ifric 10 ფასიკ-ის ინტერპრეტაცია 10

ifric10.pdf
View Download
ფასიკ 10


ფასიკ-ის ინტერპრეტაცია 10

შუალედური ფინანსური ანგარიშგება და გაუფასურება


წყაროები


ფასს 9 _ `ფინანსური ინსტრუმენტები~.

ბასს 34 _ `შუალედური ფინანსური ანგარიშგება~.

ბასს 36 _ `აქტივების გაუფასურება~.

ამოსავალი ინფორმაცია


1. ყოველი საანგარიშგებო თარიღისათვის საწარმოს მოეთხოვება გუდვილის გაუფასურების შეფასება ყოველი საანგარიშგებო პერიოდის ბოლოს და, საჭიროების შემთხვევაში, გაუფასურების ზარალის აღიარება ამ თარიღისათვის ბასს 36-ის შესაბამისად. თუმცა, მომდევნო საანგარიშგებო თარიღისათვის პირობები შეიძლება ისე იყოს შეცვლილი, რომ გაუფასურების ზარალი შემცირებული იყოს ან საერთოდ აღარ არსებობდეს, თუ გაუფასურება მხოლოდ ამ თარიღისათვის შეფასდებოდა. წინამდებარე ინტერპრეტაცია მითითებებს იძლევა იმის შესახებ, როდისმე შეიძლება თუ არა ამგვარი გაუფასურების ზარალის კომპენსირება.

2. მოცემული ინტერპრეტაცია ეხება ბასს 34-ის მოთხოვნებსა და ბასს 36-ით გათვალისწინებული, გუდვილის გაუფასურების ზარალის აღიარების მოთხოვნებს შორის ურთიერთქმედებას, ასევე ამ ინტერპრეტაციის გავლენას მომდევნო პერიოდის შუალედურ და წლიურ ფინანსურ ანგარიშგებებზე.


განსახილველი საკითხი


3. ბასს 34 –ის 28-ე პუნქტი მოითხოვს, რომ საწარმომ შუალედურ ფინანსურ ანგარიშგებაშიც იგივე სააღრიცხვო პოლიტიკა გამოიყენოს, რომელსაც წლიური ფინანსური ანგარიშ-გებისათვის იყენებს. აქვე აღნიშნულია, რომ: `საწარმოს ანგარიშგების სიხშირემ (წლიური, ნა-ხევარწლიური ან კვარტალური) ზეგავლენა არ უნდა იქონიოს მისი წლიური შედეგების შეფასე-ბებზე. ამ მიზნით, შუალედური ანგარიშგების შეფასებები უნდა გაკეთდეს წლის მოცემულ თარი-ღამდე განვლილი პერიოდის საფუძველზე~.


4. ბასს 36-ის 124-ე პუნქტში აღნიშნულია: `დაუშვებელია გუდვილის გაუფასურების აღიარებული ზარალის კომპენსირება მომავალ პერიოდებში~.

5-6. [გაუქმებულია]

7. წინამდებარე ინტერპრეტაცია ეხება შემდეგ საკითხებს:

უნდა მოახდინოს თუ არა საწარმომ შუალედურ პერიოდში გუდვილთან დაკავშირებით აღიარებული გაუფასურების ზარალის უკუგატარება, თუ ეს ზარალი არ აღიარდებოდა, ან უმნიშვნელკო ზარალი აღიარდებოდა გაუფასურების შეფასება მომდევნო საანგარიშგებო პერიოდის ბოლოს რომ განხორციელებულიყო.
 


 
ფასიკ 10

კონსენსუსი


8. საწარმომ არ უნდა მოახდინოს წინა შუალედურ პერიოდში გუდვილთან დაკავშირებით აღიარებული გაუფასურების ზარალის უკუგატარება (კომპენსირება).

9. საწარმომ ამ ინტერპრეტაციის კონსენსუსი ანალოგიურად არ უნდა გაავრცელოს სხვა სფე-როებზეც, რომლებიც ბასს 34-სა და სხვა სტანდარტებს შორის პოტენციურ წინააღმდეგობებს მოიცავს.


ძალაში შესვლის თარიღი და გარდამავალი დებულებები


10. საწარმომ წინამდებარე ინტერპრეტაცია უნდა გამოიყენოს წლიური პერიოდებისათვის, რომლებიც იწყება 2006 წლის 1 ნოემბერს ან მის შემდეგ. რეკომენდებულია ვადაზე ადრე გამოყენებაც. თუ საწარმო ამ ინტერპრეტაციას 2006 წლის 1 ნოემბრამდე დაწყებული პერიოდისათვის გამოიყენებს, მან ეს ფაქტი უნდა განმარტოს ფინანსური ანგარიშგების შენიშვნებში. საწარმომ მოცემული ინტერპრეტაცია გუდვილთან მიმართებით უნდა გამოიყენოს პერსპექტიულად იმ თარიღიდან, როდესაც პირველად გამოიყენა ბასს 36, ხოლო წილობრივ ინსტრუმენტებში ან თვითღირებულებით ასახულ ფინანსურ აქტივებში განხორციელებული ინვესტიციებისთვის _ პერსპექტიულად იმ დღიდან, როდესაც პირველად გამოიყენა ბასს 39-ის შეფასების კრიტერიუმები.


11. [გაუქმებულია]

12. [გაუქმებულია]

13. ფასს 9-ის 2013 წლის ნოემბრის შეცვლილმა ვერსიამ გამოიწვია 1-ლი, მე-2, მე-7 და მე-8 პუნქტების შეცვლა და მე-5, მე-6, მე-11 და მე-12 პუნქტების გაუქმება. საწარმომ ზემოაღნიშნული ცვლილებები იმ საანგარიშგებო პერიოდში უნდა გამოიყენოს, როდესაც გამოიყენებს ფასს 9-ის 2013 წლის ნოემბრის შეცვლილ ვერსიას.