ias 27 ბუღალტრული აღრიცხვის საერთაშორისო სტანდარტი 27

ias27.pdf
View Download
ბასს 27


ბუღალტრული აღრიცხვის საერთაშორისო სტანდარტი 27

ინდივიდუალური ფინანსური ანგარიშგება


მიზანი


1. წინამდებარე სტანდარტის მიზანია, დაადგინოს შვილობილ საწარმოებში, ერთობლივ საწარმოებსა და მეკავშირე საწარმოებში ფლობილი ინვესტიციების ბუღალტრული აღრიცხვისა და განმარტებით შენიშვნებში ინფორმაციის გამჟღავნების წესები იმ შემთხვევისთვის, როდესაც საწარმო ამზადებს ინდივიდუალურ ფინანსურ ანგარიშგებას.

მოქმედების სფერო


2. მოცემული სტანდარტი გამოიყენება შვილობილ, ერთობლივ და მეკავშირე საწარმოებში ფლობილი ინვესტიციების ბუღალტრული აღრიცხვისთვის იმ შემთხვევაში, როდესაც საწარმო გადაწყვეტს ინდივიდუალური ფინანსური ანგარიშგების წარდგენას, ან ამის გაკეთება მოეთხოვება ადგილობრივი კანონმდებლობით.

3. ბასს 27 არ ადგენს, რომელ საწარმოებს ევალებათ ინდივიდუალური ფინანსური ანგარიშგების წარდგენა. იგი გამოიყენება იმ შემთხვევაში, როდესაც საწარმო ინდივიდუალურ ფინანსურ ანგარიშგებას ამზადებს ფინანსური ანგარიშგების საერთაშორისო სტანდარტების შესაბამისად.


განმარტებები


4. წინამდებარე სტანდარტში ტერმინები გამოყენებულია შემდეგი მნიშვნელობით:

კონსოლიდირებული ფინანსური ანგარიშგება  საწარმოთა ჯგუფის ფინანსური ანგარიშგება, რომელშიც სათავო საწარმოსა და მისი შვილობილი საწარმოების აქტივები, ვალდებულებები, საკუთარი კაპიტალი, შემოსავალი, ხარჯები და ფულადი ნაკადები წარდგენილია, როგორც ერთი ეკონომიკური სუბიექტის აქტივები, ვალდებულებები, საკუთარი კაპიტალი, შემოსავალი, ხარჯები და ფულადი ნაკადები.

ინდივიდუალური ფინანსური ანგარიშგება  ფინანსური ანგარიშგება, რომელიც მომზადებულია სათავო საწარმოს მიერ (ე.ი. ინვესტორის მიერ, რომელსაც გააჩნია კონტროლი შვილობილ საწარმოზე), ან ინვესტორის მიერ, რომელსაც აქვს ერთობლივი კონტროლი ან მნიშვნელოვანი გავლენა ინვესტირებულ საწარმოზე, სადაც ინვესტიციები აისახება თვითღირებულებით, ან ფასს 9ის  `ფინანსური ინსტრუმენტები  შესაბამისად.

5. შემდეგი ტერმინები განმარტებულია ფასს 10ის  `კონსოლიდირებული ფინანსური ანგარიშგება  `ა დანართში, ფასს 11ის  `ერთობლივი საქმიანობა  `ა დანართში და ბასს 28ის  `ინვესტიციები მეკავშირე და ერთობლივ საწარმოებში  მე3 პუნქტში:

მეკავშირე საწარმო;

ინვესტირებული საწარმოს კონტროლი; ჯგუფი;


საინვესტიციო საწარმო; ერთობლივი კონტროლი; ერთობლივი საწარმო;

ერთობლივი მეწილე; სათავო საწარმო;
 
ბასს 27

მნიშვნელოვანი გავლენა; შვილობილი საწარმო.

6. ინდივიდუალური ფინანსური ანგარიშგება არის ფინანსური ანგარიშგება, რომლის წარდგენა ხდება კონსოლიდირებული ფინანსური ანგარიშგების დამატების სახით, ან იმ ფინანსური ანგარიშგების დამატების სახით, რომელშიც მეკავშირე საწარმოებში, ან ერთობლივ საწარმოებში ფლობილი ინვესტიციები აისახება კაპიტალმეთოდის გამოყენებით, ისეთ სიტუაციებში, რომლებიც აღწერილი არ არის 88ა პუნქტებში. შესაძლებელია, რომ ინდივიდუალური ფინანსური ანგარიშგება არ წარმოადგენდეს ზემოაღნიშნული ფინანსური ანგარიშგებების დანამატს, ან თანმხლებ დოკუმენტს.

7. ფინანსური ანგარიშგება, რომლის მოსამზადებლადაც კაპიტალმეთოდი გამოიყენება, არ მიიჩნევა ინდივიდუალურ ფინანსურ ანგარიშგებად. ანალოგიურად, ინდივიდუალურ ფინანსურ ანგარიშგებად არ მიიჩნევა იმ საწარმოს ფინანსური ანგარიშგება, რომელსაც არ გააჩნია შვილობილი საწარმო, მეკავშირე საწარმო, ან ერთობლივი მეწილის წილი ერთობლივ საწარმოში.

8. საწარმოს, რომელიც განთავისუფლებულია კონსოლიდაციისგან ფასს 10ის 4(ა) პუნქტის შესაბამისად, ან კაპიტალმეთოდის გამოყენებისგან ბასს 28ის (2011 წლის შესწორებული ვერსია) მე17 პუნქტის შესაბამისად, უფლება აქვს, თავისი ერთადერთი ფინანსური ანგარიშგების სახით წარადგინოს ინდივიდუალური ფინანსურ ანგარიშგება.

8ა. საინვესტიციო საწარმო, რომელიც ვალდებულია, ფასს 10ის მე3 პუნქტის შესაბამისად კონსოლიდაციიდან განთავისუფლების მოთხოვნა გამოიყენოს ყველა თავისი შვილობილი საწარმოსთვის როგორც მიმდინარე, ისე ყველა წარდგენილ შესადარის პერიოდშიც, ერთადერთი ფინანსური ანგარიშგების სახით წარადგენს ინდივიდუალურ ფინანსურ ანგარიშგებას.


ინდივიდუალური ფინანსური ანგარიშგების მომზადება


9. ინდივიდუალური ფინანსური ანგარიშგება უნდა მომზადდეს ყველა შესაფერისი ფასსის შესაბამისად, მე10 პუნქტით გათვალისწინებული შემთხვევების გარდა.

10. საწარმომ ინდივიდუალური ფინანსური ანგარიშგების მომზადებისას, შვილობილ, ერთობლივ და მეკავშირე საწარმოებში ფლობილი ინვესტიციები უნდა ასახოს:

ა) თვითღირებულებით; ან

ბ) ფასს 9ის შესაბამისად.

საწარმომ ერთი და იგივე სააღრიცხვო პოლიტიკა უნდა გამოიყენოს ყველა კატეგორიის ინვესტიციისთვის. თვითღირებულებით ასახული ინვესტიციები, რომლებიც კლასიფიცირებულია, როგორც გასაყიდად გამიზნული (ან ჩართულია გასაყიდად გამიზნულად კლასიფიცირებულ გამსვლელ ჯგუფში), უნდა აღირიცხოს ფასს 5ის  `გასაყიდად გამიზნული გრძელვადიანი აქტივები და შეწყვეტილი ოპერაციები  შესაბამისად. ასეთ ვითარებაში არ იცვლება ფასს 9ის შესაბამისად ასახული ინვესტიციების შეფასება.

11. თუ საწარმო, ბასს 28ის (2011 წლის შესწორებული ვერსია) მე18 პუნქტის თანახმად, გადაწყვეტს მეკავშირე საწარმოებში ან ერთობლივ საწარმოებში ფლობილი ინვესტიციების შეფასებას რეალური ღირებულებით, მოგებაში ან ზარალში ასახვით ფასს 9ის შესაბამისად, მან ეს ინვესტიციები ინდივიდუალურ ფინანსურ ანგარიშგებაშიც ამავე მეთოდით უნდა ასახოს.

11ა. თუ სათავო საწარმო, ფასს 10ის 31ე პუნქტის შესაბამისად, ვალდებულია, რომ შვილობილ საწარმოში კუთვნილი ინვესტიცია ფასს 9ის შესაბამისად შეაფასოს რეალური ღირებულებით, მოგებაში ან ზარალში ასახვით, მან შვილობილ საწარმოში ფლობილი ინვესტიცია ინდივიდუალურ ფინანსურ ანგარიშგებაშიც ამავე მეთოდით უნდა ასახოს.

11ბ. როდესაც სათავო საწარმო აღარ აკმაყოფილებს საინვესტიციო საწარმოს განმარტებას, ან პირიქით, ხდება საინვესტიციო საწარმო, მან საკლასიფიკაციო სტატუსის შეცვლის თარიღიდან ეს ცვლილება უნდა ასახოს შემდეგნაირად:
 
ბასს 27



ა) როდესაც საწარმო აღარ კლასიფიცირდება საინვესტიციო საწარმოდ, მან მე10 პუნქტის შესაბამისად:

(ი) შვილობილ საწარმოში ფლობილი ინვესტიცია უნდა ასახოს თვითღირებულებით.

შვილობილი საწარმოს საკლასიფიკაციო სტატუსის შეცვლის თარიღისთვის

განსაზღვრული  რეალური ღირებულება  უნდა  გამოიყენოს, როგორც პირობითი

საწყისი ღირებულება ამ თარიღისთვის; ან

(იი) გააგრძელოს შვილობილ საწარმოში ფლობილი ინვესტიციის აღრიცხვა

ფასს 9ის შესაბამისად.

ბ) თუ საწარმო გახდება საინვესტიციო საწარმო, მან შვილობილ საწარმოში ფლობილი ინვესტიცია ფასს 9ის მიხედვით უნდა აღრიცხოს რეალური ღირებულებით, მოგებაში ან ზარალში ასახვით. სხვაობა შვილობილი საწარმოს ადრინდელ საბალანსო ღირებულებასა და ინვესტორის საკლასიფიკაციო სტატუსის შეცვლის თარიღისთვის განსაზღვრულ მის რეალურ ღირებულებას შორის უნდა აღიარდეს მოგებაში ან ზარალში როგორც შემოსულობა, ან ზარალი. რეალური ღირებულების კორექტირების მთლიანი თანხა, რომელიც ადრე აღიარებული იყო `სხვა სრულ შემოსავალში ამ შვილობილ საწარმოებთან მიმართებით, იმგვარად უნდა აისახოს, თითქოს საინვესტიციო საწარმომ საკლასიფიკაციო სტატუსის შეცვლის თარიღისთვის ასახა შვილობილი საწარმოების გასვლა.



12. შვილობილი საწარმოდან, ერთობლივი საწარმოდან, ან მეკავშირე საწარმოდან მიღებული დივიდენდები საწარმომ მაშინ უნდა აღიაროს ინდივიდუალურ ფინანსურ ანგარიშგებაში, მოგებაში, ან ზარალში, როდესაც დამტკიცდება საწარმოს დივიდენდების მიღების უფლება.

13. როდესაც სათავო საწარმო ჯგუფის სტრუქტურას გარდაქმნის ახალი საწარმოს, კერძოდ, თავისი სათავო საწარმოს დაფუძნებით იმგვარად, რომ დაკმაყოფილებულია შემდეგი კრიტერიუმები:

ა) ახალი სათავო საწარმო თავდაპირველ სათავო საწარმოზე კონტროლს მოიპოვებს წილობრივი ინსტრუმენტების გამოშვებით, თავდაპირველი სათავო საწარმოს არსებული წილობრივი ინსტრუმენტების სანაცვლოდ;

ბ) ახალი ჯგუფისა და თავდაპირველი ჯგუფის აქტივები და ვალდებულებები ერთი და იგივეა უშუალოდ რეორგანიზაციამდე და რეორგანიზაციის შემდეგ; და

გ) თავდაპირველი სათავო საწარმოს რეორგანიზაციამდელ მესაკუთრეებს, რეორგანიზაციამდეც და რეორგანიზაციის შემდეგაც, ერთი და იგივე წილი აქვთ თავდაპირველი ჯგუფისა და ახალი ჯგუფის წმინდა აქტივებში, აბსოლუტურ და ხვედრით სიდიდეებში და ახალი სათავო საწარმო თავის ინვესტიციებს თავდაპირველ სათავო საწარმოში 10 (ა) პუნქტის შესაბამისად ასახავს ინდივიდუალურ ფინანსურ ანგარიშგებაში, მაშინ ახალმა სათავო საწარმომ ინვესტიციების თვითღირებულება უნდა შეაფასოს საკუთარი კაპიტალის იმ ელემენტებში თავისი წილის საბალანსო ღირებულებით, რომლებიც ნაჩვენებია თავდაპირველი სათავო საწარმოს ინდივიდუალურ ფინანსურ ანგარიშგებაში რეორგანიზაციის თარიღისათვის.

14. ანალოგიურად, სხვა საწარმოსაც (რომელიც თავად არ არის სათავო საწარმო) შეუძლია ახალი საწარმოს, კერძოდ, სათავო საწარმოს დაფუძნება ისე, რომ დაკმაყოფილებული იყოს მე13 პუნქტის კრიტერიუმები. მე13 პუნქტის მოთხოვნები ამგვარი რეორგანიზაციის დროსაც გამოიყენება. ასეთ შემთხვევაში, ტერმინების `თავდაპირველი სათავო საწარმო და `თავდაპირველი ჯგუფი ნაცვლად ნაგულისხმევი იქნება `თავდაპირველი საწარმო.

განმარტებითი შენიშვნები

 

15. ინდივიდუალური ფინანსური ანგარიშგების განმარტებით შენიშვნებში გასამჟღავნელი ინფორმაციის მოსამზადებლად საწარმომ უნდა გამოიყენოს ყველა შესაფერისი ფასს, მათ შორის მე16 და მე17 პუნქტებით გათვალისწინებული მოთხოვნები.
 
ბასს 27



16. როდესაც სათავო საწარმო ფასს 10ის 4(ა) პუნქტის შესაბამისად გადაწყვეტს, არ მოამზადოს კონსოლიდირებული ფინანსური ანგარიშგება და ამის ნაცვლად ამზადებს ინდივიდუალურ ფინანსურ ანგარიშგებას, მან ინდივიდუალური ფინანსური ანგარიშგების განმარტებით შენიშვნებში უნდა წარმოადგინოს შემდეგი ინფორმაცია:

ა) ის ფაქტი, რომ მოცემული ფინანსური ანგარიშგება არის ინდივიდუალური ფინანსური ანგარიშგება; საწარმომ გამოიყენა კონსოლიდაციისაგან განთავისუფლების უფლება; იმ საწარმოს სახელწოდება და საქმიანობის ძირითადი ადგილი (ქვეყანა) (და ასევე ქვეყანა, სადაც რეგისტრირებულია, თუ განსხვავდება მისი საქმიანობის ძირითადი ადგილისგან) , ვისი კონსოლიდირებული ფინანსური ანგარიშგებაც შედგენილია ფინანსური ანგარიშგების საერთაშორისო სტანდარტების შესაბამისად და ხელმისაწვდომია საჯარო სარგებლობისთვის; მისამართი, სადაც შეიძლება კონსოლიდირებული ფინანსური ანგარიშგების მოპოვება;

ბ) შვილობილ საწარმოებში, ერთობლივ საწარმოებსა და მეკავშირე საწარმოებში დაბანდებული მნიშვნელოვანი ინვესტიციების სია, მათ შორის:

(ი) ამ ინვესტირებული საწარმოების სახელწოდებები;

(იი) თითოეული ინვესტირებული საწარმოს საქმიანობის ძირითადი ადგილი (ქვეყანა)

(და ასევე ქვეყანა, სადაც რეგისტრირებულია, თუ განსხვავდება მისი საქმიანობის

ძირითადი ადგილისგან);

(იიი) ამ ინვესტირებულ საწარმოებში ფლობილი საკუთრების პროცენტული წილი (და,

თუ განსხვავებულია, წილი მესაკუთრეთა ხმის უფლებებში).

გ) (ბ) პუნქტით გათვალისწინებულ სიაში შეტანილი ინვესტიციების აღრიცხვისთვის გამოყენებული მეთოდების აღწერა.

16ა. თუ საინვესტიციო საწარმო, რომელიც წარმოადგენს სათავო საწარმოს (გარდა მე16 პუნქტში მითითებული სათავო საწარმოსი), 8ა პუნქტის შესაბამისად, ერთადერთი ფინანსური ანგარიშგების სახით ამზადებს ინდივიდუალურ ფინანსურ ანგარიშგებას, მან განმარტებით შენიშვნებში უნდა დააფიქსიროს ეს ფაქტი. გარდა ამისა, საინვესტიციო საწარმომ უნდა წარმოადგინოს ყველანაირი ინფორმაცია, რომლის გამჟღავნებაც ევალებათ საინვესტიციო საწარმოებს ფასს 12ის  `განმარტებითი შენიშვნები სხვა საწარმოებში მონაწილეობის შესახებ  მიხედვით.

17. როდესაც სათავო საწარმო (გარდა 1616ა პუნქტებში მითითებული სათავო საწარმოების), ან ინვესტორი, რომელსაც გააჩნია ერთობლივი კონტროლი, ან მნიშვნელოვანი გავლენა ინვესტირებულ საწარმოზე, ამზადებს ინდივიდუალურ ფინანსურ ანგარიშგებას, სათავო საწარმომ, ან ინვესტორმა ზუსტად უნდა მიუთითოს ფასს 10ის, ფასს 11ის, ან ბასს 28ის (2011 წლის შესწორებული ვერსია) შესაბამისად მომზადებული ფინანსური ანგარიშგება, რომელთანაც ეს ანგარიშგებებია დაკავშირებული. ამასთან, სათავო საწარმომ ან ინვესტორმა ინდივიდუალური ფინანსური ანგარიშგების შენიშვნებში უნდა წარმოადგინოს შემდეგი ინფორმაცია:

ა) ის ფაქტი, რომ მოცემული ფინანსური ანგარიშგება არის ინდივიდუალური ფინანსური ანგარიშგება და მიზეზები, რის გამოც მომზადდა აღნიშნული ანგარიშგება, თუ კანონმდებლობით ამის გაკეთება არ ევალება;

ბ) შვილობილ საწარმოებში, ერთობლივ საწარმოებსა და მეკავშირე საწარმოებში დაბანდებული მნიშვნელოვანი ინვესტიციების სია, მათ შორის:

(ი) ინვესტირებული საწარმოების სახელწოდებები;

(იი) თითოეული ინვესტირებული საწარმოს საქმიანობის ძირითადი ადგილი (ქვეყანა)

(და ასევე ქვეყანა, სადაც რეგისტრირებულია, თუ განსხვავდება მისი საქმიანობის

ძირითადი ადგილისგან);

(იიი) ამ ინვესტირებულ საწარმოებში ფლობილი საკუთრების პროცენტული წილი (და,

თუ განსხვავებულია, წილი მესაკუთრეთა ხმის უფლებებში).
 
ბასს 27

გ) (ბ) პუნქტით გათვალისწინებულ სიაში შეტანილი ინვესტიციების აღრიცხვისთვის გამოყენებული მეთოდების აღწერა.

ძალაში შესვლის თარიღი


18. საწარმომ წინამდებარე სტანდარტი უნდა გამოიყენოს 2013 წლის 1 იანვარს ან მის შემდეგ დაწყებული პერიოდებისთვის. თუ საწარმო ამ სტანდარტის გამოყენებას უფრო ადრე დაიწყებს, მან განმარტებით შენიშვნებში უნდა მიუთითოს ამ ფაქტის შესახებ და იმავდროულად გამოიყენოს ფასს 10, ფასს 11, ფასს 12 და ბასს 28 (2011 წლის შეცვლილი ვერსია).

18ა. 2012 წლის ოქტომბერში გამოცემულმა დოკუმენტმა  `საინვესტიციო საწარმოები  (ფასს 10ში, ფასს 12სა და ბასს 27ში შესატანი ცვლილებები)  გამოიწვია მე5, მე6, მე17 და მე18 პუნქტების შეცვლა და 8ა, 11ა11ბ, 16ა და 18ბ18ი პუნქტების დამატება. საწარმომ ზემოაღნიშნული ცვლილებები უნდა გამოიყენოს 2014 წლის 1 იანვარს ან მის შემდეგ დაწყებული წლიური პერიოდებისთვის. ნებადართულია ვადაზე ადრე გამოყენება. თუ საწარმო უფრო ადრე გამოიყენებს ზემოაღნიშნულ ცვლილებებს, მან ფინანსური ანგარიშგების განმარტებით შენიშვნებში უნდა მიუთითოს ამ ფაქტის შესახებ და იმავდროულად უნდა გამოიყენოს დოკუმენტში  `საინვესტიციო საწარმოები  გათვალისწინებული ყველა ცვლილება.

18ბ. თუ დოკუმენტით  `საინვესტიციო საწარმოები  გათვალისწინებული ცვლილებების თავდაპირველი გამოყენების თარიღისათვის (რომელიც ამ ფასსის მიზნებისთვის არის იმ წლიური საანგარიშგებო პერიოდის დასაწყისი, რომლისთვისაც პირველად გამოიყენება ზემოაღნიშნული ცვლილებები) სათავო საწარმო დაასკვნის, რომ ის მიიჩნევა საინვესტიციო საწარმოდ, მან შვილობილ საწარმოში ფლობილი ინვესტიციის მიმართ უნდა გამოიყენოს 18გ18ი პუნქტები.

18გ. ზემოხსენებული ცვლილებების თავდაპირველი გამოყენების თარიღისთვის, საინვესტიციო საწარმომ, რომელიც ადრე შვილობილ საწარმოში ფლობილ ინვესტიციას აფასებდა თვითღირებულებით, ეს ინვესტიცია უნდა შეაფასოს რეალური ღირებულებით, მოგებაში ან ზარალში ასახვით ისე, თითქოს ყოველთვის წინამდებარე ფასსის მოთხოვნები იყო ძალაში. საინვესტიციო საწარმომ რეტროსპექტულად უნდა გააკორექტიროს იმ წლიური პერიოდის მონაცემები, რომელიც უშუალოდ უსწრებს წინ ამ ცვლილებების თავდაპირველი გამოყენების თარიღს და ასევე უნდა გააკორექტიროს უშუალო წინა პერიოდის დასაწყისის მდგომარეობით არსებული გაუნაწილებელი მოგების მონაცემი, შემდეგ ორ სიდიდეს შორის სხვაობის თანხით:

ა) ამ ინვესტიციის ადრინდელი საბალანსო ღირებულება; და

ბ) ინვესტორის მიერ შვილობილ საწარმოში ფლობილი ინვესტიციის რეალური ღირებულება.

18დ. ზემოხსენებული ცვლილებების თავდაპირველი გამოყენების თარიღისთვის, საინვესტიციო საწარმომ, რომელიც ადრე შვილობილ საწარმოში ფლობილ ინვესტიციას აფასებდა რეალური ღირებულებით, `სხვა სრულ შემოსავალში ასახვით, ამ ინვესტიციის შეფასება უნდა გააგრძელოს რეალური ღირებულებით. რეალური ღირებულებების კორექტირების მთლიანი თანხა, რომელიც ადრე აღიარებული იყო `სხვა სრულ შემოსავალში, საწარმომ უნდა გადაიტანოს იმ წლიური პერიოდის გაუნაწილებელი მოგების საწყის ნაშთში, რომელიც უშუალოდ უსწრებს წინ თავდაპირველი გამოყენების თარიღს.

18ე. ზემოხსენებული ცვლილებების თავდაპირველი გამოყენების თარიღისთვის, საინვესტიციო საწარმო ვალდებული არ არის, შეცვალოს შვილობილ საწარმოში ფლობილი ადრინდელი წილის სააღრიცხვო მეთოდი, რომელსაც წინათ აღრიცხავდა რეალური ღირებულებით, მოგებაში ან ზარალში ასახვით ფასს 9ის შესაბამისად, როგორც ეს მე10 პუნქტითაა ნებადართული.

18ვ. სანამ ფასს 13ის  `რეალური ღირებულების შეფასება  გამოყენებას დაიწყებს, საინვესტიციო საწარმომ უნდა გამოიყენოს რეალური ღირებულების ის მნიშვნელობები, რომლებიც ადრე წარედგინათ ინვესტორებს, ან ხელმძღვანელობას, თუ ეს ის თანხებია, რომლითაც შესაძლებელი იყო ინვესტიციის გაცვლა შეფასების თარიღისათვის საქმის მცოდნე
 
ბასს 27

(ინფორმირებულ) და გარიგების მოსურნე მხარეებს შორის `გაშლილი ხელის მანძილის პრინციპით განხორციელებულ გარიგებაში.

18ზ. თუ შეუძლებელია (ბასს 8ში  `სააღრიცხვო პოლიტიკა, ცვლილებები სააღრიცხვო შეფასებებში და შეცდომები  მოცემული განმარტების თანახმად) შვილობილ საწარმოში განხორციელებული ინვესტიციის შეფასება 18გ18ვ პუნქტების შესაბამისად, საინვესტიციო საწარმომ წინამდებარე ფასსის მოთხოვნები უნდა გამოიყენოს ყველაზე ადრეული პერიოდის დასაწყისისთვის, რომლის მიმართაც შესაძლებელია 18გ18ვ პუნქტების გამოყენება, რაც შეიძლება მიმდინარე პერიოდი იყოს. ინვესტორმა რეტროსპექტულად უნდა გააკორექტიროს იმ წლიური პერიოდის მონაცემები, რომელიც უშუალოდ უსწრებს წინ ზემოაღნიშნულ თავდაპირველი გამოყენების თარიღს, იმ შემთხვევის გარდა, როდესაც ყველაზე ადრეული პერიოდის დასაწყისი, რომლისთვისაც შესაძლებელია ამ პუნქტის გამოყენება, წარმოადგენს მიმდინარე პერიოდს. როდესაც თარიღი, რომლისთვისაც შესაძლებელია, რომ საინვესტიციო საწარმომ შეაფასოს შვილობილი საწარმოს რეალური ღირებულება, წინ უსწრებს უშუალო წინა პერიოდის დასაწყისს, ინვესტორმა უნდა გააკორექტიროს უშუალო წინა პერიოდის დასაწყისისთვის არსებული საკუთარი კაპიტალის მონაცემი, შემდეგ ორ სიდიდეს შორის სხვაობის თანხით:

ა) ამ ინვესტიციის ადრინდელი საბალანსო ღირებულება; და

ბ) ინვესტორის მიერ შვილობილ საწარმოში ფლობილი ინვესტიციის რეალური ღირებულება.

თუ ყველაზე ადრეული პერიოდის დასაწყისი, რომლისთვისაც შესაძლებელია ამ პუნქტის გამოყენება, წარმოადგენს მიმდინარე პერიოდს, საკუთარი კაპიტალის კორექტირების თანხა უნდა აღიარდეს მიმდინარე პერიოდის დასაწყისში.

18თ. თუ საინვესტიციო საწარმო ასხვისებს შვილობილ საწარმოში ფლობილ ინვესტიციას, ან კონტროლს კარგავს შვილობილ საწარმოზე დოკუმენტით  `საინვესტიციო საწარმოები გათვალისწინებული ცვლილებების თავდაპირველი გამოყენების თარიღამდე, საინვესტიციო საწარმო ვალდებული არ არის, შეცვალოს ამ ინვესტიციის სააღრიცხვო მეთოდი, რომელსაც წინათ იყენებდა.

18ი. მიუხედავად იმისა, რომ 18გ18ვ პუნქტებში მინიშნებაა წლიურ პერიოდზე, რომელიც უშუალოდ წინ უსწრებს თავდაპირველი გამოყენების თარიღს (`უშუალო წინა პერიოდი), საწარმოს ასევე უფლება აქვს, კორექტირებული შესადარისი ინფორმაცია წარმოადგინოს უფრო ადრეული ნებისმიერი წარდგენილი პერიოდებისთვისაც, მაგრამ მას ამის გაკეთება არ ევალება. თუ საწარმო წარმოადგენს ზემოაღნიშნული ადრეული პერიოდების კორექტირებულ შესადარის ინფორმაციას, მან, 18გ18ვ პუნქტებში ნახსენები `უშუალო წინა პერიოდის ნაცვლად, უნდა იგულისხმოს `წარდგენილი პერიოდებიდან ყველაზე ადრეული კორექტირებული შესადარისი პერიოდი. თუ საწარმო წარმოადგენს არაკორექტირებულ შესადარის ინფორმაციას რომელიმე წინა პერიოდის შესახებ, მან ნათლად უნდა მიუთითოს, რომელი ინფორმაცია არ არის კორექტირებული და აღნიშნოს, რომ ეს ინფორმაცია მომზადებულია სხვა საფუძვლით და ახსნას, რა საფუძველია ეს.

მინიშნება ფასს 9ის გამოყენებაზე

19. თუ საწარმო წინამდებარე ფასსს იყენებს, მაგრამ ჯერ არ იყენებს ფასს 9ს, მან უნდა იგულისხმოს ბასს 39  `ფინანსური ინსტრუმენტები: აღიარება და შეფასება  ყველგან, სადაც მითითებულია ფასს 9ის გამოყენება.

ბასს 27ის  (2008 წ.) გაუქმება


20. წინამდებარე სტანდარტი ქვეყნდება ფასს 10თან ერთად. ზემოაღნიშნულმა ორივე სტანდარტმა ჩაანაცვლა ბასს 27  `კონსოლიდირებული და ინდივიდუალური ფინანსური ანგარიშგება (2008 წლის შესწორებული ვერსია).