ifrs 01 ფინანსური ანგარიშგების საერთაშორისო სტანდარტი 1

ifrs01.pdf
View Download
ფასს 1 მდ
 
ფინანსური ანგარიშგების საერთაშორისო სტანდარტი 1
 
ფინანსური ანგარიშგების საერთაშორისო სტანდარტების პირველად გამოყენება
 
 
 
მიზანი
 
 
1.         წინამდებარე ფასს-ის მიზანია უზრუნველყოს, რომ საწარმოს ფასს-ების შესაბამისი პირველი ფინანსური ანგარიშგება და ამ ფინანსური ანგარიშგებით მოცული საანგარიშგებო პერიოდის ნაწილის შუალედური ფინანსური ანგარიშგება, წარმოადგენდეს მაღალი ხარისხის ინფორმაციას, რომელიც:
 
 
ა)          გამჭვირვალე იქნება მომხმარებლისათვის და შესადარისი ყველა წარდგენილი პერიოდის;
 
 
ბ)         უზრუნველყოფს შესაფერის ამოსავალ ბაზას ფინანსური ანგარიშგების საერთაშორისო სტანდარტებით (ფასს-ებით) აღრიცხვის საწარმოებლად; და
 
გ)         შეიძლება მიღებულ იქნეს ისეთი დანახარჯებით, რომელიც არ აღემატება მომხმარებელთათვის მისაღებ სარგებელს.
 
მოქმედების სფერო
 
 
2.         საწარმომ მოცემული ფასს უნდა გამოიყენოს:
 
ა)          ფასს-ების შესაბამის პირველ ფინანსურ ანგარიშგებაში; და
 
ბ)         ყოველ შუალედურ ფინანსურ ანგარიშგებაში, თუ ასეთი არსებობს, რომელსაც წარმოადგენს ბასს 34ის  ,,შუალედური ფინანსური ანგარიშგება’’  თანახმად იმ საანგარიშგებო პერიოდის ნაწილისათვის, რომელსაც მოიცავს მისი ფასს-ების შესაბამისი პირველი ფინანსური ანგარიშგება.
 
 
3.         საწარმოს ფასს-ების შესაბამისი პირველი ფინანსური ანგარიშგება მაშინ არის პირველი წლიური ფინანსური ანგარიშგება, რომელშიც საწარმო ფასსებს იყენებს, როდესაც ფინანსურ ანგარიშგებაში მის მიერ გაკეთებულია აშკარა და უპირობო განაცხადი ფასსთან შესაბამისობის შესახებ. ფასს-ებით მომზადებული ფინანსური ანგარიშგება ფასს-ების შესაბამის პირველ ფინანსურ ანგარიშგებად მიიჩნევა, თუ მაგალითად, საწარმომ:
 
ა)          წინა პერიოდების ყველაზე ბოლო ფინანსური ანგარიშგება წარადგინა:
 
(ი)        ეროვნული მოთხოვნების თანახმად, რომლებიც არ შეესაბამება ფასსებს ყველა ასპექტში;
 
(იი)       ფასს-ების შესაბამისად ყველა საკითხში, გარდა იმისა, რომ ფინანსური ანგარიშგება არ შეიცავდა აშკარა და უპირობო განაცხადს ფასსთან შესაბამისობის შესახებ;
 
(იიი)     რომელიც შეიცავდა აშკარა განაცხადს ზოგიერთ, მაგრამ არა ყველა, ფასსთან შესაბამისობის შესახებ;
 
(ივ)       ფასსთან შეუსაბამო ეროვნული მოთხოვნების თანახმად, გამოიყენა რა ზოგიერთი ფასს ისეთი მუხლების აღსარიცხად, რომლებისთვისაც ეროვნული მოთხოვნები არ არსებობდა; ან
 
(ვ)         ეროვნული მოთხოვნების თანახმად, ზოგიერთი სიდიდის შეჯერებით ფასს-ებით განსაზღვრულ სიდიდეებთან;
 
 
 
 
 
ფასს 1 მდ
 
ბ)         ფასს-ების შესაბამისად, ფინანსური ანგარიშგება მოამზადა მხოლოდ შიდა მოხმარებისათვის და ხელმისაწვდომი არ გახადა საწარმოს მესაკუთრეთა ან სხვა გარე მომხმარებელთათვის;
 
გ)         ანგარიშგების პაკეტი ფასს-ების მიხედვით მოამზადა კონსოლიდაციის მიზნით, მაგრამ საწარმოს არ მოუმზადებია ფინანსური ანგარიშგების სრული კომპლექტი ისე, როგორც განსაზღვრულია ბასს 1ით  ,,ფინანსური ანგარიშგების წარდგენა’’ (შესწორებული 2007 წელს); ან
 
დ)        არ წარუდგენია წინა პერიოდების ფინანსური ანგარიშგებები.
 
4.         მოცემული ფასს მაშინ გამოიყენება, როცა საწარმო პირველად იყენებს ფასსებს. იგი არ გამოიყენება, როცა, მაგალითად, საწარმომ:
 
ა)          შეწყვიტა ფინანსური ანგარიშგების წარდგენა ეროვნული მოთხოვნების შესაბამისად, ადრე წარადგენდა რა მას ფინანსური ანგარიშგების სხვა კომპლექტთან ერთად, რომელიც შეიცავდა ფასსთან შესაბამისობის შესახებ აშკარა და უპირობო განაცხადს;
 
ბ)         წინა წელს ფინანსური ანგარიშგება წარადგინა ეროვნული მოთხოვნების თანახმად და ეს ფინანსური ანგარიშგება შეიცავდა ფასსთან შესაბამისობის შესახებ აშკარა და უპირობო განაცხადს; ან
 
გ)         წინა წელს წარადგინა ფინანსური ანგარიშგება, რომელიც შეიცავდა ფასსთან შესაბამისობის შესახებ აშკარა და უპირობო განაცხადს, მაშინაც კი, თუ აუდიტორებმა ამ ფინანსურ ანგარიშგებაზე პირობითი აუდიტორული დასკვნა გასცეს.
 
4ა.        მე2 და მე3 პუნქტების მოთხოვნების მიუხედავად, საწარმომ, რომელმაც პირველად გამოიყენა ფასსები წინა საანგარიშგებო პერიოდში, მაგრამ მისი წინა პერიოდების უკანასკნელი წლიური ფინანსური ანგარიშგება არ მოიცავს აშკარა და უპირობო განაცხადს ფასსებთან შესაბამისობის შესახებ, უნდა გამოიყენოს ან წინამდებარე ფასს, ან ფასსები გამოიყენოს რეტროსპექტულად ბასს 8ის  `სააღრიცხვო პოლიტიკა, ცვლილებები სააღრიცხვო შეფასებებში და შეცდომები~  შესაბამისად იმგვარად, თითქოს საწარმოს არასდროს შეუწყვეტია ფასს-ების გამოყენება.
 
 
4ბ.        თუ საწარმო არ გადაწყვეტს წინამდებარე ფასს-ის გამოყენებას 4ა პუნქტის შესაბამისად, მან მაინც უნდა გამოიყენოს ფასს 1ის 23ა23ბ პუნქტებით გათვალისწინებული მოთხოვნები განმარტებით შენიშვნებში გასამჟღავნებელი ინფორმაციის შესახებ, ბასს 8ით გათვალისწინებულ მოთხოვნებთან ერთად, რომლებიც ეხება განმარტებით შენიშვნებში ინფორმაციის გამჟღავნებას.
 
 
5.         წინამდებარე ფასს არ ეხება იმ საწარმოთა სააღრიცხვო პოლიტიკის ცვლილებებს, რომლებიც უკვე იყენებენ ფასსებს. ასეთი ცვლილებები ექვემდებარება:
 
ა)          ბასს 8ის  ,,სააღრიცხვო პოლიტიკა, ცვლილებები სააღრიცხვო შეფასებებში და შეცდომები’’  მოთხოვნებს სააღრიცხვო პოლიტიკაში მომხდარი ცვლილებების შესახებ; და
 
ბ)         სხვა ფასს-ის სპეციალურ გარდამავალ მოთხოვნებს.
 
აღიარება და შეფასება
 
 
ფასს-ების შესაბამისი საწყისი ფინანსური მდგომარეობის ანგარიშგება
 
6.         საწარმომ ფასსებზე გადასვლის თარიღისათვის უნდა მოამზადოს და წარადგინოს ფასს-ების შესაბამისი საწყისი ფინანსური მდგომარეობის ანგარიშგება. ეს არის ფასს-ების შესაბამისი აღრიცხვის ამოსავალი ბაზა.

ფასს 1 მდ
 სააღრიცხვო პოლიტიკა
7.         საწარმომ ერთი და იგივე სააღრიცხვო პოლიტიკა უნდა გამოიყენოს ფასს-ების შესაბამის საწყის ფინანსური მდგომარეობის ანგარიშგებაში და ფასს-ების შესაბამის პირველ ფინანსურ ანგარიშგებაში წარმოდგენილი ყველა პერიოდისათვის. ეს სააღრიცხვო პოლიტიკა უნდა ემორჩილებოდეს ყველა იმ ფასსს, რომელიც ძალაშია ფასს-ების შესაბამისი პირველი ფინანსური ანგარიშგების საანგარიშგებო პერიოდის ბოლოს, გარდა მე13-19 და (ბე) დანართებში განსაზღვრული შემთხვევებისა.
8.         საწარმომ არ უნდა გამოიყენოს ფასს-ების სხვადასხვა ვერსია, რომელიც წინა თარიღებისათვის იყო ძალაში. საწარმოს შეუძლია გამოიყენოს ახალი ფასს, რომელიც ჯერ კიდევ სავალდებულო არაა, თუ სტანდარტით დაშვებულია მისი ვადაზე ადრე გამოყენება.
 
მაგალითი: ფასს-ების ბოლო ვერსიის თანმიმდევრული გამოყენება
 
მოცემულობა
 
A საწარმოსათვის ფასს-ების შესაბამისი პირველი ფინანსური ანგარიშგების საანგარიშგებო თარიღი 2005 წლის 31 დეკემბერია. A საწარმომ გადაწყვიტა ამ ფინანსურ ანგარიშგებაში შესადარისი ინფორმაციის წარდგენა მხოლოდ ერთი წლისათვის (იხ. პუნქტი 21). ამგვარად, მისი ფასსებზე გადასვლის თარიღია საქმიანობის დაწყება 2004 წლის 1 იანვარს (ან, რაც იგივეა, საქმიანობის დამთავრება 2003 წლის 31 დეკემბერს). საწარმო A ადრინდელიGსაყოველთაოდ მიღებული ბუღალტრული აღრიცხვის პრინციპებით მომზადებულ ფინანსურ ანგარიშგებას ყოველწლიურად წარადგენდა 31 დეკემბრისათვის, მათ შორის 2004 წლის 31 დეკემბერს.
 
 
სტანდარტის მოთხოვნების გამოყენება
 
საწარმო Aს მოეთხოვება იმ ფასს-ის გამოყენება, რომლებიც ძალაშია 2005 წლის 31 დეკემბერს დამთავრებული პერიოდისათვის:
 
ა)          ფასს-ების შესაბამისი საწყისი ფინანსური მდგომარეობის ანგარიშგების მოსამზადებლად 2004 წლის 1 იანვრისათვის; და
 
ბ)         2005 წლის 31 დეკემბრის ფინანსური მდგომარეობის ანგარიშგების (2004 წლის შესადარისი სიდიდეების გათვალისწინებით), 2005 წლის 31 დეკემბერს დამთავრებული წლისათვის (2004 წლის შესადარისი სიდიდეების გათვალისწინებით) სრული შემოსავლი ანგარიშგების, საკუთარი კაპიტალის ცვლილებების ანგარიშგებისა და ფულადი ნაკადების ანგარიშგების, ასევე განმარტებითი შენიშვნების (2004 წლის შესადარისი ინფორმაციის გათვალისწინებით) მოსამზადებლად და წარსადგენად.
 
თუ რომელიმე ახალი ფასს ჯერ კიდევ არაა სავალდებულო, მაგრამ დასაშვებია მისი ვადაზე ადრე გამოყენება, A საწარმოს უფლება ეძლევა, მაგრამ არ მოეთხოვება ამ ფასს-ის გამოყენება თავის პირველ ფასს-ების შესაბამის ფინანსურ ანგარიშგებაში.
 
 
 
9.         სხვა ფასს-ების გარდამავალი დებულებები ეხება იმ საწარმოთა სააღრიცხვო პოლიტიკის ცვლილებებს, რომლებიც უკვე იყენებს ფასსებს; ისინი არ ეხება საწარმოს, რომელიც პირველად იყენებს ფასსებს, გარდა (ბე) დანართებში განსაზღვრული შემთხვევებისა.
 
10.        გარდა 1319 პუნქტებშიდ ა (ბე) დანართებში აღწერილი გამონაკლისი შემთხვევებისა, საწარმომ ფასს-ების შესაბამის საწყის ფინანსური მდგომარეობის ანგარიშგებაში:
 
ა)          უნდა აღიაროს ყველა აქტივი და ვალდებულება, რომელთა აღიარება მოთხოვნილია ფასს-ებით;
 
 
ბ)         არ უნდა აღიაროს მუხლები აქტივებად და ვალდებულებებად, თუ ფასს-ებით არ დაიშვება ასეთი აღიარება;
 
 
 
ფასს 1 მდ
 
გ)         ხელახლა უნდა მოახდინოს ისეთი მუხლების კლასიფიცირება, რომელსაც ადრინდელი საყოველთაოდ მიღებული ბუღალტრული აღრიცხვის პრინციპებით აღიარებდა, როგორც ერთი სახის აქტივს, ვალდებულებას ან საკუთარი კაპიტალის კომპონენტს, მაგრამ წარმოადგენს განსხვავებული სახეობის აქტივს, ვალდებულებას ან საკუთარი კაპიტალის კომპონენტს ფასს-ების თანახმად; და
 
 
დ)        უნდა გამოიყენოს ფასს ყველა აღიარებული აქტივისა და ვალდებულების შესაფასებლად.
 
11.        სააღრიცხვო პოლიტიკა, რომელსაც საწარმო ფასს-ების შესაბამის საწყის ფინანსური მდგომარეობის ანგარიშგებაში იყენებს, შეიძლება განსხვავდებოდეს იმისგან, რასაც ის იმავე თარიღისათვის იყენებდა ადრინდელი საყოველთაოდ მიღებული ბუღალტრული აღრიცხვის პრინციპების თანახმად. აქედან გამომდინარე, შესწორებები წარმოიქმნება ფასსებზე გადასვლის თარიღამდე მომხდარი მოვლენებიდან და ოპერაციებიდან. ამგვარად, საწარმომ ეს შესწორებები პირდაპირ გაუნაწილებელ მოგებაში უნდა აღიაროს (ან, თუ მისაღებია, საკუთარი კაპიტალის სხვა კატეგორიაში) ფასსებზე გადასვლის თარიღისათვის.
 
12.        წინამდებარე ფასს ადგენს ორი კატეგორიის გამონაკლისს იმ პრინციპიდან, რომ საწარმოს ფასს-ების შესაბამისი საწყისი ფინანსური მდგომარეობის ანგარიშგება უნდა დაექვემდებაროს თითოეულ ფასსს:
 
ა)          1417ე პუნქტები და (ბ) დანართი კრძალავს სხვა ფასს-ის ზოგიერთი მოთხოვნის რეტროსპექტულ გამოყენებას;
 
ბ)         დანართები (გე) ანთავისუფლებს საწარმოებს სხვა ფასს-ის ზოგიერთი მოთხოვნისგან.
 
გამონაკლისები სხვა ფასს-ის რეტროსპექტულ გამოყენებაში
 
13.        მოცემული ფასს კრძალავს სხვა ფასს-ის ზოგიერთი მოთხოვნის რეტროსპექტულ გამოყენებას. ეს გამონაკლისი შემთხვევები განხილულია მე1417 პუნქტებსა და (ბ) დანართში.
 
სააღრიცხვო შეფასებები
 
14.        საწარმოს მიერ ფასსებზე გადასვლის თარიღისათვის ფასს-ების თანახმად განსაზღვრული შეფასებები შესადარისი უნდა იყოს ამავე თარიღისათვის ადრინდელი საყოველთაოდ მიღებული ბუღალტრული აღრიცხვის პრინციპების მიხედვით გამოთვლილი შეფასებების (სააღრიცხვო პოლიტიკაში მომხდარი ნებისმიერი ცვლილების ამსახველი შესწორებების შემდეგ), თუ არ არსებობს ობიექტური მტკიცებულება იმისა, რომ ის შეფასებები მცდარი იყო.
 
15.        საწარმომ ფასსებზე გადასვლის თარიღის შემდეგ შეიძლება ინფორმაცია მიიღოს იმ შეფასებებზე, რომელიც განსაზღვრა ადრინდელი საყოველთაოდ მიღებული ბუღალტრული აღრიცხვის პრინციპების მიხედვით. მე14 პუნქტის თანახმად, საწარმო ისევე უნდა მიუდგეს ამ ინფორმაციის მიღებას, როგორც საანგარიშგებო პერიოდის შემდეგ არამაკორექტირებელ მოვლენებს ბასს 10ის  ,,საანგარიშგებო პერიოდის შემდეგი მოვლენები’’  თანახმად. მაგალითად, დავუშვათ საწარმოს ფასსებზე გადასვლის თარიღი 2004 წლის 1 იანვარია, ხოლო 2004 წლის 15 ივლისის ახალი ინფორმაცია მოითხოვს 2003 წლის 31 დეკემბერს ადრინდელი საყოველთაოდ მიღებული ბუღალტრული აღრიცხვის პრინციპებით განსაზღვრული შეფასებების გადახედვას. საწარმომ ახალი ინფორმაცია არ უნდა ასახოს ფასს-ების შესაბამის საწყის ფინანსური მდგომარეობის ანგარიშგებაში (ისეთი შემთხვევების გარდა, როდესაც შეფასება საჭიროებს შესწორებას სააღრიცხვო პოლიტიკაში არსებული განსხვავების გამო ან, თუ არსებობს ობიექტური მტკიცებულება იმისა, რომ შეფასება მცდარი იყო). ნაცვლად ამისა, საწარმომ ეს ახალი ინფორმაცია უნდა ასახოს 2004 წლის 31 დეკემბრით დამთავრებული წლის მოგებაში ან ზარალში (ან, თუ არსებობს, სხვა სრული შემოსავლის ანგარიშგებაში).
 
 
16.        საწარმოს ფასს-ების თანახმად შესაძლოა ისეთი შეფასებების განსაზღვრა დასჭირდეს ფასსებზე გადასვლის თარიღისათვის, რაც არ მოითხოვებოდა ამ თარიღისათვის ადრინდელი საყოველთაოდ მიღებული ბუღალტრული აღრიცხვის პრინციპებით. ბასს 10თან შესაბამისობის
 
 
 
ფასს 1 მდ
 
მისაღწევად, ფასს-ების თანახმად გამოთვლილი შეფასებები უნდა ასახავდეს იმ პირობებს, რომლებიც არსებობდა ფასსებზე გადასვლის თარიღისათვის. კერძოდ, ფასსებზე გადასვლის თარიღისათვის საბაზრო ფასების, საპროცენტო განაკვეთების ან სავალუტო კურსების შეფასებები უნდა ასახავდეს საბაზრო მდგომარეობას ამ თარიღისათვის.
 
17.        მე1416 პუნქტები ეხება ფასს-ების შესაბამის საწყის ფინანსური მდგომარეობის ანგარიშგებას, ასევე შესადარის პერიოდს, რომელიც საწარმოს ფასს-ების პირველ ფინანსურ ანგარიშგებაშია წარმოდგენილი, რა შემთხვევაშიც ფასსებზე გადასვლის თარიღის მითითება შეცვლილია ამ შესადარისი პერიოდის დასასრულის მითითებით.
 
სხვა ფასსდან განთავისუფლება
 
18.        საწარმოს უფლება აქვს გამოიყენოს ერთი ან მეტი განთავისუფლების უფლება, რომელსაც ითვალისწინებს (გე) დანართები. საწარმომ ზემოაღნიშნული შეღავათები ანალოგიურად არ უნდა გამოიყენოს სხვა მუხლების მიმართაც.
 
19.        [გაუქმებულია]
 
წარდგენა და განმარტებითი შენიშვნები
 
 
20.        წინამდებარე ფასს არ უზრუნველყოფს სხვა ფასს-ების წარდგენისა და განმარტებების მოთხოვნებისაგან განთავისუფლებას.
 
შესადარისი ინფორმაცია
 
21.        საწარმოს ფასს-ების შესაბამისმა პირველმა ფინანსურმა ანგარიშგებამ უნდა მოიცვას სულ მცირე სამი ფინანსური მდგომარეობის ანგარიშგება, ორი მოგებისა და ზარალის და სხვა სრული შემოსავლის ანგარიშგება, ორი განცალკევებული მოგებისა და ზარალის ანგარიშგება (თუ წარდგენილია), ორი ფულადი ნაკადების ანგარიშგება და ორი საკუთარი კაპიტალის ცვლილებების ანგარიშგება და შესაბამისი განმარტებითი შენიშვნები, მათ შორის შესადარისი ინფორმაცია ყველა წარდგენილი ანგარიშგებისთვის.
 
შესადარისი ინფორმაცია, რომელიც არ არის ფასს-ების შესაბამისი და ისტორიული რეზიუმე
 
22.        ზოგიერთი საწარმო წარადგენს შერჩეული მონაცემების ისტორიულ რეზიუმეს იმ პირველი საანგარიშგებო პერიოდის წინა პერიოდების შესახებ, რომლისთვისაც წარმოადგენს სრულყოფილ შესადარის ინფორმაციას ფასს-ების თანახმად. მოცემული ფასს არ მოითხოვს, რომ მსგავსი ტიპის რეზიუმე დაექვემდებაროს ფასს-ების აღიარებისა და შეფასების მოთხოვნებს. უფრო მეტიც, ზოგიერთი საწარმო შესადარის ინფორმაციას წარმოადგენს ადრინდელი საყოველთაოდ მიღებული ბუღალტრული აღრიცხვის პრინციპების მიხედვითაც და ასევე ბასს 1ის შესაბამისადაც. ნებისმიერ ფინანსურ ანგარიშგებაში, რომელიც შეიცავს ისტორიულ რეზიუმეს ან ადრინდელი საყოველთაოდ მიღებული ბუღალტრული აღრიცხვის პრინციპების მიხედვით მომზადებულ შესადარის ინფორმაციას, საწარმომ:
 
 
ა)          გამორჩეულად უნდა აღნიშნოს ადრინდელი საყოველთაოდ მიღებული ბუღალტრული აღრიცხვის პრინციპებით მომზადებულ ინფორმაციაზე, რომ არ არის ფასს-ებით მომზადებული; და
 
 
ბ)         განმარტოს ძირითადი შესწორებების ბუნება, რის საფუძველზეც ეს ინფორმაცია დაუქვემდებარა ფასსებს. საწარმოს არ სჭირდება ამ შესწორებების რაოდენობრივი გამოსახვა.
 
 
 
 
 
 
 
 
 
ფასს 1 მდ
 
ფასსებზე გადასვლის ახსნა
 
23.        საწარმომ უნდა ახსნას, რა გავლენა იქონია ადრინდელი საყოველთაოდ მიღებული ბუღალტრული აღრიცხვის პრინციპებიდან ფასსებზე გადასვლამ მის საანგარიშგებო ფინანსურ მდგომარეობაზე, ფინანსურ შედეგებსა და ფულად ნაკადებზე.
 
23ა.      საწარმომ, რომელმაც წინა პერიოდში გამოიყენა ფასსები, როგორც აღწერილია 4ა პუნქტში, უნდა განმარტოს:
 
ა) მიზეზი, რატომ შეწყვიტა ფასს-ების გამოყენება; და ბ) მიზეზი, რატომ განაახლა ფასს-ების გამოყენება.
 
23ბ.      თუ საწარმო 4ა პუნქტის შესაბამისად არ გადაწყვეტს ფასს 1ის გამოყენებას, მან უნდა ახსნას მიზეზები, რის გამოც გადაწყვიტა ფასს-ების გამოყენება, თითქოს მას არასდროს შეუწყვეტია ფასს-ების გამოყენება.
 
შეჯერება
 
24.        23ე პუნქტის მოთხოვნების შესასრულებლად, საწარმოს ფასს-ების შესაბამისი პირველი ფინანსური ანგარიშგება უნდა მოიცავდეს:
 
ა)          ადრინდელი საყოველთაოდ მიღებული ბუღალტრული აღრიცხვის პრინციპებით მომზადებული საანგარიშგებო საკუთარი კაპიტალის შეჯერებას ფასს-ებით წარმოდგენილ საკუთარ კაპიტალთან, ორივე შემდეგი თარიღისათვის:
 
(ი)        ფასსებზე გადასვლის თარიღისათვის; და
 
(იი)       უკანასკნელი საანგარიშგებო პერიოდის დასასრულისათვის, რომელიც წარმოდგენილია ადრინდელი საყოველთაოდ მიღებული ბუღალტრული აღრიცხვის პრინციპების მიხედვით მომზადებულ, საწარმოს ყველაზე ბოლოდროინდელ წლიურ ფინანსურ ანგარიშგებაში;
 
ბ)         საწარმოს ყველაზე ბოლოდროინდელ წლიურ ფინანსურ ანგარიშგებაში წარდგენილი, უკანასკნელი პერიოდის მთლიანი სრული შემოსავლის შეჯერებას, რომელიც გამოთვლილია ფასს-ების შესაბამისად. ამ შეჯერების ამოსავალი ბაზა უნდა იყოს იმავე პერიოდის, ადრინდელი საყოველთაოდ მიღებული ბუღალტრული აღრიცხვის პრინციპებით გამოთვლილი მთლიანი სრული შემოსავალი, ან თუ საწარმო არ წარადგენს ამგვარ ჯამურ თანხას, ადრინდელი საყოველთაოდ მიღებული ბუღალტრული აღრიცხვის პრინციპებიით გამოთვლილი მოგება ან ზარალი;
 
გ)         თუ საწარმო აღიარებს ან პირიქით აუქმებს გაუფასურების ზარალს ფასს-ების შესაბამის საწყის ფინანსური მდგომარეობის ანგარიშგებაში  განმარტებებს, რომლებიც მოთხოვნილი იქნებოდა ბასს 36ით  ,,აქტივების გაუფასურება’’, თუკი საწარმოს აღიარებული ან ანულირებული ექნებოდა გაუფასურების ეს ზარალი ფასსებზე გადასვლის თარიღით დაწყებულ საანგარიშგებო პერიოდში.
 
25.        24(ა) და (ბ) პუნქტებით მოთხოვნილი შეჯერების მონაცემები საკმარისად დეტალური უნდა იყოს, რათა მომხმარებლისათვის გასაგები გახდეს ფინანსური მდგომარეობის ანგარიშგებისა და სრული შემოსავლის ანგარიშგების არსებითი შესწორებები. თუ საწარმომ ფულადი ნაკადების ანგარიშგება ადრინდელი საყოველთაოდ მიღებული ბუღალტრული აღრიცხვის პრინციპებით წარადგინა, მან ასევე უნდა ახსნას ფულადი ნაკადების ანგარიშგების არსებითი შესწორებებიც.
 
 
26.        თუ საწარმოსათვის ცნობილი გახდება ადრინდელი საყოველთაოდ მიღებული ბუღალტრული აღრიცხვის პრინციპების დროს დაშვებული შეცდომები, 24(ა) და (ბ) პუნქტებით მოთხოვნილ შეჯერების მასალებში გამიჯნული უნდა იყოს ამ შეცდომების გასწორება სააღრიცხვო პოლიტიკაში მომხდარი ცვლილებებისაგან.
 
27.        ბასს 8 არ ეხება სააღრიცხვო პოლიტიკის ისეთ ცვლილებებს, რომელსაც საწარმო მიმართავს ფასს-ების პირველად გამოყენებისას, ან ფასს-ების შესაბამისი პირველი ფინანსური ანგარიშგების წარდგენამდე. ამგვარად, ბასს 8ის მოთხოვნები სააღრიცხვო პოლიტიკაში
 
 
 
ფასს 1 მდ
 
მომხდარი ცვლილებების შესახებ, არ გამოიყენება საწარმოს ფასს-ების შესაბამის პირველ ფინანსურ ანგარიშგებაში.
 
27ა.      თუ საწარმო ცვლის სააღრიცხვო პოლიტიკას, ან იყენებს წინამდებარე ფასსით გათვალისწინებულ გამონაკლისებს იმ პერიოდის განმავლობაში, რომელსაც მოიცავს მისი ფასს-ების შესაბამისი პირველი ფინანსური ანგარიშგება, მან 23ე პუნქტის შესაბამისად უნდა ახსნას, რაში გამოხატა ცვლილებები ფასს-ების შესაბამისად მომზადებულ მის პირველ შუალედურ ფინანსურ ანგარიშგებასა და ფასს-ების შესაბამის პირველ ფინანსურ ანგარიშგებაში და უნდა განაახლოს 24(ა) და (ბ) ქვეპუნქტებით მოთხოვნილი შემაჯერებელი მონაცემები.
 
28.        თუ საწარმოს არ წარუდგენია წინა პერიოდების ფინანსური ანგარიშგება, ეს ფაქტი უნდა განიმარტოს ფასს-ების შესაბამისი პირველი ფინანსური ანგარიშგების განმარტებით შენიშვნებში.
 
 
ფინანსური აქტივებისა და ფინანსური ვალდებულებების აღიარების შეწყვეტა
 
29.        საწარმოს უფლება აქვს, ადრე აღიარებულ ფინანსურ აქტივს მიანიჭოს კლასიფიკაცია `რეალური ღირებულებით შეფასებული ფინანსური აქტივი, მოგებაში ან ზარალში ასახვით~, დ19ა პუნქტის შესაბამისად. საწარმომ ფინანსური ანგარიშგების განმარტებით შენიშვნებში უნდა აჩვენოს ამგვარად კლასიფიცირებული ფინანსური აქტივების რეალური ღირებულება კლასიფიკაციის მინიჭების თარიღისთვის, ასევე მათი კლასიფიკაცია და საბალანსო ღირებულება წინა ფინანსურ ანგარიშგებაში.
 
29ა.      საწარმოს უფლება აქვს, ადრე აღიარებულ ფინანსურ ვალდებულებას მიანიჭოს კლასიფიკაცია `რეალური ღირებულებით აღრიცხული ფინანსური ვალდებულება მოგებაში ან ზარალში ასახვით~, დ19 პუნქტის შესაბამისად. საწარმომ ფინანსური ანგარიშგების განმარტებით შენიშვნებში უნდა აჩვენოს ამგვარად კლასიფიცირებული ფინანსური ვალდებულებების რეალური ღირებულება კლასიფიკაციის მინიჭების თარიღისათვის, ასევე მათი კლასიფიკაცია და საბალანსო ღირებულება წინა ფინანსურ ანგარიშგებაში.
 
 
რეალური ღირებულების, როგორც პირობითი საწყისი ღირებულების გამოყენება
 
30.        თუ საწარმო ფასს-ების შესაბამის საწყის ფინანსური მდგომარეობის ანგარიშგებაში რეალურ ღირებულებას იყენებს, როგორც პირობით საწყის ღირებულებას ძირითადი საშუალებების მუხლისათვის, საინვესტიციო ქონების ან არამატერიალური აქტივისათვის (იხ. დ5 და დ7 პუნქტები), მაშინ საწარმოს ფასს-ების შესაბამის პირველ ფინანსურ ანგარიშგებაში განმარტებული უნდა იყოს ფასს-ების შესაბამისი საწყისი ფინანსური მდგომარეობის ანგარიშგების თითოეული მუხლისათვის:
 
 
ა)          ამ რეალური ღირებულებების აგრეგირებული სიდიდე; და
 
ბ)         ადრინდელი საყოველთაოდ მიღებული ბუღალტრული აღრიცხვის პრინციპების შესაბამისი საანგარიშგებო საბალანსო ღირებულებების მთლიანი შესწორების თანხა.
 
პირობითი საწყისი ღირებულების გამოყენება შვილობილ, ერთობლივი და მეკავშირე საწარმოებში ფლობილი ინვესტიციებისთვის
 
31.        ანალოგიურად, თუ საწარმო პირობით საწყის ღირებულებას იყენებს ფასს-ების შესაბამის საწყის ფინანსური მდგომარეობის ანგარიშგებაში შვილობილი, ერთობლივი ან მეკავშირე საწარმოებისთვის, ინდივიდუალური ფინანსური ანგარიშგების მომზადებისას (იხ. პუნქტი დ15), საწარმოს ფასს-ების შესაბამის საწყის ინდივიდუალურ ფინანსური მდგომარეობის ანგარიშგებაში წარმოდგენილი უნდა იყოს შემდეგი ინფორმაცია:
 
ა)          პირობითი საწყისი ღირებულების აგრეგირებული თანხა იმ ინვესტიციებისთვის, რომლისთვისაც პირობითი საწყისი ღირებულება არის ადრინდელი საყოველთაოდ მიღებული ბუღალტრული აღრიცხვის პრინციპებით გამოთვლილი საბალანსო ღირებულება;
 
 
ბ)         პირობითი საწყისი ღირებულების აგრეგირებული თანხა იმ ინვესტიციებისთვის, რომლისთვისაც პირობითი საწყისი ღირებულება არის რეალური ღირებულება; და
 
 
 
ფასს 1 მდ
 
გ)         ადრინდელი საყოველთაოდ მიღებული ბუღალტრული აღრიცხვის პრინციპებით წარდგენილი საბალანსო ღირებულებების კორექტირების აგრეგირებული თანხა.
 
პირობითი საწყისი ღირებულების გამოყენება ნავთობისა და გაზის აქტივებისთვის
 
31ა.      თუ საწარმო იყენებს დ8ა(ბ) პუნქტით გათვალისწინებულ განთავისუფლების უფლებას ნავთობისა და გაზის აქტივებისთვის, მან განმარტებით შენიშვნებში უნდა დააფიქსიროს თვითონ ეს ფაქტი, ასევე უნდა განმარტოს საფუძველი, რომლის მიხედვითაც იყო მიკუთვნებული აქტივებზე ადრინდელი საყოველთაოდ მიღებული ბუღალტრული აღრიცხვის პრინციპებით განსაზღვრული საბალანსო ღირებულებები.
 
 
პირობითი საწყისი ღირებულების გამოყენება ოპერაციების მიმართ, რომლებიც ექვემდებარება სატარიფო რეგულირებას
 
31ბ.      თუ საწარმო იყენებს დ8ბ პუნქტით გათვალისწინებულ გამონაკლისს იმ ოპერაციების მიმართ, რომლებიც ექვემდებარება სატარიფო რეგულირებას, მან განმარტებით შენიშვნებში უნდა განაცხადოს ამ ფაქტის შესახებ და ასევე ახსნას საფუძველი, რომლის მიხედვითაც განისაზღვრა საბალანსო ღირებულებები ადრინდელი საყოველთაოდ მიღებული ბუღალტრული აღრიცხვის პრინციპების შესაბამისად.
 
პირობითი საწყისი ღირებულების გამოყენება მძიმე ჰიპერინფლაციის შემდეგ
 
31გ.      თუ საწარმო აირჩევს აქტივებისა და ვალდებულებების შეფასებას რეალური ღირებულებით და მძიმე ჰიპერინფლაციის გამო, რეალურ ღირებულებას გამოიყენებს პირობით საწყის ღირებულებად ფასს-ების შესაბამის საწყის ფინანსური მდგომარეობის ანგარიშგებაში (იხ. დ26დ30 პუნქტები), საწარმომ ფასს-ების შესაბამის პირველი ფინანსური ანგარიშგების შენიშვნებში უნდა განმარტოს, როგორ და რატომ ჰქონდა საწარმოს სამუშაო ვალუტას შემდეგი ორი მახასიათებელი და ახლა რატომ აღარ აქვს:
 
ა)          არ არსებობს საიმედო საერთო ფასების ინდექსი ყველა საწარმოსთვის, რომელთა ოპერაციები და ნაშთები გამოსახულია ამ ვალუტაში;
 
ბ)         არ არსებობს ამ ვალუტასა და შედარებით მყარ უცხოურ ვალუტას შორის ურთიერთგაცვლის საშუალება.
 
შუალედური ფინანსური ანგარიშგება
 
32.        თუ საწარმო წარადგენს შუალედურ ფინანსურ ანგარიშგებას ბასს 34ის შესაბამისად იმ პერიოდის ნაწილისთვის, რომელსაც მისი ფასს-ების შესაბამისი პირველი ფინანსური ანგარიშგება მოიცავს, მაშინ საწარმომ 23ე პუნქტის შესასრულებლად, ბასს 34ის მოთხოვნებთან ერთად, უნდა დააკმაყოფილოს შემდეგი მოთხოვნები:
 
ა)          თუ საწარმო შუალედურ ფინანსურ ანგარიშგებას წარადგენს შესადარისი შუალედური პერიოდისათვის, რომელიც უშუალოდ წინ უძღვის ფინანსურ წელს, მაშინ ყოველი ასეთი შუალედური ფინანსური ანგარიშგება უნდა მოიცავდეს:
 
(ი)        ამ შესადარისი შუალედური პერიოდის დასასრულისათვის, ადრინდელი საყოველთაოდ მიღებული ბუღალტრული აღრიცხვის პრინციპებით გამოთვლილი საანგარიშგებო საკუთარი კაპიტალის შეჯერების მონაცემებს ამავე თარიღისათვის ფასს-ებით გამოთვლილ საკუთარ კაპიტალთან; და
 
 
(იი)       ფასს-ების შესაბამისად გამოთვლილი, ამ შესადარისი შუალედური პერიოდის (მიმდინარე და მოცემულ თარიღამდე) მთლიანი სრული შემოსავლის შეჯერების მონაცემებს. ამგვარი შეჯერების ამოსავალი ბაზა უნდა იყოს იმავე პერიოდის, ადრინდელი საყოველთაოდ მიღებული ბუღალტრული აღრიცხვის პრინციპებით გამოთვლილი მთლიანი სრული შემოსავალი, ან თუ საწარმო არ წარადგენს ამგვარ ჯამურ თანხას, ადრინდელი საყოველთაოდ მიღებული ბუღალტრული აღრიცხვის პრინციპებით გამოთვლილი მოგება ან ზარალი.
 
 
 
 
 
ფასს 1 მდ
 
ბ)         წინა (ა) პუნქტში მოთხოვნილი შეჯერების მონაცემების გარდა, ბასს 34ის მიხედვით მომზადებული საწარმოს პირველი შუალედური ფინანსური ანგარიშგება იმ პერიოდის ნაწილისთვის, რომელსაც მოიცავს მისი ფასს-ების შესაბამისი პირველი ფინანსური ანგარიშგება, უნდა შეიცავდეს 24(ა) და (ბ) პუნქტებში აღწერილ შეჯერებებს (25ე და 26ე პუნქტებით მოთხოვნილ დეტალურ ინფორმაციასთან ერთად), ან მინიშნებას სხვა გამოქვეყნებულ დოკუმენტზე, რომელიც ამ შემაჯერებელ ინფორმაციას შეიცავს;
 
გ)         თუ საწარმო ცვლის სააღრიცხვო პოლიტიკას, ან წინამდებარე ფასსით გათვალისწინებული გამონაკლისის გამოყენებას, მან უნდა განმარტოს შესაბამისი ცვლილებები თითოეული ამგვარი შუალედური ფინანსური ანგარიშგებისთვის 23ე პუნქტის შესაბამისად და განაახლოს შემაჯერებელი მონაცემები, რომელთა გამჟღავნებაც მოითხოვება
 
(ა) და (ბ) ქვეპუნქტებით.
 
33.        ბასს 34 მოითხოვს მინიმალური ინფორმაციის განმარტებებს ფინანსური ანგარიშგების შენიშვნებში, რის საფუძველსაც წარმოადგენს დაშვება, რომ შუალედური ფინანსური ანგარიშგების მომხმარებლებს ხელი მიუწვდებათ ყველაზე ბოლოდროინდელ წლიურ ფინანსურ ანგარიშგებაზეც. ამასთან, ბასს 34 საწარმოსაგან ასევე მოითხოვს, რომ მან განმარტოს `ნებისმიერი მოვლენა ან ოპერაცია, რომელიც არსებითია მიმდინარე შუალედური პერიოდის გასაგებად”. ამგვარად, თუ საწარმოს, რომელიც პირველად იყენებს ფასსებს, ადრინდელი საყოველთაოდ მიღებული ბუღალტრული აღრიცხვის პრინციპებით წარმოდგენილ ყველაზე ბოლოდროინდელ წლიურ ფინანსურ ანგარიშგებაში არ განუმარტავს ინფორმაცია, რომელიც არსებითია მიმდინარე შუალედური პერიოდის გასაგებად, მან შუალედურ ფინანსურ ანგარიშგებაში უნდა განმარტოს ეს ინფორმაცია, ან მიუთითოს სხვა გამოქვეყნებული დოკუმენტი, რომელიც ამ ინფორმაციას შეიცავს.
 
 
ძალაში შესვლის თარიღი
 
 
34.        საწარმომ წინამდებარე ფასს იმ შემთხვევაში უნდა გამოიყენოს, თუ მისი ფასს-ების შესაბამისი პირველი ფინანსური ანგარიშგება მოიცავს 2009 წლის 1 ივლისს ან მის შემდეგ დაწყებულ პერიოდს. დასაშვებია ვადაზე ადრე გამოყენებაც.
 
35.        საწარმომ დ1(ო) და დ23 პუნქტებში შეტანილი ცვლილებები უნდა გამოიყენოს 2009 წლის 1 ივლისს ან მის შემდგომ დაწყებული წლიური პერიოდებისათვის. თუ საწარმო ბასს 23ს  `სესხით სარგებლობასთან დაკავშირებული დანახარჯები~ (შესწორებული 2007 წელს) უფრო ადრინდელი პერიოდისთვის გამოიყენებს, იმავე პერიოდისთვის უნდა გამოიყენოს ზემოაღნიშნული ცვლილებებიც.
 
 
36.        ფასს 3მა  `საწარმოთა გაერთიანება~ (შესწორებული 2008 წელს) განაპირობა მე19, გ1, გ4(ვ) და გ4(ზ) პუნქტების შეცვლა. თუ საწარმო ფასს 3ს (შესწორებული 2008 წელს) უფრო ადრინდელი პერიოდისთვის გამოიყენებს, იმავე პერიოდისთვის უნდა გამოიყენოს ზემოაღნიშნული ცვლილებებიც.
 
 
37.        ბასს 27მა  `კონსოლიდირებული და ინდივიდუალური ფინანსური ანგარიშგება~ (შესწორებული 2008 წელს) განაპირობა მე13 და ბ7 პუნქტების შეცვლა. თუ საწარმო ბასს 27ს (შესწორებული 2008 წელს) უფრო ადრინდელი პერიოდისთვის გამოიყენებს, იმავე პერიოდისთვის უნდა გამოიყენოს ზემოაღნიშნული ცვლილებებიც.
 
38.        2008 წლის მაისში გამოცემულმა დოკუმენტმა  შვილობილ, ერთობლივად კონტროლირებად ან მეკავშირე საწარმოებში დაბანდებული ინვესტიციების თვითღირებულება (ფასს 1ისა და ბასს 27 –ის დამატებები) განაპირობა 31ე, დ1(ზ), დ14 და დ15 პუნქტების დამატება. საწარმომ ზემოაღნიშნული ცვლილებები უნდა გამოიყენოს 2009 წლის 1 ივლისს ან მის შემდეგ დაწყებული წლიური პერიოდებისათვის. დასაშვებია ვადაზე ადრე გამოყენებაც. თუ საწარმო ამ პუნქტებს უფრო ადრინდელი პერიოდისთვის გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში.
 
 
 
 
 
 
ფასს 1 მდ
 
39.        ბ7 პუნქტი შეიცვალა 2008 წლის მაისში გამოცემული დოკუმენტის  ფასს-ების გაუმჯობესება  გათვალისწინებით. საწარმომ ზემოაღნიშნული ცვლილებები უნდა გამოიყენოს 2009 წლის 1 ივლისს ან მის შემდეგ დაწყებული წლიური პერიოდებისათვის. თუ საწარმო ბასს 27ს (შესწორებული 2008 წელს) უფრო ადრინდელი პერიოდისთვის გამოიყენებს, იმავე პერიოდისთვის უნდა გამოიყენოს ზემოაღნიშნული ცვლილებებიც.
 
39ა.      2009 წლის ივლისში გამოცემულმა ფასს 1ში შესატანმა ცვლილებებმა  იმ საწარმოთა დამატებითი განთავისუფლება, რომლებიც პირველად იყენებენ ფასსებს  განაპირობა 31ა, დ8ა, დ9ა და დ21ა პუნქტების დამატება და დ1(გ), (დ) და (მ) პუნქტის შეცვლა. საწარმომ ზემოაღნიშნული ცვლილებები უნდა გამოიყენოს 2010 წლის 1 იანვარს ან მის შემდეგ დაწყებული წლიური პერიოდებისათვის. ნებადართულია ვადაზე ადრე გამოყენება. თუ საწარმო ამ ცვლილებებს უფრო ადრინდელი პერიოდისთვის გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში.
 
 
39ბ.      [გაუქმებულია]
 
39გ.      ფასიკ 19მა  `ფინანსური ვალდებულებების დაფარვა წილობრივი ინსტრუმენტებით~  გამოიწვია დ25 პუნქტის დამატება. საწარმომ ზემოაღნიშნული ცვლილება უნდა გამოიყენოს მაშინ, როდესაც გამოიყენებს ფასიკ 19ს.
 
39დ.     2010 წლის იანვარში გამოცემულმა დოკუმენტმა  `შეზღუდული განთავისუფლება ფასს 7ით გათვალისწინებული შესადარისი ინფორმაციის გამჟღავნების მოთხოვნიდან: განმარტებითი შენიშვნები იმ საწარმოთათვის, რომლებიც პირველად იწყებენ ფასს-ების გამოყენებას~ (ფასს 1ში შესატანი ცვლილებები)  გამოიწვია ე3 პუნქტის დამატება. საწარმომ ზემოაღნიშნული ცვლილება უნდა გამოიყენოს 2010 წლის 1 ივლისს ან მის შემდეგ დაწყებული წლიური პერიოდებისათვის. ნებადართულია ვადაზე ადრე გამოყენება. თუ საწარმო ამ ცვლილებებს უფრო ადრინდელი პერიოდისთვის გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში.
 
 
39ე.      2010 წლის მაისში გამოცემულმა დოკუმენტმა  `ფასს-ების გაუმჯობესება~  გამოიწვია 27ა, 31ბ და დ8ბ პუნქტების დამატება და ასევე 27ე, 32ე, დ1(გ) და დ8 პუნქტების შეცვლა. საწარმომ ზემოაღნიშნული ცვლილებები უნდა გამოიყენოს 2011 წლის 1 იანვარს ან მის შემდეგ დაწყებული წლიური პერიოდებისათვის. ნებადართულია ვადაზე ადრე გამოყენება. თუ საწარმო ამ ცვლილებებს უფრო ადრინდელი პერიოდისთვის გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში. საწარმოს, რომელმაც ფასსები დანერგა ან ფასს 1 გამოიყენა ფასს 1ის ძალაში შესვლის თარიღის წინა პერიოდში, უფლება ეძლევა დ8 პუნქტში შეტანილი ცვლილება გამოიყენოს რეტროსპექტულად, ამ ცვლილების ძალაში შესვლის თარიღის შემდგომ პირველ წლიურ პერიოდში. საწარმომ, რომელიც რეტროსპექტულად გამოიყენებს დ8 პუნქტს, ფინანსური ანგარიშგების შენიშვნებში უნდა განმარტოს ეს ფაქტი.
 
 
39ვ.      2010 წლის ოქტომბერში გამოცემულმა დოკუმენტმა  `განმარტებითი შენიშვნები  ფინანსური აქტივების გადაცემა~ (ფასს 7ში შესატანი ცვლილებები) გამოიწვია ე4 პუნქტის დამატება. საწარმომ ზემოაღნიშნული ცვლილება უნდა გამოიყენოს 2011 წლის 1 ივლისს ან მის შემდეგ დაწყებული წლიური პერიოდებისათვის. ნებადართულია ვადაზე ადრე გამოყენება. თუ საწარმო ამ ცვლილებებს უფრო ადრინდელი პერიოდისთვის გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში.
 
39ზ.     [გაუქმებულია]
 
39თ.     2010 წლის დეკემბერში გამოცემულმა დოკუმენტმა  `მძიმე ჰიპერინფლაცია და ფიქსირებული თარიღების გაუქმება იმ საწარმოთათვის, რომლებიც პირველად იწყებენ ფასს-ების გამოყენებას~ (ფასს 1ში შესატანი ცვლილებები)  გამოიწვია ბ2, დ1 და დ20 პუნქტების შეცვლა და 31გ და დ26დ30 პუნქტების დამატება. საწარმომ ზემოაღნიშნული ცვლილებები უნდა გამოიყენოს 2011 წლის 1 ივლისს ან მის შემდეგ დაწყებული წლიური პერიოდებისათვის. ნებადართულია ვადაზე ადრე გამოყენება.
 
 
 
ფასს 1 მდ
 
39ი.      2011 წლის მაისში გამოცემულმა ფასს 10მა  `კონსოლიდირებული ფინანსური ანგარიშგება~ და ფასს 11მა  `ერთობლივი საქმიანობა~  გამოიწვია 31ე, ბ7, გ1, დ1, დ14 და დ15 პუნქტების შეცვლა და დ31 პუნქტის დამატება. საწარმომ ზემოაღნიშნული ცვლილებები იმ საანგარიშგებო პერიოდში უნდა გამოიყენოს, როდესაც გამოიყენებს ფასს 10სა და ფასს 11ს.
 
39კ.      2011 წლის მაისში გამოცემულმა ფასს 13მა  `რეალური ღირებულების შეფასება~  გამოიწვია მე19 პუნქტის გაუქმება, `ა~ დანართში მოცემული რეალური ღირებულების განმარტებისა და დ15 და დ20 პუნქტების შეცვლა. საწარმომ ზემოაღნიშნული ცვლილებები იმ საანგარიშგებო პერიოდში უნდა გამოიყენოს, როდესაც გამოიყენებს ფასს 13ს.
 
39ლ.     2011 წლის ივნისში გამოცემულმა დოკუმენტმა  `სხვა სრული შემოსავლის მუხლების წარდგენა~ (ბასს 1ში შესატანი ცვლილებები)  გამოიწვია 21ე პუნქტის შეცვლა. საწარმომ ზემოაღნიშნული ცვლილებები იმ საანგარიშგებო პერიოდში უნდა გამოიყენოს, როდესაც გამოიყენებს ბასს 1ის 2011 წლის ივნისის შესწორებულ ვერსიას.
 
39მ.      ბასს 19მა  `დაქირავებულ მომუშავეთა გასამრჯელოები~ (2011 წლის ივნისის შესწორებული ვერსია) გამოიწვია დ1 პუნქტის შეცვლა, დ10 და დ11 პუნქტების გაუქმება და ე5 პუნქტის დამატება. საწარმომ ზემოაღნიშნული ცვლილებები იმ საანგარიშგებო პერიოდში უნდა გამოიყენოს, როდესაც გამოიყენებს ბასს 19ს (შესწორებული 2011 წლის ივნისში).
 
39ნ.      ფასიკ 20მა  `ღია წესით დასამუშავებელი საბადოს ექსპლუატაციის ეტაპზე გაწეული საბადოს გადახსნის დანახარჯები~  გამოიწვია დ32 პუნქტის დამატება და დ1 პუნქტის შეცვლა. საწარმომ ზემოაღნიშნული ცვლილებები იმ საანგარიშგებო პერიოდში უნდა გამოიყენოს, როდესაც გამოიყენებს ფასიკ 20ს.
 
39ო.     2012 წლის მარტში გამოცემულმა დოკუმენტმა  `სახელმწიფო სესხები~ (ფასს 1ში შესატანი ცვლილებები)  გამოიწვია ბ1(ვ) და ბ10ბ12 პუნქტების დამატება. საწარმომ ზემოაღნიშნული ცვლილებები უნდა გამოიყენოს 2013 წლის 1 იანვარს ან მის შემდეგ დაწყებული წლიური პერიოდებისათვის. ნებადართულია ვადაზე ადრე გამოყენება.
 
39პ.      ბ10 და ბ11 პუნქტები ეხება ფასს 9ს. თუ საწარმო იყენებს წინამდებარე ფასსს, მაგრამ ჯერ არ იყენებს ფასს 9ს, მან ბ10 და ბ11 პუნქტებში მითითებული ფასს 9ის ნაცვლად უნდა იგულისხმოს ბასს 39  `ფინანსური ინსტრუმენტები: აღიარება და შეფასება~.
 
39ჟ.      2012 წლის მაისში გამოცემულმა დოკუმენტმა  `ფასს-ების ყოველწლიური გაუმჯობესება  20092011 წლების ციკლი~  გამოიწვია 4ა4ბ და 23ა23ბ პუნქტების დამატება. საწარმომ ზემოაღნიშნული ცვლილება რეტროსპექტულად უნდა გამოიყენოს ბასს 8ის  `სააღრიცხვო პოლიტიკა, ცვლილებები სააღრიცხვო შეფასებებში და შეცდომები~  შესაბამისად, 2013 წლის 1 იანვარს ან მის შემდეგ დაწყებული წლიური პერიოდებისთვის. ნებადართულია ვადაზე ადრე გამოყენება. თუ საწარმო ამ ცვლილებებს უფრო ადრინდელი პერიოდისთვის გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში.
 
39რ.     2012 წლის მაისში გამოცემულმა დოკუმენტმა  `ფასს-ების ყოველწლიური გაუმჯობესება  20092011 წლების ციკლი~  გამოიწვია დ23 პუნქტის შეცვლა. საწარმომ ზემოაღნიშნული ცვლილება რეტროსპექტულად უნდა გამოიყენოს ბასს 8ის  `სააღრიცხვო პოლიტიკა, ცვლილებები სააღრიცხვო შეფასებებში და შეცდომები~  შესაბამისად, 2013 წლის 1 იანვარს ან მის შემდეგ დაწყებული წლიური პერიოდებისთვის. ნებადართულია ვადაზე ადრე გამოყენება. თუ საწარმო ამ ცვლილებებს უფრო ადრინდელი პერიოდისთვის გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში.
 
39ს.      2012 წლის მაისში გამოცემულმა დოკუმენტმა  `ფასს-ების ყოველწლიური გაუმჯობესება  20092011 წლების ციკლი~  გამოიწვია 21ე პუნქტის შეცვლა. საწარმომ ზემოაღნიშნული ცვლილება რეტროსპექტულად უნდა გამოიყენოს ბასს 8ის  `სააღრიცხვო პოლიტიკა, ცვლილებები სააღრიცხვო შეფასებებში და შეცდომები~  შესაბამისად, 2013 წლის 1 იანვარს ან მის შემდეგ დაწყებული წლიური პერიოდებისთვის. ნებადართულია ვადაზე ადრე გამოყენება. თუ საწარმო ამ ცვლილებებს უფრო ადრინდელი პერიოდისთვის გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში.
 
 
 
ფასს 1 მდ
 
39ტ.     2012 წლის ივნისში გამოცემულმა დოკუმენტმა  `კონსოლიდირებული ფინანსური ანგარიშგება, ერთობლივი საქმიანობა და განმარტებითი შენიშვნები სხვა საწარმოებში მონაწილეობის შესახებ: მითითებები აღრიცხვის ახალ მეთოდებზე გადასვლის შესახებ~ (ფასს 10ში, ფასს 11სა და ფასს 12ში შესატანი ცვლილებები)~  გამოიწვია დ31 პუნქტის შეცვლა. საწარმომ ზემოაღნიშნული ცვლილება იმ საანგარიშგებო პერიოდში უნდა გამოიყენოს, როდესაც გამოიყენებს ფასს 11ის 2012 წლის ივნისის შესწორებულ ვერსიას.
 
39უ.     2012 წლის ოქტომბერში გამოცემულმა დოკუმენტმა  `საინვესტიციო საწარმოები~ (ფასს 10ში, ფასს 12სა და ბასს 27ში შესატანი ცვლილებები)  გამოიწვია დ16, დ17 პუნქტებისა და `გ~ დანართის შეცვლა, ასევე ქვესათაურისა და ე6ე7 პუნქტების დამატება. საწარმომ ზემოაღნიშნული ცვლილებები უნდა გამოიყენოს 2014 წლის 1 იანვარს ან მის შემდეგ დაწყებული წლიური პერიოდებისთვის. ნებადართულია დოკუმენტის  `საინვესტიციო საწარმოები~  ვადაზე ადრე გამოყენება. თუ საწარმო ამ ცვლილებებს უფრო ადრინდელი პერიოდისთვის გამოიყენებს, მან იმავდროულად უნდა გამოიყენოს ყველა ცვლილება, რომელსაც ითვალისწინებს დოკუმენტი  `საინვესტიციო საწარმოები~.
 
39ფ.     ფასს 9მ  `ფინანსური ინსტრუმენტები~ (შეცვლილი 2013 წლის ნოემბერში) გამოიწვია 29ე, ბ1ბ6, დ1, დ14, დ15, დ19 და დ20 პუნქტების შეცვლა, 39ბ და 39ზ პუნქტების გაუქმება და 29ა, ბ8, ბ9, დ19ად19დ, დ33, ე1 და ე2 პუნქტების დამატება. საწარმომ ზემოაღნიშნული ცვლილებები იმ საანგარიშგებო პერიოდში უნდა გამოიყენოს, როდესაც გამოიყენებს ფასს 9ის 2013 წლის ნოემბრის შეცვლილ ვერსიას.
 
ფასს 1ის გაუქმება  (გამოცემული 2003 წელს)
 
 
40.        წინამდებარე ფასს ცვლის 2003 წელს გამოცემულ და 2008 წლის მაისში შეცვლილ ფასს 1ს.
ფასს 1 მდ
 
დანართი ა
 
ტერმინების განმარტება
 
 
წინამდებარე დანართი ფასს-ის განუყოფელი ნაწილია.
 
ფასსებზე გადასვლის   ყველაზე ადრინდელი პერიოდის დასაწყისი, რომლისთვისაც სა
თარიღი            წარმო წარადგენს  სრულყოფილ შესადარის ინფორმაციას ფასს
            ების შესაბამისად, ფასს-ების შესაბამის  პირველ ფინანსურ ანგა
            რიშგებაში.
პირობითი საწყისი        თვითღირებულების ან ამორტიზებული ღირებულების შემცვლელად
ღირებულება    გამოყენებული სიდიდე მოცემული თარიღისათვის. შემდგომში და
            რიცხული ცვეთა ან ამორტიზაცია გულისხმობს, რომ საწარმომ თა
            ვდაპირველად აქტივი ან ვალდებულება მოცემული თარიღისათვის
            აღიარა და მისი ღირებულება პირობით საწყის ღირებულებას უდ
            რიდა.
რეალური ღირებულება რეალური ღირებულება არის ფასი, რომელიც მიღებული ან გადახ
            დილი   იქნებოდა   აქტივის   გაყიდვიდან   ან   ვალდებულების
            გადაცემისას,   ბაზრის   მონაწილეებს   შორის   ნებაყოფლობით
            განხორციელებული  ოპერაციის  დროს  შეფასების  თარიღისთვის.
            (იხ ფასს 13)
ფასს-ების შესაბამისი     პირველი წლიური ფინანსური ანგარიშგება, რომელშიც საწარმო
პირველი ფინანსური     იყენებს ფინანსური ანგარიშგების საერთაშორისო სტანდარტებს
ანგარიშგება      (ფასსებს), ფასსთან შესაბამისობის შესახებ მისი აშკარა და
            უპირობო განაცხადის შესაბამისად.
ფასს-ების შესაბამისი     ბოლო საანგარიშგებო პერიოდი, რომელსაც მოიცავს საწარმოს
პირველი საანგარიშგებო            ფასს-ების შესაბამისი პირველი ფინანსური ანგარიშგება.
პერიოდი                     
საწარმო, რომელიც        საწარმო, რომელიც წარადგენს ფასს-ების შესაბამის პირველ ფი
პირველად იყენებს ფასსებს       ნანსურ ანგარიშგებას.
ფინანსური ანგარიშგების          ბუღალტრული აღრიცხვის საერთაშორისო სტანდარტების საბჭოს
საერთაშორისო მიერ მიღებული სტანდარტები და ინტერპრეტაციები. მოიცავს:
სტანდარტები (ფასს)     ა)          ფინანსური ანგარიშგების საერთაშორისო სტანდარტებს;
                       
            ბ)         ბუღალტრული აღრიცხვის საერთაშორისო სტანდარტებს; და
            გ) ინტერპრეტაციებს, რომელიც შემუშავებულია ფინანსური ანგა
                        რიშგების ინტერპრეტაციების საერთაშორისო კომიტეტის ან ყო
                        ფილი ინტერპრეტაციების მუდმივმოქმედი კომიტეტის მიერ.
ფასს-ების შესაბამისი საწყისი     საწარმოს ფინანსური მდგომარეობის ანგარიშგება, რომელიც
ფინანსური მდგომარეობის        მომზადებულია ფასსებზე გადასვლის თარიღისათვის.
ანგარიშგება                 
ადრინდელი საყოველთაოდ      აღრიცხვის საფუძველი, რომელსაც საწარმო, რომელიც პირველად
მიღებული ბუღალტრული        იყენებს ფასსებს, იყენებდა ფასსამდე.
აღრიცხვის პრინციპები             
 
 
 
 
 
 
 
ფასს 1 მდ
 
დანართი ბ
 
გამონაკლისები სხვა ფასს-ების რეტროსპექტულ გამოყენებაში
 
წინამდებარე დანართი ფასს-ის განუყოფელი ნაწილია.
 
ბ1.        საწარმომ უნდა გამოიყენოს შემდეგი შეღავათები:
 
ა)          ფინანსური აქტივებისა და ფინანსური ვალდებულებების აღიარების შეწყვეტა (პუნქტები ბ2 და ბ3);
 
 
ბ)         ჰეჯირების აღრიცხვა (პუნქტები ბ4ბ6);
 
გ)         არამაკონტროლებელი წილები (პუნქტი ბ7); და
 
დ)        ფინანსური აქტივების კლასიფიკაცია და შეფასება (პუნქტი ბ8).
 
ე)          ჩართული წარმოებული ინსტრუმენტები (პუნქტი ბ9); და
 
ვ)          სახელმწიფო სესხები (ბ10ბ12)
 
ფინანსური აქტივებისა და ვალდებულებების აღიარების შეწყვეტა
 
ბ2.        გარდა ბ3 პუნქტით დაშვებული შემთხვევებისა, საწარმომ, რომელიც პირველად იყენებს ფასსებს, ფასს 9ის  ,,ფინანსური ინსტრუმენტები’’  აღიარების შეწყვეტის მოთხოვნები უნდა გამოიყენოს პერსპექტიულად იმ ოპერაციებისათვის, რომლებიც განხორციელდა ფასსებზე გადასვლის თარიღისთვის, ან მის შემდეგ. მაგალითად, თუ საწარმომ, რომელიც პირველად იყენებს ფასსებს, ადრინდელი საყოველთაოდ მიღებული ბუღალტრული აღრიცხვისGპრინციპების თანახმად შეწყვიტა არაწარმოებული ფინანსური აქტივის ან არაწარმოებული ფინანსური ვალდებულების აღიარება, როგორც ფასსებზე გადასვლის თარიღამდე შესრულებული ოპერაციის შედეგი, მაშინ მან ეს აქტივები და ვალდებულებები არ უნდა აღიაროს ფასს-ების შესაბამისად (იმ შემთხვევის გარდა, როდესაც ისინი აღიარების კრიტერიუმებს აკმაყოფილებს უფრო გვიანდელი ოპერაციის ან მოვლენის შედეგად).
 
 
ბ3.        მიუხედავად ბ2 პუნქტისა, საწარმოს ფასს 9ის აღიარების შეწყვეტის მოთხოვნების გამოყენება შეუძლია რეტროსპექტულად საწარმოს მიერ არჩეული თარიღიდან იმ პირობით, თუ ინფორმაცია, რომელიც საჭიროა ფასს 9ის გამოსაყენებლად ისეთი ფინანსური აქტივებისა და ფინანსური ვალდებულებების მიმართ, რომელთა აღიარება შეწყდა წარსული ოპერაციებიდან გამომდინარე, მოპოვებული იყო ამ ოპერაციების საწყისი აღრიცხვის თარიღისათვის.
 
ჰეჯირების აღრიცხვა
 
ბ4.        როგორც ფასს 9ით მოითხოვება, ფასსებზე გადასვლის თარიღისათვის საწარმო ვალდებულია:
 
 
ა)          ყველა წარმოებული ფინანსური ინსტრუმენტი შეაფასოს რეალური ღირებულებით; და
 
ბ)         ისეთი წარმოებული ინსტრუმენტებიდან წარმოშობილი ყველა გადავადებული ზარალი და შემოსულობა, რომელიც წარდგენილი იყო ფინანსურ ანგარიშგებაში ადრინდელი საყოველთაოდ მიღებული ბუღალტრული აღრიცხვისGპრინციპების თანახმად, გააუქმოს და ისე წარმოადგინოს, თითქოს აქტივები ან ვალდებულებები ყოფილიყოს.
 
 

ფასს 1 მდ
 
 
ბ5.        საწარმომ ფასს-ების შესაბამის საწყის ფინანსური მდგომარეობის ანგარიშგებაში არ უნდა ასახოს ისეთი ტიპის ჰეჯირების ურთიერთობა, რომელიც არ აკმაყოფილებს ჰეჯირების აღრიცხვის კრიტერიუმებს ფასს 9ის შესაბამისად (მაგალითად, მრავალი სახის ჰეჯირების ურთიერთობა, სადაც ჰეჯირების ინსტრუმენტი განცალკევებული, ან ნეტო გამოშვებული ოფციონია, ან სადაც ჰეჯირებული მუხლი `ნეტო პოზიციაა” სავალუტო რისკის გარდა რომელიმე სხვა რისკის ფულადი ნაკადების ჰეჯირებაში). თუმცა, თუ საწარმომ ესა თუ ის ნეტო პოზიცია განსაზღვრა, როგორც ჰეჯირებული მუხლი ადრინდელი საყოველთაოდ მიღებული ბუღალტრული აღრიცხვის პრინციპებით, მას შეუძლია ამ ნეტო პოზიციის ფარგლებში ცალკეული მუხლი ან თვითონ ნეტო პოზიცია განსაზღვროს, როგორც ჰეჯირებული მუხლი, ფასს-ების შესაბამისად, თუ აკმაყოფილებს ფასს 9ის 6.6.1 პუნქტის მოთხოვნებს, იმ პირობით, თუ ამას გააკეთებს არა უგვიანეს ფასსებზე გადასვლის თარიღისა.
 
 
ბ6.        თუ ფასსებზე გადასვლის თარიღამდე საწარმომ ოპერაცია განსაზღვრა, როგორც ჰეჯირება, მაგრამ იგი არ პასუხობს ჰეჯირების აღრიცხვის პირობებს ფასს 9ის შესაბამისად, საწარმომ უნდა გამოიყენოს ფასს 9ის 6.5.6 და 6.5.7 პუნქტები, რათა შეწყვიტოს ჰეჯირების აღრიცხვა. ფასსებზე გადასვლის თარიღამდე მომხდარი ოპერაციები (დადებული გარიგებები) რეტროსპექტულად არ უნდა განისაზღვროს როგორც ჰეჯირება.
 
არამაკონტროლებელი წილი
 
ბ7.        საწარმომ, რომელიც პირველად იყენებს ფასსებს, ფასსებზე გადასვლის თარიღიდან პერსპექტიულად უნდა გამოიყენოს ფასს 10ის შემდეგი მოთხოვნები:
 
ა)          ბ94 პუნქტის მოთხოვნა, რომლის თანახმად მთლიანი სრული შემოსავალი მიეკუთვნება სათავო საწარმოს მესაკუთრეებსა და არამაკონტროლებელ წილს მაშინაც კი, თუ ეს გამოიწვევს არამაკონტროლებელი წილის უარყოფით ნაშთს;
 
ბ)         23ე და ბ93 პუნქტების მოთხოვნები, რომლებიც ეხება შვილობილ საწარმოში სათავო საწარმოს საკუთრების წილის დონეში მომხდარი ისეთი ცვლილებების აღრიცხვას, რომელიც არ იწვევს შვილობილ საწარმოზე კონტროლის დაკარგვას; და
 
გ)         ბ97ბ99 პუნქტების მოთხოვნები შვილობილ საწარმოზე კონტროლის დაკარგვის აღრიცხვის წესის შესახებ და ფასს 5ის  `გასაყიდად გამიზნული გრძელვადიანი აქტივები და შეწყვეტილი ოპერაციები~  (8ა) პუნქტის შესაბამისი მოთხოვნები.
 
თუმცა, თუ საწარმო, რომელიც პირველად იყენებს ფასსებს, ამჯობინებს ფასს 3ის რეტროსპექტულად გამოყენებას წარსული პერიოდის საწარმოთა გაერთიანებებისათვის, მან იმავდროულად უნდა გამოიყენოს ფასს 10იც, წინამდებარე ფასს-ის გ1 პუნქტის შესაბამისად.
 
ფინანსური აქტივების კლასიფიკაცია და შეფასება
 
ბ8.        აკმაყოფილებს თუ არა ფინანსური აქტივი ფასს 9ის 4.1.2 პუნქტით განსაზღვრულ პირობებს, საწარმომ უნდა შეაფასოს იმ ფაქტებსა და გარემოებებზე დაყრდნობით, რომლებიც არსებობს ფასსებზე გადასვლის თარიღისთვის.
 
ჩართული წარმოებული ფინანსური ინსტრუმეტები
 
ბ9.        საწარმომ, რომელიც პირველად იყენებს ფასსებს, უნდა შეაფასოს, მოითხოვება თუ არა ჩართული წარმოებული ფინანსური ინსტრუმენტების განცალკევება ძირითადი ხელშეკრულებიდან და უნდა აისახოს თუ არა ჩართული წარმოებული ინსტრუმენტი იმ პირობების საფუძველზე, რომლებიც არსებობდა შემდეგი ორი თარიღიდან უფრო გვიანი თარიღისთვის: თარიღი, როდესაც ის პირველად გახდა ხელშეკრულების მონაწილე მხარე და ინსტრუმენტის ხელახალი შეფასების თარიღი, რისი გაკეთებაც მოითხოვება ფასს 9ის ბ4.3.11 პუნქტით.
 
 
 
 
 
 
ფასს 1 მდ
 
სახელმწიფო სესხები
 
ბ10.      საწარმომ, რომელიც პირველად იყენებს ფასსებს, ყველა სახელმწიფო სესხის კლასიფიცირება უნდა მოახდინოს ბასს 32ის  `ფინანსური ინსტრუმენტები: წარდგენა~  შესაბამისად, იმის მიუხედავად, სესხი მიღებული აქვს როგორც ფინანსური ვალდებულება, თუ წილობრივი ინსტრუმენტი. ბ11 პუნქტით ნებადართული მიდგომის მიუხედავად, საწარმომ, რომელიც პირველად იყენებს ფასსებს, ფასს 9ისა  `ფინანსური ინსტრუმენტები~ და ბასს 20ის  ` სახელმწიფო გრანტების ბუღალტრული აღრიცხვა და სახელმწიფო დახმარების განმარტებითი შენიშვნები~  მოთხოვნები უნდა გამოიყენოს პერსპექტიულად სახელმწიფო სესხების მიმართ, რომლებიც არსებობდა ფასსებზე გადასვლის თარიღისთვის. ამასთან, სახელმწიფო სესხით განპირობებული შესაბამისი სარგებელი არ უნდა აღიაროს როგორც სახელმწიფო გრანტი საბაზრო საპროცენტო განაკვეთზე დაბალი განაკვეთით. შესაბამისად, თუ საწარმო, რომელიც პირველად იყენებს ფასსებს, ადრინდელი საყოველთაოდ მიღებული ბუღალტრული აღრიცხვის პრინციპების შესაბამისად არ აღიარებდა და არ აფასებდა სახელმწიფო სესხს საბაზრო საპროცენტო განაკვეთზე დაბალი განაკვეთით, ფასს-ების მოთხოვნების შესაბამისი საფუძვლით, მან ამ სესხისთვის, საბალანსო ღირებულება, რომელიც გააჩნდა ფასსებზე გადასვლის თარიღისთვის ადრინდელი საყოველთაოდ მიღებული ბუღალტრული აღრიცხვის პრინციპების შესაბამისად, უნდა გამოიყენოს, როგორც სესხის საბალანსო ღირებულება ფასს-ების შესაბამის საწყის ფინანსური მდგომარეობის ანგარიშგებაში. საწარმომ ამგვარი სესხების შესაფასებლად ფასსებზე გადასვლის თარიღის შემდეგ უნდა გამოიყენოს ფასს 9.
 
 
 
ბ11.      ბ10 პუნქტის მიუხედავად, საწარმოს უფლება აქვს ფასს 9ისა და ბასს 20ის მოთხოვნები გამოიყენოს რეტროსპექტულად, ნებისმიერი სახელმწიფო სესხის მიმართ, რომელიც წარმოიქმნა ფასსებზე გადასვლის თარიღამდე, იმ პირობით, თუ ამის განსახორციელებლად საჭირო ინფორმაცია მოპოვებული ჰქონდა მოცემული სესხის თავდაპირველი აღრიცხვის დროს.
 
 
ბ12.      ბ10 და ბ11 პუნქტების მოთხოვნები და მითითებები ხელს არ უშლის საწარმოს, რომ გამოიყენოს დ19დ19დ პუნქტებით გათვალისწინებული შეღავათები, რომლებიც ეხება ადრე აღიარებული ფინანსური ინსტრუმენტების კლასიფიცირებას რეალური ღირებულებით შეფასებისთვის, მოგებაში ან ზარალში ასახვით.
 
ფასს 1 მდ
 
დანართი  გ
 
გამონაკლისები საწარმოთა გაერთიანებიდან
 
წინამდებარე დანართი ფასს-ის განუყოფელი ნაწილია. საწარმომ დანართის მოთხოვნები უნდა გამოიყენოს იმ საწარმოთა გაერთიანებებისთვის, რომლებიც აღიარა ფასსებზე გადასვლის თარიღამდე.
 
 
გ1.
 
 
საწარმოს, რომელიც პირველად იყენებს ფასსებს, უფლება აქვს არ გამოიყენოს ფასს 3 რეტროსპექტულად, საწარმოთა წარსული გაერთიანებების მიმართ (საწარმოთა გაერთიანებები, რომლებიც ფასსებზე გადასვლის თარიღამდე მოხდა). თუმცა, თუ საწარმო, რომელიც პირველად იყენებს ფასსებს, ხელახლა ამზადებს ინფორმაციას რომელიმე საწარმოთა გაერთიანებაზე ფასს 3თან შესაბამისობის მისაღწევად, მან უნდა გადაიანგარიშოს ყველა მომდევნო თარიღის საწარმოთა გაერთიანების ინფორმაცია და ამავე თარიღიდან გამოიყენოს ასევე ფასს 10იც (შესწორებული 2008 წელს). მაგალითად, თუ საწარმო, რომელიც პირველად იყენებს ფასსებს, ამჯობინებს 2006 წლის 30 ივნისისათვის მომხდარი საწარმოთა გაერთიანების ინფორმაციის გადაანგარიშებას, მან უნდა გადაიანგარიშოს ყველა საწარმოთა გაერთიანების ინფორმაცია, რომლებიც 2006 წლის 30 ივნისსა და ფასსებზე გადასვლის თარიღს შორის მოხდა და 2006 წლის 30 ივნისიდან უნდა გამოიყენოს ასევე ფასს 10.
 
 
 
Bგ2.A
 
 
 
საწარმოს არ სჭირდება ბასს 21ის  ,,უცხოური ვალუტის კურსის ცვლილებებით გამოწვეული შედეგები’’  რეტროსპექტული გამოყენება იმ რეალური ღირებულების კორექტირებებისა და გუდვილისათვის, რომლებიც ფასსებზე გადასვლის თარიღამდე მომხდარ საწარმოთა გაერთიანებებში წარმოიშვა. თუ საწარმო ბასს 21ს არ გამოიყენებს რეტროსპექტულად რეალური ღირებულების კორექტირებებისა და გუდვილისათვის, მაშინ მან აღნიშნული მუხლები უნდა მიიჩნიოს საწარმოს (თავის) აქტივებად და ვალდებულებებად და არა შეძენილი საწარმოს აქტივებად და ვალდებულებებად. ამგვარად, ზემოაღნიშნული გუდვილი და რეალური ღირებულების კორექტირებები ან უკვე გამოსახულია საწარმოს სამუშაო ვალუტაში, ან წარმოადგენს უცხოური ვალუტით განსაზღვრულ არაფულად მუხლებს, რომლებიც წარმოდგენილია ადრინდელი საყოველთაოდ მიღებული ბუღალტრული აღრიცხვის პრინციპების შესაბამისი გასაცვლელი სავალუტო კურსით.
 
 
 
Bგ3.B
 
 
 
საწარმოს შეუძლია ბასს 21ის რეტროსპექტულად გამოყენება რეალური ღირებულების კორექტირებებისა და გუდვილისათვის, რომლებიც წარმოშობილია:
 
 
ა)          ფასსებზე გადასვლის თარიღამდე მომხდარ საწარმოთა ყველა გაერთიანებაში; ან
 
ბ)         საწარმოთა ყველა გაერთიანებაში, რომელთა ხელახლა წარმოდგენასაც საწარმო აირჩევს ფასს 3თან შესაბამისობის მისაღწევად, როგორც წინა გ1 პუნქტითაა დაშვებული.
 
 
Bგ4.
 
 
თუ საწარმო, რომელიც პირველად იყენებს ფასსებს, ფასს 3ს რეტროსპექტულად არ გამოიყენებს საწარმოთა ადრინდელი გაერთიანებისათვის, ამას საწარმოთა ამ გაერთიანებისათვის შემდეგი შედეგები ექნება:
 
 
ა)          საწარმომ, რომელიც პირველად იყენებს ფასსებს, უნდა შეინარჩუნოს იგივე კლასიფიკაცია (როგორც შეძენა იურიდიული მყიდველის მიერ, უკუშეძენა იურიდიული შეძენილი საწარმოს მიერ, ან კაპიტალის წილების გაერთიანება), რაც ჰქონდა ადრინდელი საყოველთაოდ მიღებული ბუღალტრული აღრიცხვის პრინციპებით მომზადებულ ფინანსურ ანგარიშგებაში;
 
 
ბ)         საწარმომ, რომელიც პირველად იყენებს ფასსებს, წარსულ საწარმოთა გაერთიანებაში შეძენილი ყველა აქტივი და ვალდებულება უნდა აღიაროს ფასსებზე გადასვლის თარიღისათვის, გარდა:
 
 
 
(ი)        ზოგიერთი ფინანსური აქტივისა და ფინანსური ვალდებულებისა, რომელთა აღიარება შეწყდა ადრინდელი საყოველთაოდ მიღებული ბუღალტრული აღრიცხვის პრინციპებით (იხ. პუნქტი ბ2); და
 
 
 
 
ფასს 1 მდ
 
(იი)       აქტივებისა, მათ შორის გუდვილისა და ვალდებულებებისა, რომლებიც აღიარებული არ იყო ადრინდელი საყოველთაოდ მიღებული ბუღალტრული აღრიცხვის პრინციპებით მომზადებულ მყიდველი საწარმოს კონსოლიდირებულ ფინანსური მდგომარეობის ანგარიშგებაში და ასევე საწარმო ვერ აღიარებდა მათ შეძენილი საწარმოს ინდივიდუალურ ფინანსური მდგომარეობის ანგარიშგებაში ფასს-ების მიხედვით (იხ. ქვემოთ პუნქტები (ვ) (ი)).
 
 
საწარმომ, რომელიც პირველად იყენებს ფასსებს, ნებისმიერი გამოწვეული ცვლილება უნდა აღიაროს გაუნაწილებელი მოგების (ან, თუ მისაღებია, საკუთარი კაპიტალის სხვა კატეგორიის) კორექტირებით, თუ ცვლილება გამოწვეული არაა ისეთი არამატერიალური აქტივის აღიარებიდან, რომელიც ადრე გუდვილის კატეგორიას მიეკუთვნებოდა (იხ. პუნქტი (ზ)(ი));
 
 
გ)         საწარმომ, რომელიც პირველად იყენებს ფასსებს, უნდა გამორიცხოს ფასს-ების შესაბამისი საწყისი ფინანსური მდგომარეობის ანგარიშგებიდან ადრინდელი საყოველთაოდ მიღებული ბუღალტრული აღრიცხვის პრინციპებით აღიარებული ნებისმიერი მუხლი, რომელიც არ აკმაყოფილებს აქტივად ან ვალდებულებად აღიარების კრიტერიუმებს ფასს-ების თანახმად. საწარმომ, რომელიც პირველად იყენებს ფასსებს, ამ პროცედურით გამოწვეული ცვლილება შემდეგნაირად უნდა აღრიცხოს:
 
(ი)        საწარმოს, რომელიც პირველად იყენებს ფასსებს, საწარმოთა წარსული გაერთიანება შეიძლება კლასიფიცირებული ჰქონდეს როგორც შეძენა, ასევე არამატერიალურ აქტივად ჰქონდეს აღიარებული ისეთი მუხლი, რომელიც არ აკმაყოფილებს აქტივად აღიარების კრიტერიუმებს ბასს 38ის  ,,არამატერიალური აქტივები’’  თანახმად. მან უნდა მოახდინოს ამ მუხლის (და, თუ არსებობს, დაკავშირებული გადავადებული გადასახადის და არამაკონტროლებელი წილის) ხელახალი კლასიფიკაცია როგორც გუდვილის ნაწილისა (თუ იგი უშუალოდ საკუთარ კაპიტალს არ აკ
 
ლებს გუდვილს ადრინდელი საყოველთაოდ მიღებული ბუღალტრული აღრიცხვის პრინციპებით, იხ. პუნქტი (ზ)(ი) და (ი));
 
(იი)       საწარმომ, რომელიც პირველად იყენებს ფასსებს, გაუნაწილებელ მოგებაში უნდა აღიაროს ყველა დანარჩენი გამოწვეული ცვლილება.1
 
დ)        ფასს ზოგიერთი აქტივისა და ვალდებულების შემდგომ შეფასებას მოითხოვს ისეთ საფუძველზე, რომელიც არ ეყრდნობა პირვანდელ ღირებულებას, როგორიცაა, მაგალითად, რეალური ღირებულება. საწარმომ, რომელიც პირველად იყენებს ფასსებს, ეს აქტივები და ვალდებულებები ამავე საფუძველზე უნდა შეაფასოს ფასს-ების შესაბამის საწყის ფინანსური მდგომარეობის ანგარიშგებაში მაშინაც კი, როცა ისინი შეძენილი ან აღებული იყო საწარმოთა წარსულ გაერთიანებაში. მან საბალანსო ღირებულებაში გამოწვეული ნებისმიერი ცვლილება უნდა აღიაროს გაუნაწილებელი მოგების (ან, თუ მისაღებია, საკუთარი კაპიტალის სხვა კატეგორიის) კორექტირებით, გუდვილის კორექტირების ნაცვლად;
 
 
ე)          უშუალოდ საწარმოთა გაერთიანების შემდეგ, ადრინდელი საყოველთაოდ მიღებული ბუღალტრული აღრიცხვის პრინციპებით წარმოდგენილი, შეძენილი აქტივებისა და აღებული ვალდებულებების საბალანსო ღირებულება საწარმოთა ამ გაერთიანებაში ფასს-ების თანახმად იქნება მათი პირობითი საწყისი ღირებულება ამ თარიღისათვის. თუ ფასს მოითხოვს მოცემული აქტივებისა და ვალდებულებების შეფასებას თვითღირებულების ბაზაზე უფრო გვიანი თარიღისათვის, პირობითი საწყისი ღირებულება უნდა გახდეს თვით
 
 
 
 
1.         ასეთი ცვლილებები მოიცავს ხელახალ კლასიფიცირებას არამატერიალურ აქტივებად ან პირიქით, არამატერიალური აქტივებიდან, თუ გუდვილი აღიარებული არ იყო ადრინდელი საყოველთაოდ მიღებული ბუღალტრული აღრიცხვის პრინციპებით, როგორც აქტივი. ასე მაშინ ხდება, თუ ადრინდელი საყოველთაოდ მიღებული ბუღალტრული აღრიცხვის პრინციპებით საწარმომ (ა) გუდვილი გამოაკლოს უშუალოდ კაპიტალს ან (ბ) საწარმოთა გაერთიანებას არ განიხილავდა, როგორც შეძენას.
 
 
 
 
ფასს 1 მდ
 
ღირებულებაზე დაფუძნებული ცვეთის ან ამორტიზაციის დარიცხვის საფუძველი საწარმოთა გაერთიანების თარიღიდან;
 
ვ)          თუ საწარმოთა წარსული გაერთიანებისას შეძენილი აქტივი ან აღებული ვალდებულება აღიარებული არ იყო ადრინდელი საყოველთაოდ მიღებული ბუღალტრული აღრიცხვის პრინციპებით, საწარმოს ფასს-ების შესაბამის საწყის ფინანსური მდგომარეობის ანგარიშგებაში ამ მუხლებს ნულის ტოლი პირობითი საწყისი ღირებულება არა აქვს. ამის ნაცვლად, მყიდველმა საწარმომ ეს აქტივი ან ვალდებულება კონსოლიდირებულ ფინანსური მდგომარეობის ანგარიშგებაში უნდა აღიაროს და შეაფასოს ისეთ საფუძველზე, რაც ფასსებს მოთხოვნილი ექნებოდა შეძენილი საწარმოს ფინანსური მდგომარეობის ანგარიშგებაში. მაგალითად: თუ მყიდველ საწარმოს, ადრინდელი საყოველთაოდ მიღებული ბუღალტრული აღრიცხვის პრინციპების შესაბამისად, საწარმოთა წარსულ გაერთიანებაში შეძენილი არ ჰქონდა კაპიტალიზებული ფინანსური იჯარა, მან ამ იჯარის კაპიტალიზაცია უნდა მოახდინოს კონსოლიდირებულ ფინანსურ ანგარიშგებაში ისე, როგორც ამის გაკეთებას შეძენილი საწარმოსაგან მოითხოვს ბასს 17 ,,იჯარა’’, ფასს-ებით მომზადებულ ფინანსური მდგომარეობის ანგარიშგებაში. ანალოგიურად, თუ მყიდველ საწარმოს ადრინდელი საყოველთაოდ მიღებული ბუღალტრული აღრიცხვის პრინციპების შესაბამისად აღიარებული არ ჰქონდა პირობითი ვალდებულება, რომელიც ისევ არსებობს ფასსებზე გადასვლის თარიღისათვის, მყიდველმა ეს პირობითი ვალდებულება უნდა აღიაროს ამ თარიღისათვის, თუ ბასს 37  `ანარიცხები, პირობითი ვალდებულებები და აქტივები~  არ კრძალავს მის აღიარებას შეძენილი საწარმოს ფინანსურ ანგარიშგებაში. ამის საპირისპიროდ, თუ აქტივი ან ვალდებულება გუდვილს მიეკუთვნებოდა ადრინდელი საყოველთაოდ მიღებული ბუღალტრული აღრიცხვის პრინციპებით, მაგრამ ცალკე იქნებოდა აღიარებული ფასს 3ის თანახმად, ეს აქტივი ან ვალდებულება გუდვილში რჩება, თუ ფასს არ მოითხოვს მის აღიარებას შეძენილი საწარმოს ფინანსურ ანგარიშგებაში;
 
 
 
 
ზ)         გუდვილის საბალანსო ღირებულება ფასს-ების შესაბამის საწყის ფინანსური მდგომარეობის ანგარიშგებაში იქნება მისი საბალანსო ღირებულება, რომელიც განსაზღვრულია ადრინდელი საყოველთაოდ მიღებული ბუღალტრული აღრიცხვის პრინციპების მიხედვით ფასსებზე გადასვლის თარიღისათვის, ქვემოთ ჩამოთვლილი ორი კორექტირების შემდეგ:
 
 
(ი)        თუ მოთხოვნილია წინა (გ)(ი) პუნქტით, საწარმომ, რომელიც პირველად იყენებს ფასსებს, მუხლების ხელახალი კლასიფიცირების დროს უნდა გაზარდოს იმ გუდვილის საბალანსო ღირებულება, რომელიც აღიარებულია არამატერიალურ აქტივად ადრინდელი საყოველთაოდ მიღებული ბუღალტრული აღრიცხვის პრინციპებით. ანალოგიურად, თუ წინა (ვ) პუნქტი საწარმოსაგან, რომელიც პირველად იყენებს ფასსებს, მოითხოვს არამატერიალური აქტივის აღიარებას, რომელიც ადრინდელი საყოველთაოდ მიღებული ბუღალტრული აღრიცხვის პრინციპებით გუდვილს იყო მიკუთვნებული, მან შესაბამისად უნდა შეამციროს გუდვილის საბალანსო ღირებულება (და შეასწოროს გადავადებული გადასახადი და არამაკონტროლებელი წილი, თუ აქვს ასეთი მუხლები);
 
 
(იი)       იმისდა მიუხედავად, არსებობს თუ არა რაიმე სიმპტომი იმისა, რომ გუდვილი შეიძლება გაუფასურებული იყოს, საწარმომ, რომელიც პირველად იყენებს ფასსებს, ფასსებზე გადასვლის თარიღისათვის უნდა გამოიყენოს ბასს 36  ,,აქტივების გაუფასურება’’  გუდვილის გაუფასურების ტესტირებისათვის და გაუფასურებით გამოწვეული ნებისმიერი ზარალის აღიარებისათვის გაუნაწილებელ მოგებაში (ან გადაფასების ნამეტში, თუ ასეა მოთხოვნილი ბასს 36ით). გაუფასურების ტესტი უნდა ემყარებოდეს ფასსებზე გადასვლის თარიღისათვის არსებულ პირობებს.
 
თ)        ფასსებზე გადასვლის თარიღისათვის არ უნდა გაკეთდეს გუდვილის საბალანსო ღირებულების სხვა შესწორებები. მაგალითად, საწარმომ, რომელიც პირველად იყენებს ფასსებს, ხელახლა არ უნდა გამოითვალოს გუდვილის საბალანსო ღირებულება, რათა:
 
 
 
 
ფასს 1 მდ
 
(ი)        გამორიცხოს საწარმოთა ამ გაერთიანებაში შეძენილი დაუმთავრებელი სამეცნიეროკვლევითი და საცდელსაკონსტრუქტორო სამუშაოები (თუ შესაბამისი არამატერიალური აქტივი არ აკმაყოფილებს ბასს 38ის კრიტერიუმებს იმისათვის, რომ აღიარდეს შეძენილი საწარმოს ფინანსური მდგომარეობის ანგარიშგებაში);
 
(იი)       შეასწოროს გუდვილის ადრინდელი ამორტიზაცია;
 
(იიი)     გააუქმოს გუდვილის ისეთი შესწორებები, რომელსაც ფასს 3 არ დაუშვებდა, მაგრამ გაკეთდა ადრინდელი საყოველთაოდ მიღებული ბუღალტრული აღრიცხვის პრინციპების თანახმად აქტივებისა და ვალდებულებების შესწორებების გამო, საწარმოთა გაერთიანებისა და ფასსებზე გადასვლის თარიღებს შორის;
 
ი)         თუ საწარმომ, რომელიც პირველად იყენებს ფასსებს, გუდვილი ადრინდელი საყოველთაოდ მიღებული ბუღალტრული აღრიცხვის პრინციპების თანახმად აღიარა, როგორც საკუთარი კაპიტალიდან გამოკლება, მან:
 
(ი)        გუდვილი არ უნდა აღიაროს ფასს-ების შესაბამის საწყის ფინანსური მდგომარეობის ანგარიშგებაში. გარდა ამისა, მან ეს გუდვილი არ უნდა გადაიტანოს მოგებაში ან ზარალში, თუ ის ყიდის შვილობილ საწარმოს, ან ინვესტიცია შვილობილ საწარმოში გაუფასურდა;
 
 
(იი)       შესწორებები, რომლებიც გამოწვეულია შესყიდვის ანაზღაურების თანხაზე გაუთვალისწინებელი გარემოების ზემოქმედების შემდგომში გადაჭრით, უნდა აღიარდეს გაუნაწილებელ მოგებაში;
 
კ)          საწარმოს, რომელიც პირველად იყენებს ფასსებს, შეიძლება ადრინდელი საყოველთაოდ მიღებული ბუღალტრული აღრიცხვის პრინციპებით კონსოლიდირებული არ ჰქონდეს საწარმოთა წარსული გაერთიანებიდან შეძენილი შვილობილი საწარმო (მაგალითად იმის გამო, რომ სათავო საწარმო არ განიხილავდა მას შვილობილ საწარმოდ ადრინდელი საყოველთაოდ მიღებული ბუღალტრული აღრიცხვის პრინციპებით, ან არ წარადგენდა კონსოლიდირებულ ფინანსურ ანგარიშგებას). საწარმომ, რომელიც პირველად იყენებს ფასსებს, შვილობილი საწარმოს აქტივებისა და ვალდებულებების საბალანსო ღირებულებები უნდა შეასწოროს და დაიყვანოს იმ ოდენობამდე, რომელსაც ფასს მოითხოვდა შვილობილი საწარმოს ფინანსური მდგომარეობის ანგარიშგებაში. გუდვილის პირობითი საწყისი ღირებულება ფასსებზე გადასვლის თარიღისათვის ტოლია შემდეგი ორი სიდიდის სხვაობისა:
 
 
 
(ი)        სათავო საწარმოს წილი ამ შესწორებულ საბალანსო ღირებულებებში; და
 
(იი)       სათავო საწარმოს ინვესტიციის ღირებულება შვილობილ საწარმოში, რომელიც ასახულია მის ინდივიდუალურ ფინანსურ ანგარიშგებაში;
 
ლ)        არამაკონტროლებელი წილისა და გადავადებული გადასახადის შეფასება მოჰყვება სხვა აქტივებისა და ვალდებულებების შეფასებას. ამის გამო, აღიარებული აქტივებისა და ვალდებულებების ზემოთ ნახსენები შესწორებები გავლენას ახდენს არამაკონტროლებელ წილსა და გადავადებულ გადასახადზე.
 
Bგ5.     საწარმოთა წარსული გაერთიანებებისათვის დაშვებული გამონაკლისი ასევე ეხება მეკავშირე საწარმოებში ინვესტიციებისა და ერთობლივ საქმიანობაში წილების წარსულ შეძენებსაც. უფრო მეტიც, (გ1) პუნქტისათვის შერჩეული თარიღი თანაბრად ეხება ყველა ასეთ შენაძენს.
 
ფასს 1 მდ
 
დანართი  დ
 
განთავისუფლება სხვა ფასსდან
 
წინამდებარე დანართი მოცემული ფასს-ის განუყოფელი ნაწილია.
 
დ1.       საწარმომ შეიძლება აირჩიოს ერთი ან მეტი შემდეგი შეღავათის გამოყენება:
 
ა)          წილობრივი გადახდის გარიგებები (პუნქტები დ2 და დ3);
 
ბ)         სადაზღვევო ხელშეკრულებები (პუნქტი დ4);
 
გ)         პირობითი საწყისი ღირებულება (პუნქტები დ5დ8ბ);
 
დ)        იჯარა (პუნქტები დ9 და დ9ა);
 
ე)          [გაუქმებულია]
 
ვ)          სხვა ვალუტაში გადაანგარიშებით წარმოშობილი დაგროვილი საკურსო სხვაობები (პუნქტები დ12 და დ13);
 
ზ)         ინვესტიციები შვილობილ, მეკავშირე და ერთობლივ საწარმოებში (პუნქტები დ14 და დ15);
 
თ)        შვილობილი საწარმოების, მეკავშირე საწარმოებისა და ერთობლივი საწარმოების აქტივები და ვალდებულებები (პუნქტები დ16 და დ17);
 
ი)         რთული ფინანსური ინსტრუმენტები (პუნქტი დ18);
 
კ)          ადრე აღიარებული ფინანსური ინსტრუმენტების კლასიფიცირება რეალური ღირებულებით აღრიცხულ კატეგორიად, მოგებაში ან ზარალში ასახვით (პუნქტი დ19 დ19დ);
 
ლ)        ფინანსური აქტივებისა და ფინანსური ვალდებულებების რეალური ღირებულებით შეფასება საწყისი აღიარების დროს (პუნქტი დ20);
 
მ)          ძირითადი საშუალების თვითღირებულებაში ასახული ექსპლუატაციიდან ამოღების ვალდებულებები (პუნქტები დ21 და დ21ა);
 
ნ)          ფასიკ 12ის  `მომსახურებაზე კონცესიური შეთანხმებები~  შესაბამისად აღრიცხული ფინანსური აქტივი ან არამატერიალური აქტივი (პუნქტი დ22);
 
ო)         სესხით სარგებლობასთან დაკავშირებული დანახარჯები (პუნქტი დ23); და
 
პ)          აქტივების გადაცემა მომხმარებლების მიერ (დ24);
 
ჟ)          ფინანსური ვალდებულებების დაფარვა წილობრივი ინსტრუმენტებით (პუნქტი დ25)
 
რ)         მძიმე ჰიპერინფალაცია (პუნქტები დ26დ30);
 
ს)          ერთობლივი საქმიანობა (პუნქტი დ31)
 
ტ)         ღია წესით დასამუშავებელი საბადოს ექსპლუატაციის ეტაპზე გაწეული საბადოს გადახსნის დანახარჯები (პუნქტი დ32); და
 
უ)         არაფინანსური მუხლის ყიდვაგაყიდვის ხელშეკრულებების კლასიფიცირება, როგორც რეალური ღირებულებით შეფასებული, მოგებაში ან ზარალში ასახვით.
 
საწარმომ ზემოაღნიშნული შეღავათები ანალოგიურად არ უნდა გამოიყენოს სხვა მუხლების მიმართაც.
 
წილობრივი გადახდის გარიგებები
 
დ2.       საწარმოს, რომელიც პირველად იყენებს ფასსებს, რეკომენდაცია ეძლევა, მაგრამ არ მოეთხოვება, ფასს 2ის  ,,წილობრივი გადახდა’’ გამოყენება წილობრივი ინსტრუმენტებისათვის, რომელიც გადასაცემად გამოყოფილი იყო 2002 წლის 7 ნოემბერს ან მანამდე. საწარმოს, რომელიც პირველად იყენებს ფასსებს, ასევე ეძლევა რეკომენდაცია, მაგრამ არ მოეთხოვება ფასს 2ის  ,,წილობრივი გადახდა~  გამოყენება იმ წილობრივი ინსტრუმენტების მიმარ
 
 
 
ფასს 1 მდ
 
თაც, რომელიც გადასაცემად გამოყოფილი იყო 2002 წლის 7 ნოემბრის შემდეგ და უფლებამოსილებაში გადავიდა (ა) ფასსებზე გადასვლის თარიღსა და (ბ) 2005 წლის 1 იანვარს შორის უფრო გვიანდელ თარიღამდე. თუმცა, თუ საწარმო, რომელიც პირველად იყენებს ფასსებს, ფასს 2ის გამოყენებას ირჩევს ამგვარი წილობრივი ინსტრუმენტებისათვის, მას ამის გაკეთება მხოლოდ მაშინ შეუძლია, თუ საჯაროდ აქვს განმარტებული ამ წილობრივი ინსტრუმენტების რეალური ღირებულება, დადგენილი შეფასების თარიღისათვის, როგორც ფასს 2ითაა განსაზღვრული. ყველა გადასაცემად გამოყოფილი წილობრივი ინსტრუმენტებისთვის, რომლისთვისაც ფასს 2 არ იქნება გამოყენებული (მაგალითად, წილობრივი ინსტრუმენტები, რომლებიც გადასაცემად გამოყოფილია 2002 წლის 7 ნოემბერს ან მანამდე), საწარმომ, რომელიც პირველად იყენებს ფასსებს, მაინც უნდა განმარტოს შენიშვნებში ფასს 2ის 44ე და 45ე პუნქტებით მოთხოვნილი ინფორმაცია. თუ საწარმო, რომელიც პირველად იყენებს ფასსებს, ცვლის იმ წილობრივი ინსტრუმენტების გამოყოფის პირობებს ან ვადებს, რომლისთვისაც ფასს 2 არ გამოიყენებოდა, მას არ მოეთხოვება ფასს 2ის 2629ე პუნქტების გამოყენება, თუ ცვლილება მოხდა ფასსებზე გადასვლის თარიღამდე.
 
 
დ3.       საწარმოს, რომელიც პირველად იყენებს ფასსებს, რეკომენდაცია ეძლევა, მაგრამ არ მოეთხოვება, ფასს 2ის გამოყენება ვალდებულებებისათვის, რომლებიც წარმოიშობა წილობრივი გადახდის გარიგებებიდან და გადახდილია ფასსებზე გადასვლის თარიღამდე. საწარმოს, რომელიც პირველად იყენებს ფასსებს ასევე რეკომენდაცია ეძლევა, მაგრამ არ მოეთხოვება ფასს 2ის გამოყენება იმ ვალდებულებებისთვისაც, რომლებიც გადახდილია 2005 წლის 1 იანვრამდე. საწარმოს, რომელიც პირველად იყენებს ფასსებს, არ მოეთხოვება შესადარისი ინფორმაციის ხელახლა ჩამოყალიბება ((გდაანგარიშება) ვალდებულებისათვის, რომლისთვისაც გამოყენებულია ფასს 2 იმ ფარგლებში, რა ფარგლებშიც ეს ინფორმაცია უკავშირდება პერიოდს ან თარიღს, რომელიც 2002 წლის 7 ნოემბერზე ადრინდელია.
 
სადაზღვევო ხელშეკრულებები
 
დ4.       საწარმომ, რომელიც პირველად იყენებს ფასსებს, შეიძლება გამოიყენოს ფასს 4ის  ,,სადაზღვევო ხელშეკრულებები’’  გარდამავალი დებულებები. ფასს 4 ზღუდავს სადაზღვევო ხელშეკრულებების სააღრიცხვო პოლიტიკაში ცვლილებებს, მათ შორის იმ საწარმოებისთვისაც, რომლებიც პირველად იყენებენ ფასსებს.
 
პირობითი საწყისი ღირებულება
 
დ5.       საწარმოს შეუძლია გადაწყვიტოს ძირითადი საშუალებების მუხლის შეფასება მისი რეალური ღირებულებით ფასსებზე გადასვლის თარიღისათვის და ეს რეალური ღირებულება გამოიყენოს როგორც მისი პირობითი საწყისი ღირებულება მოცემული თარიღისათვის.
 
დ6.       საწარმომ, რომელიც პირველად იყენებს ფასსებს, შეიძლება გადაწყვიტოს, რომ ძირითადი საშუალებების მუხლის გადაფასება ადრინდელი საყოველთაოდ მიღებული ბუღალტრული აღრიცხვის პრინციპების მიხედვით, რომელიც შესრულებულია ფასსებზე გადასვლის თარიღისათვის ან მანამდე, გამოიყენოს, როგორც პირობითი საწყისი ღირებულება გადაფასების თარიღისათვის, თუ გადაფასება გადაფასების თარიღისათვის, ძირითადად, შესადარისი იყო:
 
ა)          რეალური ღირებულების; ან
 
ბ)         ფასს-ების შესაბამისი თვითღირებულების ან ამორტიზებული ღირებულების, რომელიც კორექტირებული იყო, მაგალითად, საერთო ან კერძო ფასების ინდექსის ცვლილებების გათვალისწინებით.
 
დ7.       დ5 და დ6 პუნქტების არჩევანის უფლების გამოყენება ასევე შესაძლებელია:
 
ა)          საინვესტიციო ქონებისათვის, თუ საწარმო გადაწყვეტს ბასს 40ის  ,,საინვესტიციო ქონება’’  თვითღირებულების მოდელის გამოყენებას; და
 
ბ)         არამატერიალური აქტივებისათვის, რომლებიც აკმაყოფილებს:
 
(ი)        ბასს 38ის აღიარების კრიტერიუმს (მათ შორის, საწყისი ღირებულების საიმედოდ შეფასებას); და
 
(იი)       ბასს 38ის გადაფასების კრიტერიუმს (მათ შორის აქტიური ბაზრის არსებობას).
 
 
 
ფასს 1 მდ
 
საწარმომ ეს უფლება და გადაწყვეტილებები არ უნდა გამოიყენოს სხვა აქტივებისა და ვალდებულებებისათვის.
 
დ8.       საწარმოს, რომელიც პირველად იყენებს ფასსებს, პირობითი საწყისი ღირებულება შეიძლება დადგენილი ჰქონდეს ადრინდელი საყოველთაოდ მიღებული ბუღალტრული აღრიცხვის პრინციპებით ზოგიერთი ან ყველა აქტივისა და ვალდებულებისათვის, კერძოდ, მათი შეფასების საფუძველზე რეალური ღირებულებით გარკვეული თარიღისთვის ისეთი მოვლენის გამო, როგორიცაა პრივატიზაცია, ან პირველი საჯარო შეთავაზება.
 
ა)          თუ შეფასების თარიღი არის ფასსებზე გადასვლის თარიღი, ან უფრო ადრინდელი თარიღი, საწარმოს უფლება აქვს ამგვარი მოვლენებით განპირობებული რეალური ღირებულების შეფასება გამოიყენოს როგორც პირობითი საწყისი ღირებულება ფასს-ების მიზნებისთვის, შეფასების თარიღისათვის;
 
 
ბ)         თუ შეფასების თარიღი ფასსებზე გადასვლის თარიღის შემდგომი თარიღია, მაგრამ იმ საანგარიშგებო პერიოდის, რომელსაც მოიცავს საწარმოს ფასს-ების შესაბამისი პირველი ფინანსური ანგარიშგება, გარკვეული მოვლენებით გამოწვეული რეალური ღირებულების შეფასების გამოყენება პირობით საწყის ღირებულებად შესაძლებელია მაშინ, როდესაც ეს მოვლენები მოხდება. საწარმომ შესაბამისი კორექტირების თანხები უნდა აღიაროს პირდაპირ გაუნაწილებელ მოგებაში (ან, აუცილებლობის შემთხვევაში, საკუთარი კაპიტალის რომელიმე სხვა კატეგორიაში) შეფასების თარიღისათვის. ფასსებზე გადასვლის თარიღისათვის საწარმომ პირობითი საწყისი ღირებულება უნდა განსაზღვროს ან დ5დ7 პუნქტებში ჩამოყალიბებული კრიტერიუმების შესაბამისად, ან აქტივები და ვალდებულებები შეაფასოს წინამდებარე ფასს-ის სხვა მოთხოვნების შესაბამისად.
 
 
დ8ა.     ზოგიერთი ქვეყნის ბუღალტრული აღრიცხვის ეროვნული მოთხოვნებით ნავთობისა და გაზის ქონების ძიებისა და შეფასების დანახარჯები საცდელსაკონსტრუქტორო ან წარმოების ეტაპებზე აისახება იმ დანახარჯთა ცენტრებში, რომლებიც მოიცავს ამა თუ იმ დიდ გეოგრაფიულ რეგიონში განთავსებულ ყველა ქონებას. საწარმომ, რომელიც აღრიცხვის ამგვარ წესს იყენებდა ადრინდელი საყოველთაოდ მიღებული ბუღალტრული აღრიცხვისGპრინციპების მიხედვით, შეუძლია ფასსებზე გადასვლის თარიღისათვის ნავთობისა და გაზის აქტივების შესაფასებლად აირჩიოს შემდეგი საფუძველი:
 
 
ა)          ძიებისა და შეფასების აქტივები  ადრინდელი საყოველთაოდ მიღებული ბუღალტრული აღრიცხვისGპრინციპების შესაბამისად განსაზღვრული თანხა; და
 
ბ)         საცდელსაკონსტრუქტორო ან წარმოების ეტაპებზე მყოფი აქტივებისთვის თანხა, რომელიც განსაზღვრულია დანახარჯთა ცენტრისთვის, ადრინდელი საყოველთაოდ მიღებული ბუღალტრული აღრიცხვისGპრინციპების შესაბამისად. საწარმომ ეს თანხა შესაბამისი აქტივების დანახარჯთა ცენტრს უნდა მიაკუთვნოს ამ თარიღისთვის გამოყენებული მარაგის მოცულობის ან მარაგის ღირებულების პროპორციულად.
 
საწარმომ ფასსებზე გადასვლის თარიღისთვის უნდა ჩაატაროს გაუფასურების ტესტი: ძიებისა და შეფასების აქტივებისთვის ფასს 6ის  `მინერალური რესურსების მარაგის ძიება და შეფასება~ შესაბამისად, ხოლო საცდელსაკონსტრუქტორო და წარმოების ეტაპებზე მყოფი აქტივებისთვის  ბასს 36ის შესაბამისად და, თუ აუცილებელია, შეამციროს მოცემული პუნქტის (ა) ან (ბ) ქვეპუნქტების მიხედვით განსაზღვრული თანხა. წინამდებარე პუნქტის მიზნებისთვის ნავთობისა და გაზის აქტივები მოიცავს მხოლოდ იმ აქტივებს, რომლებიც გამოიყენება ნავთობისა და გაზის ძიების, შეფასების, საცდელსაკონსტრუქტორო სამუშაოების ან წარმოებისთვის.
 
 
დ8ბ.     ზოგიერთ საწარმოს გააჩნია ისეთი ძირითადი საშუალებები, ან არამატერიალური აქტივები, რომლებიც გამოიყენება, ან ადრე გამოიყენებოდა ოპერაციებში, რომლებიც სატარიფო რეგულირებას ექვემდებარება. ამგვარი მუხლების საბალანსო ღირებულება შეიძლება მოიცავდეს ისეთ თანხებს, რომლებიც განსაზღვრული იყო ადრინდელი საყოველთაოდ მიღებული ბუღალტრული აღრიცხვის პრინციპებით, მაგრამ არ აკმაყოფილებს კაპიტალიზაციის კრიტერიუმებს ფასს-ების შესაბამისად. ასეთ შემთხვევაში, საწარმოს, რომელიც პირველად იყენებს ფასსებს, ამგვარი მუხლისთვის შეუძლია ფასსებზე გადასვლის
 
 
 
ფასს 1 მდ
 
თარიღისთვის არსებული, ადრინდელი საყოველთაოდ მიღებული ბუღალტრული აღრიცხვის პრინციპების შესაბამისი საბალანსო ღირებულება მიიჩნიოს პირობით საწყის ღირებულებად. თუ საწარმო რომელიმე მუხლისთვის გამოიყენებს ამ გამონაკლის მიდგომას, აუცილებელი არ არის, იგივე მიდგომა გამოიყენოს ყველა მუხლისთვის. ფასსებზე გადასვლის თარიღისთვის, საწარმომ გაუფასურებაზე უნდა შეამოწმოს ყველა მუხლი, რომლისთვისაც გამოიყენა ზემოაღნიშნული გამონაკლისი მიდგომა. წინამდებარე პუნქტის მიზნებისთვის, მაშინ მიიჩნევა, რომ ოპერაციები ექვემდებარება სატარიფო რეგულირებას, როდესაც ისინი მომხმარებლებს საქონელს, ან მომსახურებას აწვდიან ისეთი ფასებით (ე.ი. ტარიფებით), რომლებიც დადგენილია ტარიფების დადგენის უფლებამოსილების მქონე სათანადო ორგანოს მიერ, მათი გამოყენება სავალდებულოა მომხმარებლებისთვის და გამიზნულია გარკვეული დანახარჯების ასანაზღაურებლად, რომელიც საწარმომ გასწია რეგულირებადი საქონლის, ან მომსახურების მიწოდებისთვის, ასევე ნომინალური შემოსავლის მისაღებად. ნომინალური შემოსავალი შეიძლება განსაზღვრული იყოს, როგორც შემოსავლის მინიმალური დონე, ან გარკვეული დიაპაზონი და აუცილებელი არ არის, რომ ფიქსირებული, ან გარანტირებული შემოსავალი იყოს.
 
იჯარა
 
დ9.       საწარმოს, რომელიც პირველად იყენებს ფასსებს, უფლება აქვს გამოიყენოს ფასიკ 4ის  `როგორ განვსაზღვროთ, შეიცავს თუ არა შეთანხმება იჯარას~  გარდამავალი დებულებები. ამგვარად, ფასსებზე გადასვლის თარიღისათვის არსებული შეთანხმება შეიცავს თუ არა იჯარას, მას შეუძლია განსაზღვროს ამ თარიღისათვის არსებულ ფაქტებსა და გარემოებებზე დაყრდნობით.
 
 
დ9ა.     თუ საწარმოს, რომელიც პირველად იყენებს ფასსებს, ადრინდელი საყოველთაოდ მიღებული ბუღალტრული აღრიცხვისGპრინციპების შესაბამისად ისეთივე გადაწყვეტილება ჰქონდა მიღებული შეთანხმების კლასიფიკაციის თაობაზე, შეიცავს თუ არა ის იჯარას, როგორც მოითხოვება ფასიკ 4ით, მას არ დასჭირდება შეთანხმების ხელახლა შეფასება ფასსებზე გადასვლისას. ამ საწარმოსთვის, ზემოაღნიშნულ გადაწყვეტილებას იგივე შედეგი ექნება, რასაც მიიღებდა ბასს 17ის  `იჯარა~ და ფასიკ 4ის გამოყენებით.
 
დ10     [გაუქმებულია]
 
დ11.
 
სხვა ვალუტაში გადაანგარიშებით წარმოშობილი დაგროვილი საკურსო სხვაობები
 
დ12.     ბასს 21 საწარმოსაგან მოითხოვს:
 
ა)          სხვა ვალუტაში გადაანგარიშებით წარმოშობილი საკურსო სხვაობების აღიარებას სხვა სრულ შემოსავალში და მის დაგროვებას საკუთარი კაპიტალის ცალკე კომპონენტის სახით; და
 
ბ)         უცხოური ქვეგანაყოფის გაყიდვისას, ამ უცხოურ ქვეგანაყოფში დაგროვილი საკურსო სხვაობების (მათ შორის, თუ არსებობს, ჰეჯირებასთან დაკავშირებული შემოსულობისა და ზარალის) გადატანას საკუთარი კაპიტალიდან მოგებაში ან ზარალში, გაყიდვასთან დაკავშირებული შემოსულობის ან ზარალის ნაწილის სახით.
 
დ13.     თუმცა, საწარმოს, რომელიც პირველად იყენებს ფასსებს, არ ევალება ამ მოთხოვნების დაცვა სხვა ვალუტაში გადაანგარიშებით წარმოშობილი დაგროვილი საკურსო სხვაობების მიმართ, რომელიც არსებობდა ფასსებზე გადასვლის თარიღისათვის. თუ საწარმო, რომელიც პირველად იყენებს ფასსებს, გამოიყენებს ამ შეღავათს, მაშინ:
 
ა)          ყველა უცხოური ქვედანაყოფისათვის, სხვა ვალუტაში გადაანგარიშებით წარმოშობილი საკურსო სხვაობები მიიჩნევა ნულის ტოლად ფასსებზე გადასვლის თარიღისათვის; და
 
ბ)         შემდგომში, ნებისმიერი უცხოური ქვედანაყოფის გაყიდვიდან წარმოშობილი შემოსულობა ან ზარალი უნდა გამორიცხავდეს ფასსებზე გადასვლის თარიღამდე წარმოშობილ საკურსო სხვაობებს და მოიცავდეს შემდგომ პერიოდში შესრულებული გადაანგარიშებით წარმოშობილ საკურსო სხვაობებს.
 
 
 
ფასს 1 მდ
 
 
 
ინვესტიციები შვილობილ, ერთობლივად კონტროლირებად და მეკავშირე საწარმოებში
 
დ14.     როდესაც საწარმო ინდივიდუალურ ფინანსურ ანგარიშგებას ამზადებს, ბასს 27 მოითხოვს, რომ მისი ინვესტიციები შვილობილ, ერთობლივ და მეკავშირე საწარმოებში აღირიცხოს ან:
 
ა)          თვითღირებულებით; ან
 
ბ)         ფასს 9ის შესაბამისად.
 
დ15.     თუ საწარმო, რომელიც პირველად იყენებს ფასსებს, ამგვარ ინვესტიციებს თვითღირებულებით აფასებს ბასს 27ის მიხედვით, მან ეს ინვესტიცია ფასს-ების შესაბამის საწყის ინდივიდუალურ ფინანსური მდგომარეობის ანგარიშგებაში უნდა შეაფასოს ქვემოთ ჩამოთვლილიდან ერთერთი სიდიდით:
 
ა)          თვითღირებულებით, რომელიც განსაზღვრულია ბასს 27ის შესაბამისად; ან
 
ბ)         პირობითი საწყისი ღირებულებით. ამგვარი ინვესტიციის პირობითი საწყისი ღირებულება იქნება:
 
(ი)        ფასსებზე გადასვლის თარიღისათვის განსაზღვრული რეალური ღირებულება  ინდივიდუალურ ფინანსურ ანგარიშგებაში; ან
 
(იი)       ადრინდელი საყოველთაოდ მიღებული ბუღალტრული აღრიცხვისGპრინციპების შესაბამისი საბალანსო ღირებულება ამ თარიღისათვის.
 
საწარმოს, რომელიც პირველად იყენებს ფასსებს, უფლება აქვს აირჩიოს (ი) ან (იი) მიდგომა შვილობილ, ერთობლივ ან მეკავშირე საწარმოებში ფლობილი ინვესტიციების შესაფასებლად, თუკი შეფასებისთვის გადაწყვეტს პირობითი საწყისი ღირებულების გამოყენებას.
 
შვილობილი, მეკავშირე და ერთობლივი საწარმოების აქტივები და ვალდებულებები
 
დ16.     თუ შვილობილი საწარმო სათავო საწარმოზე გვიან გადადის ფასს-ების პირველად გამოყენებაზე, მან თავის ფინანსურ ანგარიშგებაში აქტივები და ვალდებულებები უნდა შეაფასოს ან:
 
ა)          საბალანსო ღირებულებებით, რომელიც აისახებოდა სათავო საწარმოს კონსოლიდირებულ ფინანსურ ანგარიშგებაში  სათავო საწარმოს ფასსებზე გადასვლის თარიღის საფუძველზე, თუ არ გაკეთებულა კონსოლიდაციის პროცედურებისა და იმ საწარმოთა გაერთიანებით გამოწვეული შედეგების კორექტირებები, რომელშიც სათავო საწარმომ მოცემული შვილობილი საწარმო შეიძინა (ამგვარი არჩევანის უფლება არა აქვს საინვესტიციო საწარმოს (ფასს 10ში მოცემული განმარტების შესაბამისად) შვილობილ საწარმოს, რომლის შეფასებაც მოითხოვება რეალური ღირებულებით, მოგებაში ან ზარალში ასახვით); ან
 
 
ბ)         წინამდებარე ფასს-ის დანარჩენი ნაწილით მოთხოვნილი საბალანსო ღირებულებებით, შვილობილი საწარმოს ფასსებზე გადასვლის თარიღით. ეს საბალანსო ღირებულებები შესაძლოა განსხვავდებოდეს (ა) პუნქტში აღწერილისაგან:
 
(ი)        როდესაც მოცემული ფასს-ის შეღავათები ისეთ შეფასებებს იწვევს, რომელიც დამოკიდებულია ფასსებზე გადასვლის თარიღზე;
 
(იი)       როდესაც შვილობილი საწარმოს ფინანსურ ანგარიშგებაში გამოყენებული სააღრიცხვო პოლიტიკა განსხვავდება კონსოლიდირებულ ფინანსურ ანგარიშგებაში გამოყენებულისაგან. მაგალითად, შვილობილი საწარმო შეიძლება იყენებდეს ბასს 16ის  ,,ძირითადი საშუალებები’’ – თვითღირებულების მოდელს, როგორც სააღრიცხვო პოლიტიკას, ხოლო ჯგუფი  გადაფასების მოდელს.
 
მსგავსი არჩევანის გამოყენება შესაძლებელია იმ მეკავშირე საწარმოსთან ან ერთობლივ საწარმოსთან მიმართებითაც, რომელიც უფრო გვიან გადადის ფასს-ების პირველად გამოყე
 
 
 
ფასს 1 მდ
 
ნებაზე, ვიდრე საწარმო, რომელსაც მნიშვნელოვანი ზეგავლენა ან ერთობლივი კონტროლი გააჩნია მასზე.
 
დ17.     თუმცა, როდესაც საწარმო თავის შვილობილ საწარმოზე (ან მეკავშირე, ან ერთობლივ საწარმოზე) უფრო გვიან იწყებს ფასს-ების პირველად გამოყენებას, მან კონსოლიდირებულ ფინანსურ ანგარიშგებაში შვილობილი საწარმოს (ან მეკავშირე, ან ერთობლივი საწარმოს) აქტივები და ვალდებულებები იმავე საბალანსო ღირებულებებით უნდა შეაფასოს, როგორც შეფასებულია შვილობილი საწარმოს (ან მეკავშირე, ან ერთობლივი საწარმოს) ფინანსურ ანგარიშგებაში, კონსოლიდაციასაNდა საკუთარი კაპიტალის აღრიცხვასთან დაკავშირებული კორექტირებების შემდეგ, ასევე იმ საწარმოთა გაერთიანებით გამოწვეული შედეგების გათვალისწინების შემდეგ, რომელშიც საწარმომ შეიძინა მოცემული შვილობილი საწარმო. ამ მოთხოვნის მიუხედავად, არასაინვესტიციო სათავო საწარმომ არ უნდა გამოიყენოს კონსოლიდიაციიდან განთავისუფლების უფლება, რომელსაც იყენებენ საინვესტიციო შვილობილი საწარმოები. ანალოგიურად, თუ სათავო საწარმო ფასს-ების პირველად გამოყენებას უფრო ადრე ან გვიან იწყებს ინდივიდუალურ ფინანსურ ანგარიშგებაში, ვიდრე კონსოლიდირებულ ფინანსურ ანგარიშგებაში, მან თავისი აქტივები და ვალდებულებები ორივე ფინანსურ ანგარიშგებაში ერთი და იმავე თანხებით უნდა შეაფასოს, გარდა კონსოლიდაციის კორექტირებებისა.
 
 
 
რთული ფინანსური ინსტრუმენტები
 
დ18.     ბასს 32  ,,ფინანსური ინსტრუმენტები: წარდგენა’’  საწარმოსაგან მოითხოვს დასაწყისში რთული ფინანსური ინსტრუმენტების დაყოფას ვალდებულების და წილობრივ კომპონენტებად. თუ ვალდებულების კომპონენტი აღარ არის გადავადებული, მაშინ ბასს 32ის რეტროსპექტული გამოყენება ითვალისწინებს საკუთარი კაპიტალის ორი ნაწილის განცალკევებას. პირველი ნაწილი გაუნაწილებელ მოგებაშია და წარმოადგენს ვალდებულების კომპონენტთან შეზრდილ დაგროვილ პროცენტს. მეორე ნაწილი კი  კაპიტალის თავდაპირველ კომპონენტს. თუმცა, ფასს-ების თანახმად, საწარმო, რომელიც პირველად იყენებს ფასსებს, არ საჭიროებს მოცემული ორი ნაწილის განცალკევებას, თუ ვალდებულების კომპონენტი აღარ არის გადავადებული ფასსებზე გადასვლის თარიღისათვის.
 
ადრე აღიარებული ფინანსური ინსტრუმენტების კლასიფიცირება
 
დ19.     ფასს 9 უფლებას იძლევა, რომ ფინანსური ვალდებულება (თუ ის დადგენილ კრიტერიუმებს აკმაყოფილებს) მიეკუთვნოს რეალური ღირებულებით აღრიცხული ფინანსური ვალდებულების კატეგორიას, მოგებაში ან ზარალში ასახვით. ამ მოთხოვნის მიუხედავად, საწარმოს ფასსებზე გადასვლის თარიღისათვის უფლება ეძლევა, ნებისმიერ ფინანსურ ვალდებულებას მიანიჭოს კატეგორია `რეალური ღირებულებით აღრიცხული ფინანსური ვალდებულება, მოგებაში ან ზარალში ასახვით~, თუ ეს ვალდებულება ამ თარიღისათვის აკმაყოფილებს ფასს 9ის 9 4.2.2 პუნქტების მოთხოვნებს.
 
 
დ19ა.   საწარმოს უფლება აქვს, ფასს 9ის 4.1.5 პუნქტის შესაბამისად, ფინანსურ აქტივს მიანიჭოს კატეგორია  `რეალური ღირებულებით აღრიცხული ფინანსური აქტივი, მოგებაში ან ზარალში ასახვით~  იმ ფაქტებსა და გარემოებებზე დაყრდნობით, რომლებიც არსებობს ფასსებზე გადასვლის თარიღისათვის.
 
დ19ბ.   საწარმოს უფლება აქვს ფასს 9ის 5.7.5 პუნქტის შესაბამისად, წილობრივ ინსტრუმენტში ჩადებულ ინვესტიციას მიანიჭოს კატეგორია `რეალური ღირებულებით აღრიცხული, სხვა სრულ შემოსავალში ასახვით~  იმ ფაქტებსა და გარემოებებზე დაყრდნობით, რომლებიც არსებობს ფასსებზე გადასვლის თარიღისათვის.
 
დ19გ.   თუ საწარმოსთვის შეუძლებელია (როგორც ეს განმარტებულია ბასს 8ში), რეტროსპექტულად გამოიყენოს საპროცენტო განაკვეთის მეთოდი, ან ბასს 39ის 5865ე და მგ84მგ93 პუნქტებით განსაზღვრული გაუფასურების მოთხოვნები, მაშინ მისთვის ფასსებზე გადასვლის თარიღისათვის განსაზღვრული ფინანსური აქტივის რეალური ღირებულება უნდა იყოს ფინანსური აქტივის ახალი ამორტიზებული ღირებულება ფასსებზე გადასვლის თარიღისათვის.
 
 
 
 
 
 
ფასს 1 მდ
 
დ19დ.  იმ ფაქტებსა და გარემოებებზე დაყრდნობით, რომლებიც არსებობს ფასსებზე გადასვლის თარიღისათვის, საწარმომ უნდა დაადგინოს, ფასს 9ის 5.7.7 პუნქტით განსაზღვრული მიდგომა ხომ არ წარმოქმნის სააღრიცხვო შეუსაბამობას მოგებაში, ან ზარალში.
 
ფინანსური აქტივების ან ფინანსური ვალდებულებების რეალური ღირებულებით შეფასება
 
დ20.     მე7 და მე9 პუნქტების მოთხოვნების მიუხედავად, საწარმოს შეუძლია გამოიყენოს ფასს 9ის ბ5.1.2 ა(ბ) ქვეპუნქტის მოთხოვნები პერსპექტიულად იმ გარიგებების მიმართ, რომლებიც დადებულია ფასსებზე გადასვლის თარიღისთვის, ან მის შემდეგ.
 
ძირითადი საშუალებების თვითღირებულებაში ჩართული ექსპლუატაციიდან ამოღების ვალდებულებები
 
დ21.     ფასიკ1  `ცვლილებები ძირითადი საშუალებების ექსპლუატაციიდან ამოღების, ადგილმდებარეობის აღდგენისა და მსგავს ვალდებულებებში~  მოითხოვს, რომ ექსპლუატაციიდან ამოღების, ადგილმდებარეობის აღდგენისა და მსგავს ვალდებულებაში მომხდარი გარკვეული ცვლილებები დაემატოს ან გამოაკლდეს შესაბამისი აქტივის თვითღირებულებას. ამის შედეგად მიღებულ აქტივის ცვეთად ღირებულებას ცვეთა ერიცხება მისი დარჩენილი სასარგებლო მომსახურების ვადის განმავლობაში. საწარმოს, რომელიც პირველედ იყენებს ფასსებს, არ მოეთხოვება ზემოაღნიშნული მოთხოვნების დაცვა ამგვარ ვალდებულებებში მომხდარი ისეთი ცვლილებებისთვის, რომელსაც ადგილი ჰქონდა ფასსებზე გადასვლის თარიღამდე. თუ ზემოაღნიშნულ გამონაკლის მიდგომას იყენებს საწარმო, რომელიც პირველად იწყებს ფასს-ების გამოყენებას, მან:
 
 
ა)          ფასსებზე გადასვლის თარიღისათვის ვალდებულება უნდა შეაფასოს ბასს 37ის შესაბამისად;
 
ბ)         იმ ოდენობით, რა სიდიდითაც ეს ვალდებულება თავსდება ფასიკ 1ის მოქმედების სფეროში, უნდა გამოითვალოს თანხა, რომელიც აისახებოდა მასთან დაკავშირებული აქტივის თვითღირებულებაში ვალდებულების წარმოშობის დროს. ამისათვის, უნდა განახორციელოს ვალდებულების დისკონტირება ამ თარიღამდე, წარსული პერიოდების რისკით კორექტირებული დისკონტირების განაკვეთის (განაკვეთების) საკუთარი საუკეთესო შეფასების საფუძველზე, რასაც გამოიყენებდა ამ ვალდებულების მიმართ ამ პერიოდში; და
 
გ)         ამ თანხის მიხედვით უნდა გამოითვალოს დაგროვილი ცვეთა ფასსებზე გადასვლის თარიღისათვის, ამ აქტივის სასარგებლო მომსახურების ვადის მიმდინარე შეფასების საფუძველზე, ფასს-ების შესაბამისად საწარმოს მიერ დადგენილი ცვეთის დარიცხვის პოლიტიკის შესაბამისად.
 
 
დ21ა.   საწარმომ, რომელიც დ8ა(ბ) პუნქტით გათვალისწინებულ განთავისუფლებას იყენებს (საცდელსაკონსტრუქტორო ან წარმოების ეტაპებზე მყოფი ნავთობისა და გაზის აქტივებისთვის, რომლებიც ადრინდელი საყოველთაოდ მიღებული ბუღალტრული აღრიცხვისGპრინციპების მიხედვით აისახება იმ დანახარჯთა ცენტრებში, რომლებიც მოიცავს ამა თუ იმ დიდ გეოგრაფიულ რეგიონში განთავსებულ ყველა ქონებას), არ უნდა გამოიყენოს დ21 ან ფასიკ
 
1ის მოთხოვნები და ამის ნაცვლად:
 
ა)          ექსპლუატაციიდან ამოღების, ადგილმდებარეობის აღდგენისა და მსგავსი ვალდებულებები ფასსებზე გადასვლის თარიღისათვის უნდა შეაფასოს ბასს 37ის შესაბამისად; და
 
ბ)         პირდაპირ გაუნაწილებელ მოგებაში აღიაროს განსხვავება ამ თანხასა და ზემოაღნიშნული ვალდებულებების საბალანსო ღირებულებას შორის, რომელიც მას ექნება ფასსებზე გადასვლის თარიღისათვის ადრინდელი საყოველთაოდ მიღებული ბუღალტრული აღრიცხვისGპრინციპების მიხედვით.
 

ფასს 1 მდ
 
ფასიკ 12ის შესაბამისად ასახული ფინანსური აქტივები ან არამატერიალური აქტივები
 
დ22.     საწარმოს, რომელიც პირველად იყენებს ფასსებს, უფლება აქვს გამოიყენოს ფასიკ 12ის
 
გარდამავალი დებულებები.
 
სესხით სარგებლობასთან დაკავშირებული დანახარჯები
 
დ23.     საწარმოს, რომელიც პირველად იყენებს ფასსებს, უფლება აქვს გადაწყვიტოს, ბასს 23ის მოთხოვნებს ფასსებზე გადასვლის თარიღიდან გამოიყენებს, თუ უფრო ადრინდელი თარიღიდან, როგორც ამას ითვალისწინებს ბასს 23ის 28ე პუნქტი. საწარმომ, რომელიც გამოიყენებს ამ განთავისუფლების უფლებას, იმ თარიღიდან, როდესაც პირველად გამოიყენებს ბასს 23ს:
 
 
ა)          არ უნდა მოახდინოს სესხით სარგებლობასთან დაკავშირებული დანახარჯების იმ კომპონენტის გადაანგარიშება, რომელიც კაპიტალიზებული იყო ადრინდელი საყოველთაოდ მიღებული ბუღალტრული აღრიცხვის პრინციპების შესაბამისად და ამ თარიღისთვის ასახული იყო აქტივების საბალანსო ღირებულებაში; და
 
ბ)         ამ თარიღისთვის, ან მის შემდეგ წარმოქმნილი სესხით სარგებლობის დანახარჯები უნდა ასახოს ბასს 23ის შესაბამისად, მათ შორის ის დანახარჯები, რომლებიც წარმოიქმნა ამ თარიღისთვის, ან მის შემდეგ უკვე მშენებლობის პროცესში მყოფ განსაკუთრებულ აქტივებთან დაკავშირებით.
 
აქტივების გადაცემა მომხმარებლებისაგან
 
დ24.     საწარმოს, რომელიც პირველად იყენებს ფასსებს, უფლება აქვს გამოიყენოს ფასიკ 18ის `აქტივების გადაცემა მომხმარებლების მიერ~  22ე პუნქტით განსაზღვრული გარდამავალი დებულებები. ამ პუნქტთან დაკავშირებით ძალაში შესვლის თარიღად საწარმომ უნდა მიიჩნიოს 2009 წლის 1 ივლისსა და ფასსებზე გადასვლის თარიღს შორის Dშემდგომი. გარდა ამისა, საწარმოს, რომელიც პირველად იყენებს ფასსებს, შეუძლია ფასსებზე გადასვლის თარიღამდე შეარჩიოს ნებისმიერი თარიღი და გამოიყენოს, ფასიკ 18 ამ თარიღისთვის ან მის შემდეგ მომხმარებლებისგან მიღებული ყველა გადაცემული აქტივისთვის.
 
ფინანსური ვალდებულებების დაფარვა წილობრივი ინსტრუმენტებით
 
დ25.     საწარმოს, რომელიც პირველად იყენებს ფასსებს, შეუძლია ფასიკ 19ის  `ფინანსური ვალდებულებების დაფარვა წილობრივი ინსტრუმენტებით~  გარდამავალი დებულებების გამოყენება.
 
მძიმე ჰიპერინფლაცია
 
დ26.     თუ საწარმოს სამუშაო ვალუტა იყო, ან არის ჰიპერინფლაციური ეკონომიკის ვალუტა, მან უნდა დაადგინოს, ექვემდებარებოდა თუ არა ეს ვალუტა მძიმე ჰიპერინფლაციას ფასსებზე გადასვლის თარიღამდე. ეს პუნქტი ეხება საწარმოებს, რომლებიც პირველად იყენებენ ფასსებს, ასევე იმ საწარმოებსაც, რომლებიც ადრეც იყენებდნენ ფასსებს.
 
დ27.     ჰიპერინფლაციური ეკონომიკის ვალუტა მძიმე ჰიპერინფლაციას ექვემდებარება, თუ მას გააჩნია ორივე შემდეგი მახასიათებელი:
 
ა)          არ არსებობს საიმედო საერთო ფასების ინდექსი ყველა საწარმოსთვის, რომელთა ოპერაციები და ნაშთები გამოსახულია ამ ვალუტაში;
 
ბ)         არ არსებობს ამ ვალუტასა და შედარებით მყარ უცხოურ ვალუტას შორის ურთიერთგაცვლის საშუალება.
 
დ28.     სამუშაო ვალუტის ნორმალიზაციის თარიღიდან საწარმოს სამუშაო ვალუტა აღარ ექვემდებარება მძიმე ჰიპერინფლაციას. ეს უკანასკნელი არის თარიღი, როდესაც სამუშაო ვალუტას უკვე აღარ გააჩნია დ27 პუნქტში მითითებული რომელიმე, ან ორივე მახასიათებელი, ან, როდესაც საწარმო სამუშაო ვალუტას ცვლის ისეთი ვალუტით, რომელიც არ ექვემდებარება მძიმე ჰიპერინფლაციას.
 
 
 
 
 
ფასს 1 მდ
 
დ29.     როდესაც საწარმოს ფასსებზე გადასვლის თარიღი არის მისი სამუშაო ვალუტის ნორმალიზაციის თარიღი, ან შემდგომი თარიღი, საწარმოს უფლება აქვს, სამუშაო ვალუტის ნორმალიზაციის თარიღამდე ფლობილი ყველა აქტივი და ვალდებულება შეაფასოს ფასსებზე გადასვლის თარიღისთვის განსაზღვრული რეალური ღირებულებით. საწარმოს უფლება აქვს ეს რეალური ღირებულება მიიჩნიოს ამ აქტივებისა და ვალდებულებების პირობით საწყის ღირებულებად ფასს-ების შესაბამის საწყის ფინანსური მდგომარეობის ანგარიშგებისთვის.
 
დ30.     როდესაც საწარმოს სამუშაო ვალუტის ნორმალიზაციის თარიღი თავსდება 12თვიან შესადარის პერიოდში, შესადარისი პერიოდი შეიძლება 12 თვეზე ნაკლები იყოს, იმ პირობით თუ ფინანსური ანგარიშგების სრული პაკეტის (როგორც მოითხოვება ბასს 1ის მე10 პუნქტით) წარდგენა ხდება ამ მოკლე პერიოდისთვის.
 
ერთობლივი საქმიანობა
 
დ31.     საწარმოს, რომელიც პირველად იყენებს ფასსებს, უფლება აქვს გამოიყენოს ფასს 11ით გათვალისწინებული გარდამავალი დებულებები, შემდეგი გამონაკლისების გათვალისწინებით:
 
ა)          საწარმომ, რომელიც პირველად იყენებს ფასსებს, ფასს 11ის გარდამავალი დებულებები უნდა გამოიყენოს ფასსებზე გადასვლის თარიღისთვის;
 
ბ)         პროპორციული კონსოლიდაციის მეთოდიდან კაპიტალმეთოდზე გადასვლისას, საწარმომ, რომელიც პირველად იყენებს ფასსებს, ეს ინვესტიცია გაუფასურებაზე უნდა შეამოწმოს ბასს 36ის შესაბამისად, ფასსებზე გადასვლის თარიღისთვის, იმის მიუხედავად, არსებობს თუ არა ნიშანი იმისა, რომ მოცემული ინვესტიცია შეიძლება გაუფასურებული იყოს. გაუფასურება უნდა აღიარდეს როგორც გაუნაწილებელი მოგების კორექტირება ფასსებზე გადასვლის თარიღისათვის.
 
 
ღია წესით დასამუშავებელი საბადოს ექსპლუატაციის ეტაპზე გაწეული საბადოს გადახსნის დანახარჯები
 
დ32.     საწარმოს, რომელიც პირველად იყენებს ფასსებს, უფლება აქვს გამოიყენოს ფასიკ 20ის  `ღია წესით დასამუშავებელი საბადოს ექსპლუატაციის ეტაპზე გაწეული საბადოს გადახსნის დანახარჯები~  დ1 და დ4 პუნქტებში ჩამოყალიბებული გარდამავალი დებულებები. ამ ფასიკის პუნქტში მითითებულ ძალაში შესვლის თარიღში საწარმომ უნდა იგულისხმოს 2013 წლის 1 იანვარი, ან ფასს-ების შესაბამისი პირველი საანგარიშგებო პერიოდი, იმის მიხედვით, რომელი იქნება უფრო მოგვიანო თარიღი.
 
 
არაფინანსური მუხლის ყიდვაგაყიდვის ხელშეკრულებების კლასიფიცირება რეალური ღირებულებით შეფასებისთვის, მოგებაში ან ზარალში ასახვით
 
დ33.     ბასს 39 საწარმოს უფლებას აძლევს, რომ არაფინანსური მუხლის ყიდვაგაყიდვის ზოგიერთი ხელშეკრულებას თავდაპირველად მიანიჭოს კლასიფიკაცია რეალური ღირებულებით შეფასებული, მოგებაში ან ზარალში ასახვით (იხ. ბასს 39ის 5ა პუნქტი). ამ მოთხოვნის მიუხედავად, საწარმოს მხოლოდ იმ შემთხვევაში აქვს უფლება ფასსებზე გადასვლის თარიღისათვის ამგვარი კლასიფიცირება მიანიჭოს ამ მომენტისთვის უკვე არსებულ ხელშეკრულებებს, თუ ისინი აკმაყოფილებს ბასს 39ის 5ა პუნქტის მოთხოვნებს ამ თარიღისთვის.
 
 
 
 
ფასს 1 მდ
 
 
დანართი ე
 
ფასსიდან მოკლე ვადით განთავისუფლება
 
წინამდებარე დანართი ფასს-ის განუყოფელი ნაწილია.
 
ფასს 9ის მიზნებისთვის შესადარისი ინფორმაციის გადაანგარიშების მოთხოვნისგან განთავისუფლება
 
ე1.        ფასს-ების შესაბამის პირველ ფინანსურ ანგარიშგებაში საწარმომ, რომელიც (ა) ფასს-ების გამოყენებაზე გადადის 2012 წლის 1 იანვრამდე და (ბ) ფასს 9ს იყენებს, უნდა წარმოადგინოს სულ მცირე ერთი საანგარიშგებო წლის შესადარისი ინფორმაცია მაინც. ამასთან, ეს შესადარისი ინფორმაცია არ უნდა შეესაბამებოდეს ფასს 7ს  `ფინანსური ინსტრუმენტები: განმარტებითი შენიშვნები~, ან ფასს 9ს იმ შემთხვევაში, თუ ფასს 7ით მოთხოვნილი ინფორმაცია ეხება ფასს 9ის მოქმედების სფეროში მყოფ მუხლებს. ამგვარი საწარმოებისთვის `ფასსებზე გადასვლის თარიღი~ ნიშნავს ფასს-ების შესაბამისად წარდგენილი პირველი საანგარიშგებო პერიოდის დასაწყისს, მაგრამ მხოლოდ ფასს 9ისა და ფასს 7ის კონტექსტში.
 
 
ე2.        საწარმომ, რომელიც ირჩევს ისეთი შესადარისი ინფორმაციის წარდგენას, რომელიც არ
 
შეესაბამება ფასს 9სა და ფასს 7ს, ფასსებზე გადასვლის პირველ წელს:
 
ა)          უნდა გამოიყენოს ადრინდელი საყოველთაოდ მიღებული ბუღალტრული აღრიცხვის პრინციპებით გათვალისწინებული აღიარებისა და შეფასების მოთხოვნები, ფასს 9ის მოთხოვნების ნაცვლად, რომლებიც ეხება ფასს 9ის მოქმედების სფეროში მყოფი მუხლების შესახებ შესადარისი ინფორმაციის წარდგენას;
 
ბ)         განმარტებით შენიშვნებში აღნიშნოს ამ ფაქტის შესახებ და ასევე უნდა განმარტოს საფუძველი, რომელიც გამოიყენა ზემოაღნიშნული ინფორმაციის მოსამზადებ
 
გ)         შესადარისი პერიოდის საანგარიშგებო თარიღისთვის მომზადებულ ფინანსური მდგომარეობის ანგარიშგებასა (ე.ი. ფინანსური მდგომარეობის ანგარიშგება, რომელიც მოიცავს ადრინდელი საყოველთაოდ მიღებული ბუღალტრული აღრიცხვის პრინციპების შესაბამის შესადარის ინფორმაციას) და ფასს-ების შესაბამისი პირველი საანგარიშგებო პერიოდის დასაწყისისთვის მომზადებულ ფინანსური მდგომარეობის ანგარიშგებას შორის (ე.ი პირველი პერიოდი, რომელიც მოიცავს ფასს 9ისა და ფასს 7ის შესაბამის ინფორმაციას) კორექტირება უნდა ასახოს, როგორც სააღრიცხვო პოლიტიკის შეცვლით
 
გამოწვეული კორექტირება და მოამზადოს განმარტებითი შენიშვნები, რომლებსაც ითვალისწინებს ბასს 8ის 28(ა)(ე) და (ვ) (ი) პუნქტები. 28(ვ) (ი) პუნქტი გამოიყენება მხოლოდ იმ თანხების მიმართ, რომლებიც წარდგენილია შესადარისი პერიოდის საანგარიშგებო თარიღისთვის მომზადებულ ფინანსური მდგომარეობის ანგარიშგებაში;
 
დ)        გამოიყენოს ბასს 1ის 17(გ) პუნქტი დამატებითი განმარტებითი ინფორმაციის გასამჟღავნებლად, როდესაც კონკრეტული ფასს-ების მოთხოვნები საკმარისი არ არის იმისათვის, რომ მომხმარებლებმა გაიგონ, რა გავლენას ახდენს საწარმოს ფინანსურ მდგომარეობასა და მისი საქმიანობის ფინანსურ შედეგებზე კონკრეტული ოპერაციები, სხვა მოვლენები და პირობები.
 
ფასს 1 მდ
 
 
განმარტებითი შენიშვნები ფინანსური ინსტრუმენტების შესახებ
 
ე3.        საწარმოს, რომელიც პირველად იყენებს ფასსებს, უფლება აქვს გამოიყენოს ფასს 7ის 44ზ პუნქტით განსაზღვრული გარდამავალი დებულებები1.
 
ე4.        საწარმოს, რომელიც პირველად იყენებს ფასსებს, უფლება აქვს გამოიყენოს ფასს 7ის 44ნ პუნქტით განსაზღვრული გარდამავალი დებულებები2.
 
დაქირავებულ მომუშავეთა გასამრჯელოები
 
ე5.        საწარმოს, რომელიც პირველად იყენებს ფასსებს, უფლება აქვს გამოიყენოს ბასს 39ის 173
 
(ბ) პუნქტით გათვალისწინებული გარდამავალი დებულებები.
 
საინვესტიციო საწარმოები
 
ე6.        საწარმომ, რომელიც პირველად იყენებს ფასსებს, უნდა შეაფასოს, არის თუ არა ის საინვესტიციო საწარმო, ფასს 10ში მოცემული განმარტების შესაბამისად, ფასსებზე გადასვლის თარიღისთვის არსებული ფაქტებისა და გარემოებების საფუძველზე.
 
ე7.        საწარმოს, რომელიც პირველად იყენებს ფასსებს და კლასიფიცირდება საინვესტიციო საწარმოდ ფასს 10ში მოცემული განმარტების შესაბამისად, უფლება აქვს გამოიყენოს ფასს 10ის გ3გგ3დ პუნქტებით და ბასს 27ის 18გ18ზ პუნქტებით განსაზღვრული გარდამავალი დებულებები, თუ ფასს-ების შესაბამისი მისი პირველი ფინანსური ანგარიშგება მოიცავს წლიურ პერიოდს, რომელიც მთავრდება 2014 წლის 31 დეკემბერს, ან უფრო ადრე. ამ პუნქტებში მითითებული სტანდარტის თავდაპირველი გამოყენების თარიღის უშუალო წინა პერიოდის ნაცვლად ამ საწარმომ უნდა იგულისხმოს ყველაზე ადრეული წარდგენილი წლიური პერიოდი. შესაბამისად, ამ პუნქტებში მისთვის ეს იქნება ფასსებზე გადასვლის თარიღი.
 
1.         ე3 პუნქტი დაემატა 2010 წლის იანვარში გამოცემული დოკუმენტის  `შეზღუდული განთავისუფლება ფასს 7ით გათვალისწინებული შესადარისი ინფორმაციის გამჟღავნების მოთხოვნიდან: განმარტებითი შენიშვნები იმ საწარმოთათვის, რომლებიც პირველად იწყებენ ფასს-ების გამოყენებას~ (ფასს 1ში შესატანი ცვლილებები)  შედეგად. რეტროსპექტული ხედვის გამოყენების თავიდან ასაცილებლად და ასევე იმისთვის, რომ უფრო არახელსაყრელ მდგომარეობაში არ აღმოჩენილიყვნენ ის საწარმოები, რომლებიც პირველად იყენებენ ფასსებს იმ საწარმოებთან შედარებით, რომლებიც უკვე იყენებენ ფასსებს, საბჭომ გადაწყვიტა, რომ მათთვისაც იმავე გარდამავალი დებულებების გამოყენების უფლება მიეცა, რაც ნებადართული იყო ფინანსური ანგარიშგების არსებული მომმზადებლებისთვის ფასს-ების შესაბამისად, რომლებიც გათვალისწინებულია დოკუმენტში  `ფინანსური ინსტრუმენტების შესახებ განმარტებითი შენიშვნების გაუმჯობესება~ (ფასს 7ში შესატანი ცვლილებები.
 
2.         ე4 პუნქტი დაემატა 2010 წლის ოქტომბერში გამოცემული დოკუმენტის  `განმარტებითი შენიშვნები  ფინანსური აქტივების გადაცემა~ (ფასს 7ში შესატანი ცვლილებები)  შედეგად. რეტროსპექტული ხედვის გამოყენების თავიდან ასაცილებლად და ასევე იმისთვის, რომ უფრო არახელსაყრელ მდგომარეობაში არ აღმოჩენილიყვნენ ის საწარმოები, რომლებიც პირველად იყენებენ ფასსებს იმ საწარმოებთან შედარებით, რომლებიც უკვე იყენებენ ფასსებს, საბჭომ გადაწყვიტა, მათთვისაც იმავე გარდამავალი დებულებების გამოყენების უფლება მიეცა, რაც ფასს-ების შესაბამისად ნებადართული იყო ფინანსური ანგარიშგების არსებული მომმზადებლებისთვის, რომლებიც გათვალისწინებულია დოკუმენტში  `განმარტებითი შენიშვნები  ფინანსური აქტივების გადაცემა~ (ფასს 7ში შესატანი ცვლილებები).