ifric 07 ფასიკ-ის ინტერპრეტაცია 7

ifric07.pdf
View Download
ფასიკ 7

ფასიკ-ის ინტერპრეტაცია 7

ბასს 29-ის _ `ფინანსური ანგარიშგება ჰიპერინფლაციური ეკონომიკის პირობებში _ გადაანგარიშების მიდგომის გამოყენება



წყაროები


ბასს 12 _ `მოგებიდან გადასახადები.

ბასს 29 _ `ფინანსური ანგარიშგება ჰიპერინფლაციური ეკონომიკის პირობებში.

ამოსავალი ინფორმაცია


1. წინამდებარე ინტერპრეტაცია მითითებებს იძლევა, როგორ გამოიყენება ბასს 29 იმ საანგარიშგებო პერიოდში, როდესაც საწარმო ჰიპერინფლაციის არსებობას დაადგენს1 მისი სამუშაო ვალუტის შესაბამის ეკონომიკურ გარემოში, რომელიც წინა პერიოდში ჰოპერ-ინფლაციური არ იყო და, მაშასადამე, საწარმო ახდენს ფინანსური ანგარიშგების გადაან-გარიშებას ბასს 29-ის შესაბამისად.


განსახილველი საკითხები


2. მოცემული ინტერპრეტაცია ეხება შემდეგ საკითხებს:

ა) როგორ უნდა გავიგოთ ბასს 29-ის მე-8 პუნქტის მოთხოვნა `თავიანთი ფინანსური ანგარიშ-გება უნდა ჩამოაყალიბონ საანგ არსებულ ზომის ერთეულებში, როდესაც საწარმო იყენებს ამ სტანდარტს?

ბ) როგორ უნდა ასახოს საწარმომ გადავადებული გადასახადის საწყისი ნაშთის მუხლები გადაანგარიშებულ ფინანსურ ანგარიშგებაში?

კონსენსუსი


3. იმ საანგარიშგებო პერიოდში, როდესაც საწარმოო ჰიპერინფლაციის არსებობას დაადგენს მისი სამუშაო ვალუტის შესაბამის ეკონომიკურ გარემოში, რომელიც წინა პერიოდში ჰიპერინფლაციური არ იყო, საწარმომ ბასს 29-ის მოთხოვნები ისე უნდა გამოიყენოს, თითქოს ეს ეკონომიკა ყოველთვის ჰიპერინფლაციური იყო. ამგვარად, პირვანდელი ღირებულებით შეფასებულ არაფულად მუხლებთან დაკავშირებით, ფინანსურ ანგარიშგებაში წარმოდგენილი ყველაზე ადრეული პერიოდის დასაწყისისთვის არსებული საწყისი ფინანსური მდგომარეობის ანგარიშგება უნდა გადაანგარიშდეს, რათა აისახოს ინფლაციის გავლენა _ იმ დღიდან, როდესაც აქტივები იყო შეძენილი და ვალდებულებები აღებული _ საანგარიშგებო თარიღამდე. საწყისი ფინანსური მდგომარეობის ანგარიშგება არაფულადი მუხლებისათვის, რომლებიც ასახული არ არის აქტივის შეძენის ან ვალდებულების აღების თარიღის შესაფერისი თანხებით, გადაანგარიშებამ ინფლაციის გავლენა უნდა ასახოს იმ თარიღებიდან, როდესაც მათი საბალანსო ღირებულებები განისაზღვრა, საანგარიშგებო პერიოდის დამთავრებამდე.


4. საანგარიშგებო პერიოდის ბოლოს, გადავადებული გადასახადის მუხლები აღიარდება და შეფასდება ბასს 12-ის შესაბამისად. ამასთან, გადავადებული გადასახადის მონაცემები საანგა-რიშგებო პერიოდის საწყის ფინანსური მდგომარეობის ანგარიშგებაში განისაზღვრება შემდეგნაირად:


ა) საწარმო ხელახლა შეაფასებს გადავადებული გადასახადის მუხლებს ბასს 12-ის შესაბამისად, მას შემდეგ, რაც გადაიანგარიშებს საანგარიშგებო პერიოდის საწყისი



1. ჰიპერინფლაციის დადგენა ეყრდნობა საწარმოს მიერ ბასს 29-ის მე-3 პუნქტის კრიტერიუმების განხილვას.
 


ფასიკ 7

ფინანსური მდგომარეობის ანგარიშგების თარიღისათვის არსებული არაფულადი მუხლების ნომინალურ საბალანსო ღირებულებებს, ამ თარიღისათვის არსებული ზომის ერთეულით;

ბ) (ა) პუნქტის მიხედვით ხელახლა შეფასებული გადავადებული გადასახადის მუხლები გადა-ანგარიშდება საანგარიშგებო პერიოდის საწყისი ფინანსური მდგომარეობის ანგარიშგების თარიღიდან საბოლოო ბალან-სის შედგენის თარიღამდე, ზომის ერთეულში მომხდარი ცვლილების გათვალის-წინებით.

საწარმო (ა) და (ბ) პუნქტებში განხილულ მიდგომას იყენებს იმ საანგარიშგებო პერიოდის გადაანგარიშებულ ფინანსურ ანგარიშგებაში წარდგენილი ნებისმიერი შესადარისი პერიოდის საწყის ფინანსური მდგომარეობის ანგარიშგებაში ასახული გადავადებული გადასახადის მუხლების გადასაანგარიშებლად, რომლისთვისაც საწარმო ბასს 29-ს იყენებს.

5. მას შემდეგ, რაც საწარმო ფინანსურ ანგარიშგებას გადაიანგარიშებს, მომდევნო საანგა-რიშგებო პერიოდის ფინანსური ანგარიშგების ყველა შესაბამისი მონაცემი, მათ შორის, გადავადებული გადასახადის მუხლები, გადაანგარიშდება ზომის ერთეულში მომხდარი ცვლილების გათვალისწინებით, რომელიც დაფიქსირდა მომდევნო საანგარიშგებო პერიოდში, წინა საანგარიშგებო პერიოდის გადაანგარიშებულ ფინანსურ ანგარიშგებასთან მიმართებით.

ძალაში შესვლის თარიღი


6. საწარმომ წინამდებარე ინტერპრეტაცია უნდა გამოიყენოს წლიური პერიოდებისათვის, რომლებიც იწყება 2006 წლის 1 მარტს ან მის შემდეგ. რეკომენდებულია ვადაზე ადრე გამოყენებაც. თუ საწარმო ამ ინტერპრეტაციას გამოიყენებს 2006 წლის 1 მარტამდე დაწ-ყებული პერიოდის ფინანსური ანგარიშგებისათვის, მან ეს ფაქტი უნდა განმარტოს ფინანსური ანგარიშგების შენიშვნებში.