერმინოლოგიის შეცვლა. გარდა ამისა, გამოიწვია მე-3 და 38-ე პუნქტების შეცვლა და 33(ა) პუნქტის დამატება. საწარმომ აღნიშნული ცვლილებები უნდა გამოიყენოს 2009 წლის 1 იანვარს ან მის შემდგომ დაწყებული წლიური პერიოდებისათვის. თუ საწარმო ბასს 1-ს (შესწორებული 2007 წელს) უფრო ადრინდელი პერიოდისთვის გამოიყენებს, ამავე პერიოდისთვის უნდა გამოიყენოს ეს ცვლილებებიც.

44ბ. ბასს 27-მა `კონსოლიდირებული და ინდივიდუალური ფინანსური ანგარიშგება~_ (შესწორებული 2008 წელს) განაპირობა 33(დ) პუნქტის დამატება. საწარმომ ზემოაღნიშნული ცვლილება უნდა გამოიყენოს 2009 წლის 1 ივლისს ან მის შემდგომ დაწყებული წლიური პერიოდებისათვის. თუ საწარმო ბასს 27-ს (შესწორებული 2008 წელს) უფრო ადრინდელი პერიოდისთვის გამოიყენებს, ამავე პერიოდისთვის უნდა გამოიყენოს ეს ცვლილებაც. ეს ცვლილება გამოიყენება რეტროსპექტულად.


44გ. 2008 წლის მაისში გამოცემული დოკუმენტის ფასს-ის გაუმჯობესება გათვალისწინებით დაემატა 8(ა) და 36(ა) პუნქტები. საწარმომ აღნიშნული ცვლილებები უნდა გამოიყენოს 2009 წლის 1 ივლისს ან მის შემდგომ დაწყებული წლიური პერიოდებისათვის. დასაშვებია ვადაზე ადრე გამოყენებაც. ამასთან, საწარმომ ეს ცვლილებები არ უნდა გამოიყენოს 2009 წლის 1 ივლისამდე დაწყებული წლიური პერიოდებისათვის, თუ ამავე დროს არ გამოიყენებს ბასს 27-ს (შესწორებული 2008 წლის იანვარში). თუ საწარმო ზემოაღნიშნულ ცვლილებებს გამოი-ყენებს 2009 წლის 1 ივლისამდე დაწყებული წლიური პერიოდებისათვის, მან ამის შესახებ უნდა აღნიშნოს ფინანსური ანგარიშგების განმარტებით შენიშვნებში. საწარმომ ეს ცვლილე-ბები უნდა გამოიყენოს პერსპექტიულად იმ თარიღიდან, როდესაც პირველად გამოიყენა ფასს 5, ბასს 27-ის (შესწორებული 2008 წლის იანვარში) 45-ე პუნქტით გათვალისწინებული გარდამავალი დებულებების შესაბამისად.


44დ. 2008 წლის ნოემბერში ფასიკ 17-ის `არაფულადი აქტივების განაწილება მესაკუთრეებზე~ გამოცემის შემდეგ სტანდარტს დაემატა პუნქტები 5ა, 12ა და 15ა და შეიცვალა მე-8 პუნქტი. ეს ცვლილებები საწარმომ უნდა გამოიყენოს პერსპექტიულად ისეთი გრძელვადიანი აქტივების (ან გამსვლელი ჯგუფის) მიმართ, რომლებიც კლასიფიცირებულია მესაკუთრეებზე გასანაწილებლად 2009 წლის 1 ივლისს ან მის შემდეგ დაწყებულ საანგარიშგებო პერიოდებში. ნებადართული არ არის რეტროსპექტული გამოყენება. ვადაზე ადრე გამოყენება ნებადართულია. თუ საწარმო ზემოაღნიშნულ ცვლილებებს გამოიყენებს იმ საანგარიშგებო პერიოდებში, რომლებიც იწყება 2009 წლის 1 ივლისამდე, მან ეს ფაქტი უნდა განმარტოს ფინანსური ანგარიშგების შენიშვნებში და ამავე პერიოდიდან უნდა გამოიყენოს ფასს 3 `საწარმოთა გაერთიანება~ (გადასინჯული 2008 წელს), ბასს 27 (შეცვლილი 2008 წლის იანვარში) და ფასიკ 17.


44ე. 5ბ პუნქტი სტანდარტს დაემატა 2009 წლის აპრილში გამოცემული დოკუმენტის `ფასს-ების გაუმჯობესება~ შესაბამისად. საწარმომ ზემოაღნიშნული ცვლილება უნდა გამოიყენოს პერსპექტიულად იმ საანგარიშგებო პერიოდებში, რომლებიც იწყება 2010 წლის 1 იანვარს ან მის შემდეგ. ნებადართულია ვადაზე ადრე გამოყენება. თუ საწარმო ამ ცვლილებას უფრო
 



 
ფასს 5 მდ

ადრინდელი პერიოდიდან გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში.

44ვ. [გაუქმებულია]

44ზ. 2011 წლის მაისში გამოცემულმა ფასს 11-მა `ერთობლივი საქმიანობა~ გამოიწვია 28-ე პუნქტის შეცვლა. საწარმომ ზემოაღნიშნული ცვლილება უნდა გამოიყენოს იმ საანგარიშ-გებო პერიოდში, როდესაც გამოიყენებს ფასს 11-ს.

44თ. 2011 წლის მაისში გამოცემულმა ფასს 13-მა `რეალური ღირებულების შეფასება~ გამოიწვია `ა~ დანართში მოცემული რეალური ღირებულების განმარტების შეცვლა. საწარ-მომ ზემოაღნიშნული ცვლილება უნდა გამოიყენოს იმ საანგარიშგებო პერიოდში, როდესაც გამოიყენებს ფასს 13-ს.


44ი. 2011 წლის ივნისში გამოცემულმა დოკუმენტმა `სხვა სრული შემოსავლის მუხლების წარდგენა~ (ბასს 1-ში შესატანი ცვლილებები) გამოიწვია 33ა პუნქტის შეცვლა. საწარმომ ზემოაღნიშნული ცვლილება უნდა გამოიყენოს იმ საანგარიშგებო პერიოდში, როდესაც გამოიყენებს ბასს 1-ის 2011 წლის ივნისის შესწორებულ ვერსიას.

44კ. ფასს 9-ის 2013 წლის ნოემბრის შესწორებულმა ვერსიამ გამოიწვია მე-5 პუნქტის შეცვლა და 44ვ პუნქტის გაუქმება. საწარმომ ზემოაღნიშნული ცვლილებები უნდა გამოიყენოს იმ საანგარიშგებო პერიოდში, როდესაც გამოიყენებს ფასს 9-ის 2013 წლის ნოემბრის შესწორე-ბულ ვერსიას.


ბასს 35-ის გაუქმება


45. ეს ფასს ცვლის ბასს 35-ს `შეწყვეტადი ოპერაციები.”
 

 
ფასს 5 მდ


დანართი ა

ტერმინების განმარტება



ეს დანართი ფასს-ის განუყოფელი ნაწილია.


ფულადი სახსრების აქტივების  უმცირესი  იდენტიფიცირებადი  ჯგუფი,  რომელიც  წარ-

წარმომქმნელი ერთეული მოქმნის ფულადი ნაკადების შემოსვლას საწარმოში და დამოკიდე-

ბული არაა სხვა აქტივებიდან ან აქტივების ჯგუფებიდან წარმოქ-მნილ ფულად ნაკადებზე.

საწარმოს კომპონენტი ოპერაციები და ფულადი ნაკადები, რომელთა ნათლად გამიჯვნა

ოპერაციულად ან ფინანსური ანგარიშგების მიზნებისათვის, შესაძ-ლებელია საწარმოს სხვა შემადგენელი ნაწილებისაგან.

გაყიდვის დანახარჯები დამატებითი დანახარჯები, რომლებიც პირდაპირ კავშირშია აქტი-

ვის (ან გამსვლელი ჯგუფის) გადაცემასთან, ფინანსური დანახარ-ჯებისა და მოგებიდან გადასახადის ხარჯის გამოკლებით.

მიმდინარე აქტივი აქტივი, რომელიც აკმაყოფილებს ყველა შემდეგ კრიტერიუმს:

ა) მოსალოდნელია მისი რეალიზაცია, ან გამიზნულია გასაყიდად

ან გამოსაყენებლად, საწარმოს ჩვეულებრივი საოპერაციო ციკ-

ლის განმავლობაში;

ბ) იგი,  უპირველეს ყოვლისა, ინახება გასაყიდად;
 




შეწყვეტილი ოპერაცია



გამსვლელი ჯგუფი
 

გ) მისი რეალიზაცია მოსალოდნელია საანგარიშგებო პერიოდის დამთავრებიდან თორმეტი თვის განმავლობაში;

დ) ეს არის ფულის ან ფულის ეკვივალენტის აქტივი, გარდა იმ შემ-თხვევებისა, როდესაც მისი გაყიდვა ან მისი საშუალებით ვალ-დებულების დაფარვა იზღუდება საანგარიშგებო პერიოდის დამთავრებიდან მინიმუმ თორმეტი თვით.

საწარმოს კომპონენტი, რომელიც ან გაიყიდა, ან კლასიფიცირებუ-ლია, როგორც გასაყიდად გამიზნული და:

ა) წარმოადგენს საწარმოს განცალკევებულ ძირითად საქმია-ნობას ან ოპერაციების გეოგრაფიულ არეალს;

ბ) არის განცალკევებული ძირითადი საქმიანობის ან ოპერაციების გეოგრაფიული არეალის გაყიდვის ერთიანი კოორდინირებული გეგმის ნაწილი; ან

გ) არის გაყიდვის მიზნით შეძენილი შვილობილი კომპანია.

აქტივების ჯგუფი, რომლის დათმობა უნდა მოხდეს გაყიდვის ან სხვა გზით, ერთად, როგორც ჯგუფის, ერთი გარიგებით და ამ აქტივებთან დაკავშირებული ვალდებულებები, რომელთა გადა-ცემა მოხდება ამ გარიგების მეშვეობით. გამსვლელ ჯგუფში შევა საწარმოთა გაერთიანების დროს შეძენილი გუდვილიც, თუ ჯგუ-ფი არის ფულადი სახსრების წარმომქმნელი ერთეული, რომელ-საც ბასს 36-ის `აქტივების გაუფასურება” (გადასინჯული 2004 წელს) 80-87-ე პუნქტების მიხედვით მიეკუთვნა გუდვილი, ან ოპერაცია, ამგვარი ფულადი სახსრების წარმომქმნელი ერ-თეულის ფარგლებში.
 





 
ფასს 5 მდ
 


რეალური ღირებულება




ყიდვა-გაყიდვის მყარი ვალდებულება
 


რეალური ღირებულება არის ფასი, რომელიც მიღებული ან გადახ-დილი იქნება აქტივის გაყიდვიდან ან ვალდებულების გადაცემისას, ბაზრის მონაწილეებს შორის შეფასების თარიღისთვის ნებაყოფ-ლობით განხორციელებული ოპერაციის დროს. (იხ ფასს 13)

შეთანხმება დამოუკიდებელ მხარეებს შორის, რომელიც სავალდე-ბულოა ორივე მხარისათვის და, როგორც წესი, იურიდიული ძალის მქონეა და (ა) განსაზღვრავს ყველა მნიშვნელოვან პირობას, ფასი-სა და გარიგების ვადების ჩათვლით; (ბ) მოიცავს შეუსრულებლო-ბასთან დაკავშირებულ ისეთ მნიშვნელოვან საჯარიმო სანქციებს, რაც გარიგების შესრულებას დიდად მოსალოდნელს ხდის.
 

დიდად მოსალოდნელი მოსალოდნელზე გაცილებით უფრო შესაძლებელი.
გრძელვადიანი აქტივი აქტივი, რომელიც არ პასუხობს მიმდინარე აქტივის განმარტებას.
მოსალოდნელი უფრო შესაძლო, ვიდრე არა.
ანაზღაურებადი აქტივის გაყიდვის დანახარჯებით შემცირებულ რეალურ ღირებუ-
ღირებულება ლებასა და მისი გამოყენების ღირებულებას შორის უდიდესი.
გამოყენების ღირებულება მომავალი  ფულადი  ნაკადების  დისკონტირებული  ღირებულება,
რომლის წარმოქმნა მოსალოდნელია აქტივის უწყვეტი გამოყენე-
ბიდან და მისი სასარგებლო მომსახურების ვადის დასრულებისას
გაყიდვიდან.
 


 
ფასს 5 მდ


დანართი ბ

დამატებითი ინფორმაცია სტანდარტის გამოყენების შესახებ


ეს დანართი წარმოადგენს ფასს-ის განუყოფელ ნაწილს



გაყიდვის დასრულებისათვის საჭირო პერიოდის გაზრდა


ბ1. როგორც მე-9 პუნქტშია მითითებული, გასაყიდად საჭირო პერიოდის გაზრდა ხელს არ უშ-ლის აქტივის (ან გამსვლელი ჯგუფის) კლასიფიცირებას, როგორც გასაყიდად გამიზნული, თუ დაგვიანება გამოწვეულია გარემოებებით ან მოვლენებით, რომლებიც არ ექვემდებარება საწარმოს კონტროლს და არსებობს საკმარისი მტკიცებულებაა იმისა, რომ საწარმო ისევ მიჰყვება აქტივის (ან გამსვლელი ჯგუფის) გაყიდვის გეგმას. აქედან გამომდინარე, მე-8 პუნ-ქტში მოცემული ერთი წლის პირობიდან გამონაკლისი შეეხება შემდეგ სიტუაციებს, როდე-საც ასეთი გარემოებები ან მოვლენები წარმოიშობა:

ა) იმ დღეს, როდესაც საწარმო გადაწყვეტილებას იღებს და გეგმავს გრძელვადიანი აქტი-ვის (ან გამსვლელი ჯგუფის) გაყიდვას, ის რეალურად ელოდება, რომ სხვები (არა მყიდ-ველი) დააწესებენ აქტივების (ან გამსვლელი ჯგუფის) გადაცემასთან დაკავშირებულ პი-რობებს, რაც გამოიწვევს გაყიდვის დასრულებისათვის საჭირო პერიოდის გაზრდას, და:

(ი) ამ პირობების შესრულებისათვის საჭირო ქმედება ვერ დაიწყება, სანამ მოპოვებუ-ლი არ იქნება ყიდვა-გაყიდვის მყარი ვალდებულება; და

(იი) ყიდვა-გაყიდვის მყარი ვალდებულების მოპოვება დიდად მოსალოდნელია ერთი წლის განმავლობაში;

ბ) საწარმო მოიპოვებს ყიდვა-გაყიდვის მყარ ვალდებულებას და ამის შედეგად, მყიდველი ან სხვები მოულოდნელად დააწესებენ აქტივის (ან გამსვლელი ჯგუფის) გადაცემასთან დაკავშირებულ პირობებს (რომელიც ადრე კლასიფიცირებული იყო, როგორც გასაყიდად გამიზნული), რაც გაყიდვის დასრულების პერიოდს გაზრდის და:

(ი) ამ პირობების საპასუხოდ მიღებულია დროული ზომები; და

(იი) მოსალოდნელია შემაფერხებელი ფაქტორების წარმატებული გადაწყვეტა;

გ) პირველი ერთი წლის განმავლობაში წარმოიშვა გარემოებები, რომლებიც ადრე მოუ-ლონდელად იყო მიჩნეული და, ამის შედეგად, გრძელვადიანი აქტივი (ან გამსვლელი ჯგუფი), რომელიც ადრე კლასიფიცირებული იყო, როგორც გასაყიდად გამიზნული, არ გაიყიდა ამ პერიოდის დასასრულს და:


(ი) პირველი ერთი წლის განმავლობაში საწარმომ ზომები მიიღო ამ გარემოების ცვლილების საპასუხოდ;

(იი) წამოწყებულია გრძელვადიანი აქტივის (ან გამსვლელი ჯგუფის) აქტიურობა ბაზარზე გონივრულ ფასად გასაყიდად, შეცვლილი გარემოს გათვალისწინებით; და

(იიი) მე-7 და მე-8 პუნქტებში მოცემული კრიტერიუმები დაკმაყოფილებულია.
 

 
ფასს 5 მდ